Números 31:4 - Bible in Tzeltal de Oxchuc y Tenejapa

⁴ Ta juju-jchajp ya me sticun jmil (1,000) ta jtul winiquetic yu'un guerra —xi'.

Bible in Tzeltal Bachajón

⁴ Ta jujuchahp te snich'nab Israel ya me aticon lajunwinic yoxbahc' (1,000) ta tuhl winiquetic ta yaq'uel guerra, xchi.

Números 31:4 Referans Kwoze

1 Samuel 14:6

Jonatán jich la yalbey te abat yu'une: —La', c'axucotic bael ta jejch'. Ya me xc'ootic c'alal ta banti ayic te jchajp soldadoetic te ma ba xch'uunejic te cuxul Diose. Ora ay bi ya spasbotic ta jtojoltic te Cajwaltic, melel ma ba wocol ya yaiy stuquel teme ya yac'otic ta tsalaw soc jteb nax winiquetic, o teme tsobol winiquetique —xi' te Jonatán.

Jueces 7:2

Te Cajwaltic la yalbey te Gedeón: —Mero bayal ta jyalel te israel-winiquetic te awic'oj tele. Te yacuc cac'bey stsal te madianetic, repente ya yalic ta swenta stoybailic te ju' yu'unic scoltayel sbaic ta stuquelique.

Levítico 26:8

Te jo'tulex, ya me awac' anuquic ta atojolic jo'winic ta jtul; te jo'winiquex, ya me awaq'uic loc'uc ta anel ta atojolic lajunmil ta jtul. Te acontroic ya me alajinic ta puñal.

Números 31:3

Jich yu'un te Moisés la yalbey te lume: —Ya me achajban abaic soc awat'ejibic, yu'un ya xba awac'beyic guerra te madianetic, yu'un ya cac'beytic spacol ta swenta te Cajwaltique.

Números 31:5

Jich yu'un te juju-jchajp soldadoetic yu'un chajbalchajp sts'umbal Israel, la stsaic loq'uel jmil (1,000) ta jtul winiquetic, lajchaymil (12,000) ta spisil, chapalic soc yat'ejibic yu'un guerra.