Números 31:2 - Bible in Tzeltal de Oxchuc y Tenejapa

² —Sujt'esbeya spacol te madianetic te la yuts'inic te israeletique. Ta patil ya me xlajat —xi' sc'oplal te Moisese.

Bible in Tzeltal Bachajón

² Sutbeya spacol te bin pasbotic te snich'nab Israel yu'un te madianetic; patil ya xchamat, xchi sc'oblal.

Números 31:2 Referans Kwoze

Números 27:13

Ta patil te c'alal ya xlaj awo'tan ta yilel te q'uinale, ya me xlajat, ya me xba atsob aba soc te ame'-atat te lajemiquixe, jich bit'il te abanquil Aarón.

Apocalipsis 6:10

Tulan yacalic ta aw, jich la yalic: “Cajwal, Ch'ul Diosat ta melel, ¿jayeb to xan c'aal sc'an te ya sta yorail te ya awaiy chajbanwanej te ya awac'bey stojic te bit'il la smalbotic jch'ich'eltic te mach'atic nainemic ta balumilale?”, xiic ta aw.

Jueces 2:10

Lajic ta spisil te israeletic te ayiquix ta q'uinal a te c'alal cuxul to a te Josué. Ja' yu'un te mach'atic ayinic xan ta patil, ma la sna'beyiquix sba te Cajwaltic, soc spisil te bitic la spas ta xc'uxtayel te Israele.

Apocalipsis 19:2

Yu'un toj awo'tan ya awac' castigo ta swenta te bila smelelile, melel la awac'beyix castigo te mero jmulawil ants te la sboltes ta smulwej spamal te balumilale. Dios la yac'beyix stoj te la smilbey te abatetic yu'une”, xiic.

Apocalipsis 18:20

Bujts'najuc me awo'tanic, ja'ex te ayex ta ch'ulchane soc te jpuc-c'opexe soc te j'alwanejex yu'un te Diose soc ja'ex te ch'ultesbilexe. Yu'un Dios la yac'beyix stoj te bila amen la spasbeyexe.

Hebreos 10:30

Jna'ojtic te bit'il la yal te Cajwaltique: “Jtuquel ay ta jwenta yaq'uel te castigoe. Jo'on ya cac'bey stoj”, te xi' te Cajwaltique. Soc la yal xan: “Te Cajwaltique ya me yich' ta c'op te lum yu'une”, te xie.

1 Tesalonicenses 4:6

Ma me ayuc mach'a ya yac'bey swocol yantic soc ma me ayuc ya slo'lay yermano, melel ya me x'ac'bot tulan castigo yu'un te Cajwaltic teme jich ya spasique, jich bit'il tulan sc'oplal la calbeyex awaiyic ta neelal to.

Romanos 13:4

Melel ja' abatetic yu'un Dios ta swenta alequilalic. Yan teme amen te bila ya jpastique, xiwanic me ta stojol. Melel ma tojoluc te ay ta sc'ab te yat'ejibe, yu'un ay ta abatinel yu'un Dios te ya yac'bey spacol ta castigo te mach'a ya x'uts'inwane.

Romanos 12:19

Quermanotac te c'uxex ta co'tane, ma me xawac'beyic spacol te mach'a staoj smul ta atojole. Ijq'uitaybeya ta swenta yilimba te Diose, te melel jich ts'ibubil jilel ta Sjun te Diose: “Jtuquel ay ta jwenta yaq'uel spacol. Jo'on ya cac'bey stoj”, te xi' te Cajwaltique.

Hechos 13:36

Melel te David la yac' sba ta abatinel ta stojol te mach'atic pajal c'ax ta q'uinal soque, jich nix te bit'il ay sc'anjel yo'tan ta neelal to te Diose. Patil way sbaq'uetal. Bajt' ta muquenal ta bay mucul te sme'-state. Tey c'a' sbaq'uetal a.

San Lucas 21:22

Yu'un ja' me yorailix te castigo ta stojolique. Jich me ya xc'ot ta pasel spisil te bila ts'ibubil jilel sc'oplal ta Sjun te Diose.

Nahúm 1:2

Te Cajwaltic, ja' te Dios te ma smulan teme ay bila yan ya jch'uuntique, ya me sujt'esbey ta swenta te j'uts'inwanejetique. Ya me yac'bey spacol te mach'atic ya stoy sba ta stojole; ya me yilintay te scontrotaque.

Isaías 1:24

Jich yu'un te Cajwaltic te Spisil ya xju' yu'une, ja' te mach'a ay bayal yu'el ta lum Israel, ya yal: —Tiq'uix a. Jo'on ya cac'bey stoj te mach'atic ya scontroinone. Ya quich'bey spacol ta stojolic.

Jueces 16:24

Te c'alal la yilic te ants-winiquetic, jich nix c'ajinic, la yalbeyic wocol te lotil dios yu'unique. Jich la yalic: “Te dios cu'untic la yac'botic ta jc'abtic te Sansón, ja' te jcontrotique te la sjinbotic jq'uinaltic, te la smilbotic bayal te jlumaltique”, xiic ta c'ayoj.

Deuteronomio 32:35

yu'un ya xtuun te c'alal ya jsujt'esbey spacole, te ya cac'bey te bila lebil yu'unique; ja' te c'alal ya xc'ot yorail te ya x'ochic ta c'abale. ¡Nopolix yorail te ya yich'ic lajinel, nopolix yorail te ya xlajique!’, xi' te Cajwaltique.

Números 31:3

Jich yu'un te Moisés la yalbey te lume: —Ya me achajban abaic soc awat'ejibic, yu'un ya xba awac'beyic guerra te madianetic, yu'un ya cac'beytic spacol ta swenta te Cajwaltique.

Números 25:6

Ja'uc me to, ay jtul israel-winic te la yic' bael ta sna jtul madián ants ta sit Moisés soc ta sit ta spisil te israeletic te stsoboj sbaic, te yacalic ta oq'uel ta yochibal te Nailpac' te bay ya yich' c'oponel te Cajwaltique.

Números 20:26

Tey ya aloq'uesbey sc'u' swenta sacerdoteil a te Aarón, ja' xawac'bey slap te Eleazar. Te Aarón tey me ya xlajix a —xi' te Cajwaltique.

Números 20:24

—Te Aarón ya me xlajix. Ma ba ya x'och bael ta bay q'uinal ya cac'bey te israeletic, melel te ja'ex ma la ach'uunbonic jmandal ta sloq'uibja' Meriba.

Éxodo 2:16

Te Reuel, sacerdote yu'un te madianetic, ay juctul yantsil-nich'nab. Bajt'ic ta sloq'uesel ja' ta bay pozo. Ja' ba snojesic ta bay ya yuch'ic ja' te chijetique, jich ya yac'beyic ja' yuch'.

Génesis 25:17

Te Ismael juclajuneb sjucwinic (137) ja'wil cuxin ta balumilal c'alal laj, jich ba sjoin te mach'atic neel lajemic yu'une.

Génesis 25:8

Mero mamalix a te Abraham te laje. Mamalub ta lec soc ac'bot najt' yorail. Jich ba sjoin te mach'atic neel lajemic yu'une.

Génesis 15:15

Yan te ja'ate mamalatix a te ya xlajate, jun awo'tan ya xbaat ta muquel soc te antiguo ame'-atate.

Números 25:1

C'alal la snajc'an sbaic israeletic ta Sitim, jajch' sboltes sbaic soc yantsilelic te moabetique,

Números 31:1

Te Cajwaltic la sc'opon te Moisés, jich la yalbey:

Deuteronomio 4:22

Ya me xlajon jilel li' ta lumq'uinal in to, ma ba ya xc'axonix bael ta Jordán. Yan te ja'exe ya me xc'axex bael, ya me awu'uninic te buen lequil q'uinale.