Números 30:3 - Bible in Tzeltal de Oxchuc y Tenejapa

³ “Teme ay ach'ix te wentainbil to yu'un stat te ya xchap sc'op ta stojol Cajwaltic, o teme ay bila ya yal sba ta spasele,

Bible in Tzeltal Bachajón

³ Teme ay ach'ix te ay to ta sna stat te ya schap sc'op ta stojol Jehová o te jc'axel ya yal ta jamal te ay bin ya spas,

Números 30:3 Referans Kwoze

Números 30:2

te c'alal ay mach'a ya xchap sc'op ta stojol Dios, o teme ay bila jc'axel ya yal ta jamal te ya spase, ya me sc'an sc'otes te sc'ope, ya me spas spisil te bila yaloje.

Números 30:4

teme ya yaiy stojol stat te bila la xchape, teme ma'yuc bila ya yal yu'une, te ach'ixe ya me spas ta puersa te bila yaloje.

Levítico 27:2

—Albeya te israeletique: “Teme ay mach'a ya sc'an sman loq'uel jtuluc te mach'a ac'botix cu'unin, ya me stoj chican te jayebix ya'wilale, teme winic o teme antse.

Números 6:2

—Albeya te israeletique: “Teme ay jtul winic, o ants, te ya xchap sc'op te ya yac' sba ta abatinel cu'un te Ajwalilon, ja' te ya sc'an yac' sba ta nazareo,

Josué 9:18

Ja'uc me to, te israeletic ma la smilic, melel te jwolwanej-israeletique yalojic ta jamal ta stojol Cajwaltic te Dios yu'un Israel te ma xyaq'uic ta lajele. Ja' swentail te jajch'ic ta c'op te israeletic ta stojol te jwolwanejetic yu'unique.

Jueces 11:35

Jich yu'un te c'alal la yile, la xch'i' sc'u' yu'un mel-o'tan, jich la yal: —¡Ay, cantsil-nich'an, mero ya x'oc' co'tan awu'un! Ja'at ta awenta te bayalix ayon ta mel-o'tan awu'un. Yu'un ay bi la jchap ta stojol Cajwaltic, jich yu'un ya me xc'ot ta pasel cu'un yo'tic —la yut.

1 Samuel 1:11

Ay bi la yal ya spas ta stojol, jich la yal: —Cajwaltic te Spisil ya xju' awu'une, ayuc bit'il ya ana'bon yo'bolil jba yu'un te jwocol jo'on te abaton awu'une. Yacuc ana'on, yacuc awac'bon tel jtuluc cal, yu'un jc'axel ya cac'bat awabatin te jayeb c'aal ya xcuxin ta balumilal. Te bit'il ya cac'bat awabatin ta jc'axele, ja' me seña ya xc'ot te ma ba ya jset'bey te stsotsil sjole —xi' te Ana.

2 Crónicas 36:13

Soc la stoy sba ta stojol Nabucodonosor te la yac'bey yal ta jamal ta stojol Dios te ya sjoin sba soque, soc mero tulan la yac' sba ta jyalel te ma la sc'an la sujt'es yo'tan ta stojol te Cajwaltic te Dios yu'un te Israele.

Salmos 50:14

Ja'uc me jmajt'an awu'un te ya awalbon wocol ta jtojol; ac'a me c'otuc ta pasel awu'un te bila awaloj ta jtojol jo'on te mero Toyolone.

1 Corintios 14:34

te antsetic awu'unique ma me xc'opojic tey a ta banti atsoboj abaique. Melel ma xju' ya xc'opojic stuquelic, jich te bit'il ya yal te mandalile.