Números 30:2 - Bible in Tzeltal de Oxchuc y Tenejapa

² te c'alal ay mach'a ya xchap sc'op ta stojol Dios, o teme ay bila jc'axel ya yal ta jamal te ya spase, ya me sc'an sc'otes te sc'ope, ya me spas spisil te bila yaloje.

Bible in Tzeltal Bachajón

² Teme ay mach'a ya schap sc'op ta stojol Jehová, o teme ay bin jc'axel ya yal ta jamal te ya spas, ma me sut sc'op; ya me spas spisil te bin yaloje.

Números 30:2 Referans Kwoze

Salmos 50:14

Ja'uc me jmajt'an awu'un te ya awalbon wocol ta jtojol; ac'a me c'otuc ta pasel awu'un te bila awaloj ta jtojol jo'on te mero Toyolone.

Salmos 116:14

Ya me jc'otes ta pasel te bitic caloj ta stojol te Cajwale, ta yolil spisil te lum yu'une.

Job 22:27

Teme ay bila ya ac'anbeye, ya me yaiybat te ac'op, soc ya me apasbey te bila ya awalbey ta stojole.

Hechos 23:12

Ta yan c'aal ay judioetic te la xchap sc'opic te bit'il ya smilic te Pabloe: —Ya me yac'botic castigo te Dios teme ya xwe'-x'uch'ajotic te bit'il ma to xlaj ta milel cu'untic a te Pabloe —xiic ta xchapel.

Hechos 23:21

Ja'uc me to, ma me xach'uunbey sc'opic, yu'un c'axem ta cha'winic (40) ta jtul winiquetic te ya smaquic ta milel te Pabloe. Xchapojiquix ta stojol Dios te ma xwe'-x'uch'ajic xujt'uque ja' to teme la smilic te Pabloe. Chapaliquix ta ora to. Ja' xanix ya smaliy yaiyic te bila ya awale —xi' te quereme.

Nahúm 1:15

¡Ilawilic! Ya xtalix ta sba witstiquil te mach'a ya xtal yalbey sc'oplal te lamal q'uinale. Ja'at Judá, pasa te q'uinetic awu'une; c'otesa ta pasel te bitic awaloj ta jamale. Mero ma me xyochintayatix te mach'atic amen yo'tanique; jc'axel la yich'iquix jinel.

Proverbios 20:25

Ja' me syacjibal ya xc'ot te mach'a ya spas trato ta stojol te Diose, teme patil ya snop te ya sujt'es te sc'ope.

Salmos 116:18

Ya me jc'otes ta pasel te bitic caloj ta stojol Cajwal, ta yolil spisil te lum yu'un,

Salmos 55:20

Ya sjach sc'abic ta yuts'inel te mach'atic c'ux ya yaiy sbaic soc sc'oplale; tojol la yalic te ya xc'uxtaywanique, ma xc'ot ta pasel yu'unic te bila yalojique.

Salmos 22:25

Ya me calbey yutsil ac'oplal te bit'il jun awo'tan, ya me cal ta stojol te lum awu'un c'ax bayal ta ajtayele; ya me xc'ot ta pasel cu'un ta atojol te bitic caloj ta stojol te mach'atic ya yich'at ta muq'ue.

Levítico 5:4

“Teme ay mach'a ora nax ay bila ya stojol lom ta alel te ay bila ya spase, teme leque, o teme ma lecuque (biluc a te ya yal ta ora nax, te ma neeluc ya snop ta leque) pero teme ma ba ya sna' ta ora, teme patilix ya sna'e, puersa me staoj smul ya xc'ot yu'un, chican biluc a te ya slom ta alele.

2 Corintios 1:23

Ja'uc me to, te bit'il ma to baemucon ta Corinto jich te bit'il nopbil cu'une, ja' me testigo cu'un te Diose, te scaj nax te ay ac'oplalic ta co'tan te ja'exe.

Salmos 76:11

Ta juju-jtul chapa ac'opic soc Cajwaltic te Dios awu'unic, pero ya me sc'an te ya xc'ot ta pasel awu'unic ta stojole. Ja'ex te ajoytayejic te mach'a mero ay ta xi'ele, ich'beyaic tel smajt'an.

Hechos 23:14

Jich la sc'oponic te wolwanej-sacerdoteetic soc te principaletic yu'un te judioetique, jich c'o yalic ta stojol: —Te jo'otique la jchaptiquix jc'optic te ya me yac'botic castigo te Diose teme ya xwe'-x'uch'ajotic te bit'il ma to xlaj ta milel cu'untic a te Pabloe.

San Mateo 23:18

Soc jich ya awalic xan te ja'exe: “Teme ay mach'a ya stabey ta alel sbiil te scajtijib xchic'jibal smajt'an te Diose, ma'yuc sc'oplal stuquel. Yan teme ja' ya stabey ta alel sbiil te smajt'an Diose, puersa me ay bila ya xc'ot ta swenta stuquel”, te xaexe.

San Mateo 23:16

¡Ya me awil awocolic ma'sit jwolwanejetic! te jich ya awalique: “Teme ay mach'a ja' nax ya stabey ta alel sbiil te temploe, ma'yuc sc'oplal stuquel. Yan teme ja' la stabey ta alel sbiil te oro yu'un te temploe, puersa me ay bila ya xc'ot ta swenta stuquel”, te xaexe.

Salmos 119:106

Ay bila caloj ta jamal, ya me jc'otes ta pasel; ya me cat'elin spasel te bitic toj achapoje.

Salmos 56:12

Dios cu'un, te bila chapal cu'un ta atojole, tey me ya calbat yutsil ac'oplal a, jich me ya xc'ot ta pasel cu'un.

Jueces 11:39

C'alal ts'aquej te c'aal yu'une, jich a sujt' bael ta stojol te state. Te state la sc'otes ta pasel te bila xchapoj ta stojol te Cajwaltique. Te yantsil-nich'an Jefté ma'yuc bay la sjoin ta wayel winic te c'alal laj baele.

Jueces 11:11

Jich yu'un te Jefté bajt' soc. Te lume la yaq'uic ta jtsobwanej te ya spas mandal ta stojolic. Ta Mizpa la yal xan ta stojol Cajwaltic, te bi la yal ta neelal te Jefté.

Números 30:10

“Teme nujbinem te ants te ya xchap sc'op ta stojol Dios, o teme ay bila ya yac' sba ta spasel te jc'axel ya yal ta jamal ta stojol Dios, te ay ta sna soc a te smamlale,

Números 21:2

Jich yu'un te israeletic la yalbeyic ta jamal te Cajwaltic te jc'axel ya slajinbeyic te lumetic yu'un teme ya xcoltayotic ta stsalel te q'uinale.

Éxodo 20:7

“Ma me xatojoltabon ta alel jbiil te Ajwalilon te Dioson awu'une, melel te mach'a ya stojoltabon ta alel jbiil te Diosone, ya me cac'bey castigo yu'un.

Salmos 15:3

ja' te ma'yuc mach'a ya sbolc'optaye; ja' te mach'a ma'yuc bila amen ya spasbey te sjo'taque; ja' te mach'a ma sboltesbey sc'oplal te spat-xujq'ue;

Números 32:24

Pasaic abi te lumetic ta swenta te mach'atic ay awu'unique, soc te corraletic yu'un te chijetic awu'unique, pero ya me ac'otesic ta pasel te ac'opique —xi' te Moisese.