Números 30:13 - Bible in Tzeltal de Oxchuc y Tenejapa

¹³ “Te smamlale ya xju' ya snup'inbey sc'oplal, o ya slajinbey sc'oplal, te bila xchapoj te yinam te yaloj ta jamal ta stojol Dios, te ya sujot ta scomel swe'el yu'une.

Bible in Tzeltal Bachajón

¹³ Spisil te bin schapoj o spisil te bin jc'axel yaloj ta jamal te ya spase, te smamalal ya xhu' ya yac' te chapal ya xhil o ya slajimbe sc'oblal.

Números 30:13 Referans Kwoze

1 Corintios 11:3

Ja'uc me to, ya jc'an te ya ana'ic stojol te ja' jolol yu'un spisil winiquetic te Cristoe, soc ja' jolol te winic yu'un te antse, soc ja' jolol yu'un Cristo te Diose.

1 Corintios 11:9

Ma ja'uc ta scaj ants te la yich' pasel te winique; ja' ta scaj winic te pastaj te antse.

Isaías 58:5

¿Ya bal acuyic te bin nax co'tan yu'un te jich ya apasic ayunoe? ¿Ja' bal lec awaiy te ya awac' abaic ta mel-o'tan? ¿Ja' bal lec awaiy te ya atinan coel ajol jichuc snich ac, soc te ya alap ta metslej ch'ixal paq'uetic ta c'ajc'al tane? ¿Ja' bal spasel ayuno sbiil awu'unic abi? ¿Soc ja' bal te bi c'aalil bin nax co'tan ta ac'opic a te Awajwalone?

Salmos 35:13

Te c'alal tsacotic ta chamele, la cac' jba ta woclajel ta swentaic, la jlap ch'ixal pac', soc la jcom jwe'el, soc ma la jcom jba ta sc'oponel Dios ta co'tan yu'un.

Esdras 8:21

Patil la cal mandal ta comel we'elil ta sts'eel muc'ja' Ahava, swenta yu'un ya me caltic ta jamal te jmultic ta stojol te Dios cu'untique, soc yu'un ya jc'anbeytic te lecuc ya yic'otic bael jo'otic soc mach'atic ay cu'untic, soc bitic ay cu'untic.

Números 29:7

“Ta slajunebal c'aal ta sjuquebal u, ay me ch'ul tsoblej awu'unic. Ja' me ya acom awe'elic a, soc ma me ayuc at'el ya apasic.

Levítico 23:32

Sc'aalelal me cux-o'tan soc scomel awe'elic; ya me xjajch' awajtayic ta yijc'ubel q'uinal ta sbalunebal c'aal sjajch'el a te u, c'alal to ta yijc'ubel q'uinal ta xchebal c'aal —xi'.

Levítico 23:27

—Ta slajunebal c'aal sjajch'el te sjuquebal u, ya me xc'ot Sc'aalelal Perdón. Ya me sc'an te ya apasic ch'ul tsoblej, soc ya me acom awe'elic ta sjunal c'aal. Ya me achiq'uic majt'anil swenta quich'jibal ta muc' jo'on te Ajwalilone.

Levítico 16:29

“Ja' in to, ja' me mandalil ta atojolic te stalel aye: ta lajuneb c'aal sjajch'el te sjuquebal u, ja' me sc'aalelal awu'unic te ya acom awe'elic soc ma me xapas awat'elic a; jich me ya spas spisil israeletic soc nix te jyanlumetic nainem ta awolilique.

1 Corintios 7:5

Ma me wocoluc xawac'bey abaic. Ja' nax teme ay ya achap ac'opic ta achebalic te jayeb c'aal te ma ba ya ac'opon abaique, swenta yu'un jich me ya awat'elinic sc'oponel te Diose. Teme loq'uix te jich yipal c'aal te la achapique, joina me abaic ts'iin, swenta yu'un ma me teyuc ya xlajex ta lo'layel yu'un a te Satanás, te bit'il ma xju'ix awu'unic te ya acom abaique.

Números 30:12

Yan teme ya slajinbey sc'oplal te smamlale, te ma jichuc ya xc'ot ta yo'tan te c'alal ya yaiy stojole, jich ma puersauc ya spas te antse, melel la slajinbey sc'oplal ta pasel te smamlale. Jich yu'un te Cajwaltic ya me spasbey perdón yu'un.

Números 30:14

Teme ma'yuc bila ya yalbey yinam te winique, teme ya xc'ax bael jun cheb c'aale, ja' seña ya yac' ta ilel a te ya snup'inbey sc'oplal spisil te bila xchapoj ta pasel te antse.