Números 30:12 - Bible in Tzeltal de Oxchuc y Tenejapa

¹² Yan teme ya slajinbey sc'oplal te smamlale, te ma jichuc ya xc'ot ta yo'tan te c'alal ya yaiy stojole, jich ma puersauc ya spas te antse, melel la slajinbey sc'oplal ta pasel te smamlale. Jich yu'un te Cajwaltic ya me spasbey perdón yu'un.

Bible in Tzeltal Bachajón

¹² Yan teme la slajimbe sc'oblal te smamalal te bin ora la ya'iy, ma ba hich chapal ya xhil spisil te bin schapoj o te bin jc'axel yaloj ta jamal te ya spase; lajimbot sc'oblal yu'un te smamalal. Te Jehová ya spasbe perdón.

Números 30:12 Referans Kwoze

Números 30:8

Yan teme ma jichuc yo'tan te smamlale, jich yu'un te antse ma me spasix te bila xchapoj te ora nax snopoje. Te Cajwaltic ya me spasbey perdón yu'un.

1 Corintios 11:3

Ja'uc me to, ya jc'an te ya ana'ic stojol te ja' jolol yu'un spisil winiquetic te Cristoe, soc ja' jolol te winic yu'un te antse, soc ja' jolol yu'un Cristo te Diose.

Números 30:5

Yan teme ma jichuc yo'tan stat te c'alal ya yaiy stojole, ma puersauc ya spas te bila yaloje. Ja' yu'un te bit'il ma jichuc yo'tan te state, te Cajwaltic ya me spasbey perdón yu'un.

Números 15:28

Te sacerdote ya me spas ta jtojol te bit'il ya stabey perdón yu'un mulil te ma jichuc yo'tan la spase, jich ya jpasbey perdón.

Números 15:25

Te sacerdote ya me spas ta jtojol te bit'il ya stabey perdón ta swenta xc'axintayel mandal spisil te lum Israele. Te jo'on ya me jpasbey perdón, teme scaj nax te ch'ay ta yo'tanique, soc ta patil ya yac'bonic milbil majt'anil te ya yich' chiq'uele, soc jmajt'an yu'un te smulique.

Números 30:11

teme la yaiy stojol te smamlale, teme ma'yuc bila ya yal yu'une, o teme ma ba ya yal ta jamal te ma jichuc yo'tane, jich yu'un te antse puersa ya spas te bila la xchape o te bila jc'axel yaloj ta jamale.

Números 30:13

“Te smamlale ya xju' ya snup'inbey sc'oplal, o ya slajinbey sc'oplal, te bila xchapoj te yinam te yaloj ta jamal ta stojol Dios, te ya sujot ta scomel swe'el yu'une.

Jeremías 44:17

Ya nix jpastic bael a te bila jnopojtiquix ta co'tantique. Ya nix cac'beytic pom soc majt'anil vino te Antsil Ajwalil yu'un Ch'ulchan, jich bit'il yacotic ta spasel c'alal ora yo'tic, soc jich bit'il la spasic ta neelal te antiguo jme'-jtatic, te muc' ajwaliletic cu'untic, soc te jtsobwanejetic yu'un te lumetic ta Judá soc ta calleetic ta Jerusalén. Melel ta neelal mero c'ax bayal jwe'eltic, lec ayotic la quiltic soc ma'yuc bay tal woclajel ta jtojoltic.

1 Samuel 1:23

Te Elcana te smamlal, la yalbey: —Jich xapas te bit'il lec ta pasel ya awaiye. Ja' to x'awic' bael a te c'alal ya awijq'uitaybey te xchu'e. Ac'a c'otuc ta pasel te bi yaloj te Cajwaltique —xi' sc'oplal yu'un. Jich jil ta sna. La xch'ijtes te yale, ja' to te c'alal jil xchu' yu'une.

Jeremías 44:19

Te antsetic la yac'beyic xan yip te c'ope: —Te jo'otic la jpastic tojol-pats' ta ch'uunel cu'untic te Antsil Ajwalil yu'un te Ch'ulchane, soc la cac'beytic pom soc majt'anil vino. Ta spisil, jich yo'tanic uuc te jmamlaltique. Jich me ya jpasulaytic bael —xiic te antsetique.