Números 30:10 - Bible in Tzeltal de Oxchuc y Tenejapa

¹⁰ “Teme nujbinem te ants te ya xchap sc'op ta stojol Dios, o teme ay bila ya yac' sba ta spasel te jc'axel ya yal ta jamal ta stojol Dios, te ay ta sna soc a te smamlale,

Bible in Tzeltal Bachajón

¹⁰ Teme ay ants te schapoj sc'op ta sna smamalal, o te jc'axel yaloj te ay bin ya spas,

Números 30:10 Referans Kwoze

Números 30:9

“Teme me'ba ants, o teme ijq'uitaybil, te ya xchap sc'op ta stojol Cajwaltic, puersa me ya spas spisil te bila yaloje.

Números 30:11

teme la yaiy stojol te smamlale, teme ma'yuc bila ya yal yu'une, o teme ma ba ya yal ta jamal te ma jichuc yo'tane, jich yu'un te antse puersa ya spas te bila la xchape o te bila jc'axel yaloj ta jamale.

1 Samuel 1:23

Te Elcana te smamlal, la yalbey: —Jich xapas te bit'il lec ta pasel ya awaiye. Ja' to x'awic' bael a te c'alal ya awijq'uitaybey te xchu'e. Ac'a c'otuc ta pasel te bi yaloj te Cajwaltique —xi' sc'oplal yu'un. Jich jil ta sna. La xch'ijtes te yale, ja' to te c'alal jil xchu' yu'une.

Números 30:2

te c'alal ay mach'a ya xchap sc'op ta stojol Dios, o teme ay bila jc'axel ya yal ta jamal te ya spase, ya me sc'an sc'otes te sc'ope, ya me spas spisil te bila yaloje.