Números 3:40 - Bible in Tzeltal de Oxchuc y Tenejapa

⁴⁰ Te Cajwaltic la yalbey Moisés: —Ac'a ta censo te sba alalqueremetic yu'un israeletic te jun u yayinel baele, ac'beya ta jun te sbiilique.

Bible in Tzeltal Bachajón

⁴⁰ Te Jehová la yalbe te Moisés: Ahtaya spisil te ba-alal queremetic yu'un te snich'nab Israel te ay jun u yayinelic, otsesa ta hun te sbihilique.

Números 3:40 Referans Kwoze

Números 3:15

—Ac'a ta censo te levitaetic ta swenta chajbalchajp snaic soc chajbalchajp sbiilic. Ts'ibuya ta jun ta spisilic te levitaetic, c'alal ta jun u yayinel —xi' te Cajwaltique.

Apocalipsis 14:4

Ja'ic te mach'atic ma ba la sboltes sbaic soc te antsetique, melel ju' yu'unic te ma ba nujbinique. Ja'ic nax stuquelic te ya stsac'linic te Alalchije, chican te banti ya xbajt'e, soc ja'ic te coltaybilic loq'uel ta yolil te ants-winiquetique, swenta yu'un ja'ic sba sit c'oem ta stojol te Diose soc te Alalchije.

Apocalipsis 3:5

Te mach'atic ya xju' yu'unic tsalawe, ya me x'ac'bot slapic saquil sc'u'-spaq'uic, soc ma ba ya jtup'bey sbiilic ta bay te libro swenta cuxinele. Soc ya me calbey ta jamal sbiilic ta stojol te Jtate soc ta stojol uuc te ch'ul abatetic yu'une.

Hebreos 12:23

te stsoboj sbaic ta sc'ajintayel te Diose, soc ta bay stsoboj sbaic te sbabial alnich'anetic yu'un Dios te nacal sbiilic ta bay te ch'ulchane. Soc noptsajemex ta stojol te Diose te Jchajbanwanej yu'un spisil te ants-winiquetique, soc ta bay ay xch'ulelic te mach'atic xch'uunejbeyic smandal Dios te utstesbilic ta jc'axel yu'une,

2 Timoteo 2:19

Ja'uc me to, te yiptajib yac'oj te Diose, ma'yuc ta nijq'uesel stuquel. Ay sello yich'oj te jich ya yale: “Na'bil sbaic yu'un Dios te mach'atic yu'une”, xi'. Soc ya yal: “Spisil te mach'atic ya yalic wocol ta stojol te Cajwaltique, ac'a jiluc yu'unic spisil te mulile”, xi' xan.

Filipenses 4:3

Ja' nix jich te ja'ate, te jun awo'tan joinej jbatic ta at'ele, ya calbat wocol te yacuc acoltaybon in cheb quermanotactic antsetic to. Melel pajal woclajon soc ta yalel te lec yach'il c'ope, soc uuc te Clemente soc te yantic jo'tactic ta at'ele, te nacal sbiilic ta jun yu'un Dios swenta cuxinel.

San Lucas 10:20

Ja'uc me to, ma me ja'uc nax ay sbujts' awo'tanic yu'un te bit'il ya xch'uunbeyex amandalic te pucujetique. Ja'uc me ay bayal sbujts' awo'tanic yu'un te bit'il ts'ibubilix abiilic ta bay te ch'ulchane —xi' te Jesuse.

Isaías 4:3

Ja' te mach'atic cuxul ya xjilic ta lum Sión, ja' te mach'atic ayic to xan ta lum Jerusalén, te ya yich'ic xan permiso te ya x'ainic tey a, “Ch'ultesbilic yu'un te Cajwaltique”, xi' me sc'oplalic.

Salmos 87:6

Te Cajwaltic ya sts'ibuy ta libro te banti ay sbiilic te lumetique: “Tey ayinemic a”, xi' me.

Números 3:45

—Ich'a ta wenta te levitaetic, ta swenta sjelol sba snich'anic te israeletique. Ja' nix jich xchamsbalam te levitaetic, ta swenta sjelol ya xc'ot xchamsbalam te israeletique, melel te levitaetic, ja' cu'un. Jo'on te Ajwalilone.

Números 3:12

—Te levitaetic la jtsa loq'uel ta yolilic te israeletic, ja' sjelol c'oemic te sba snich'anic te juju-jchajp nae. Cu'un me ta spisilic,

Números 3:41

Ta ora to te sba alalqueremetic yu'un te israeletic, ja' sjelolic te levitaetique. Jo'on te Ajwalilone. Ja' nix jich te sba yalatac xchamsbalamic te israeletic, ja' nix ya sjelolin te xchamsbalam levitaetique —xi' te Cajwaltique.