Números 3:31 - Bible in Tzeltal de Oxchuc y Tenejapa

³¹ Te mach'atic pajal sbiilic ja' ay ta swentaic scanantayel te scajonil trato, te mesa, te scajtijib c'ajq'uetic, te cheb scajtijib majt'aniletic soc te bitic ch'ultesbil te ya xtuun ta yorail yich'el ta muc' Dios, te pac' te ya smac ta olilal te ch'ul awilal, soc spisil te sbiluquil te ayic ta tuuntesele.

Bible in Tzeltal Bachajón

³¹ Ha ay ta scuentahic scanantayel te scaxahul te chapbil-c'op, te mesa, scajtajib c'ahc', te scajtajibic ta chiq'uel mahtanil soc pom, bintic ya xtuhun scuenta a'tel ta ch'ul awilal, te tsalul pac' soc spisil te bintic ay ta pasel tey a.

Números 3:31 Referans Kwoze

Éxodo 40:30

Te yawil ja' la yac' ta bay yelaw te Nailpac' Templo, c'axel bael a te scajtijib ta chiq'uel milbil majt'anile. La snojesbey ya'lel swenta yu'un ya spoc sbaic a.

Éxodo 37:1

Te Bezaleel la spas te scajonil trato ta acacia. Jun metro soc lajuneb centímetro sp'isol te snajt'ile. Jo'eb xchanwinic (65) centímetro te sjamalule, soc jo'eb xchanwinic (65) centímetro te stoylejale.

San Mateo 5:15

Soc teme ya atsum c'ajc' awilique, ma ba ya amac ta cajon. Ya atujch'anic ta yawil, swenta yu'un ya xchicnaj q'uinal yilic spisil a te mach'atic ayic ta nae.

Números 3:30

Te jtsobwanej yu'unic ja' te Elizafán te snich'an Uziel.

Números 3:32

Te muc' jtsobwanej yu'un te levitaetic, ja' te Eleazar, snich'an te sacerdote Aarón. Ja' ay ta swenta yilel spisil te jcanantaywanejetic yu'un te ch'ul awilal.

Deuteronomio 10:8

Ja' yorail a te la stsa te sts'umbal Leví te Cajwaltique, te yu'un ja' ya yich'ic bael te cajón te banti ay te trato yu'une, soc te yu'un ya x'ainic ta stojol te Cajwaltic swenta ya yich' xch'uunel, soc te ya yich' c'anel te bendición ta swenta sbiil stuquel, jich nix te bit'il yacal ta pasel ta ora to.