Números 3:30 - Bible in Tzeltal de Oxchuc y Tenejapa

³⁰ Te jtsobwanej yu'unic ja' te Elizafán te snich'an Uziel.

Bible in Tzeltal Bachajón

³⁰ Te jtsobaw yu'un te sts'umbal Coat ha te Elizafán snich'an Uziel.

Números 3:30 Referans Kwoze

Éxodo 6:22

Te snich'nab Uziel, ja' te Misael, Elzafán soc Sitri.

Números 3:27

Te mach'atic sts'umbal Coat, ja'ic te patil alnich'anetic yu'un Amram, Izhar, Hebrón soc Uziel.

Números 3:29

soc la spas scampamentoic ta stojol sur.

Números 3:31

Te mach'atic pajal sbiilic ja' ay ta swentaic scanantayel te scajonil trato, te mesa, te scajtijib c'ajq'uetic, te cheb scajtijib majt'aniletic soc te bitic ch'ultesbil te ya xtuun ta yorail yich'el ta muc' Dios, te pac' te ya smac ta olilal te ch'ul awilal, soc spisil te sbiluquil te ayic ta tuuntesele.

Levítico 10:4

Te Moisés la yic' tel te Misael soc Elzafán, snich'nab Uziel, stajun Aarón, jich la yalbey: —La', loq'uesaic bael ta ch'ul awilal te awermanotac te lajemiquixe, loq'uesaic bael ta spat campamento —la yut.

Números 4:4

“Te yat'el mach'atic sts'umbal Coat, mero bayal sc'oplal te bila ya x'ac'bot spasique. Jich ay te yat'elique:

Números 4:15

Te c'alal ya xlaj yo'tan Aarón soc snich'nab ta xchajbanel ta potsel spisil te ch'ul biluquetic, teme chapalix te ya xju' xjajch'ic ta beele, ya me xtalic te sts'umbal Coat swenta yu'un ya me sq'uechic bael spisil te biluquetique. Ja'uc me to, ma me xju' ya spiquic te bila ch'ultesbil, swenta yu'un jich me ma xlajic. Spisilic te sbiluquil Nailpac' te bay ya quich' c'oponele, ja'ic me ya sq'uechic bael te sts'umbal Coat.