Números 3:10 - Bible in Tzeltal de Oxchuc y Tenejapa

¹⁰ Ja' nax me ya spasic yat'el ta sacerdoteil te Aarón soc te sts'umbale. Teme ay mach'a jich nax ya scuy sba ta sacerdote ta spasel te at'el, ya me yil swocol ta milel yu'un —xi' te Cajwaltique.

Bible in Tzeltal Bachajón

¹⁰ Te Aarón soc te snich'nab ya me awac' te ya x'a'tejic ta sacerdotehil. Te mach'a yan ya xnohpoj tal, ya me xcham, xchi.

Números 3:10 Referans Kwoze

Números 1:51

Te c'alal ya sq'uechic bael, ja'ic me ya spac'beyic spac'al, soc ja'ic me ya xcha'pasic xan te bay ya apas acampamentoique. Spisil te mach'atic jich nax ya xnoptsajic bael, ya me yil swocolic ta milel.

Números 3:38

Ta stojol sloq'uib c'aal ta yelaw te Nailpac' te bay ya yich' c'oponel Dios, tey la spas scampamentoic te Moisés, Aarón soc te snich'nab Aarón. Ja'ic la scanantayic te ch'ul awilal ta swenta te sjo'tac israeletique. Teme ay mach'a jich nax ya xjajch' ta at'el te ya scuy sba ta sacerdote, ya me yil swocol ta milel yu'un.

Romanos 12:7

Te mach'a ac'ot ta abatinele, ac'a me yac' sba ta abatinel. Te mach'a ac'ot ta jp'ijubteswaneje, ac'a me yat'elin te p'ijubteswaneje.

Números 18:7

Ja'at nax me atuquel soc anich'nab te ya xju' ya apasic te at'el ta sacerdoteil ta bay scajtijib majt'anil, soc biluc ya xjajch' ta pasel ta yutil te paq'ue. Te at'el ja'ex ay ta awentaic, melel jo'on cac'ojbeyex ta awentaic te at'el ta sacerdoteile. Teme ay mach'a ya x'at'ej ta sacerdoteil te ma'yuc ta swenta, ya me yich' castigo ta milel —xi' te Cajwaltique.

Hebreos 8:4

Te ayuc ta balumilale, ni yacuc xju' ya yich' yat'el ta sacerdoteil, melel ay to sacerdoteetic te ya yac'beyic smajt'an Dios te ya yal ta mandalil yu'un te Moisese.

Efesios 2:19

Jich yu'un te ja'exe, ma jyanlum ayuquexix te jbeomex nax te ayex ta bay ma ja'uc aq'uinalique. Pajal alumal abaiquix soc spisil te mach'atic ch'ul lum yu'un te Diose. Yal-snich'anexix Dios uuc te ja'exe.

Ezequiel 44:8

Ma ba ach'uunejic spasel te ch'ul mandaliletic cu'un te chapale, awac'ojbeyiquix ta sc'ab jyanlumetic’, xi' me te Cajwaltic”, uta me.

Números 18:3

Ja' me ya yac' sbaic ta abatinel awu'un, soc ta Nailpac' Templo. Ja'uc me to, ma me xnoptsajic bael tey a ta bay te biluquetic yu'un te ch'ul awilal soc ta bay scajtijib ta chiq'uel te majt'anile. Teme ay ma la stsajtayic, ya me xlajic soc ya me xlajex te ja'exe.

Números 16:40

Ja' me sjultesibal stsa c'ot te israeletic te ma me ayuc mach'a ya xju' ya xnoptsaj ta scajtijib majt'anil ta yaq'uel pom ta stojol Cajwaltic, teme ma ja'uc sts'umbal Aarón, jich me ya xc'ot ta swenta te bila c'ot ta swenta Coré soc te sjo'taque. Spisil la yich' pasel jich bit'il yalojbey mandal Cajwaltic ta stojol Eleazar ta swenta Moisés.

Números 16:35

Te Cajwaltic la to sticun tel c'ajc' ta smilel te lajuneb yoxlajunwinic (250) te la yaq'uic te pome.

Éxodo 29:9

Te Aarón soc snich'nab ya me achucbey xch'ujt'ic, soc ya me awac'bey sbejch'il pac' ta sjolic. Jich me ya awac'bey yich' yat'elic ta sacerdoteil. Ja' me jmandal sbajt'el q'uinal.

1 Crónicas 6:32

C'ajinic ta stojol te Nailpac' te bay ya yich' c'oponel te Diose, ja' to c'alal la spas templo yu'un Cajwaltic te Salomón ta Jerusalén, soc jich nix la yac' sbaic ta abatinel tey a te bit'il la spasulayic tele.

2 Samuel 6:7

Pero ma ba lec la yaiy te Cajwaltic te bila jelaw ta spasel te Uza. Tey lajinbot xcuxlejal ta ora a, yal ta lum ta xujc' te cajón yu'un Dios, toj lajel.

1 Samuel 6:19

Pero te Cajwaltic ay la yac'bey lajuc te yajwal Bet-semes, scaj te la sjam yilic te cajón yu'une. Jich la yac' lajuc lajuneb xchanwinic (70) ta jtul. Te yajwal lum bayal oq'uic yu'un te bayal mach'a la yac' lajuc te Cajwaltique.

Levítico 22:10

“Ma me xju' ya swe' te bila ch'ultesbil te mach'a ma ochemuc ta sacerdoteile. Ni ja'uc te yula' te sacerdote, soc ni ja'uc te mach'a yac ta at'el yu'un, ma me xju' ya swe' te bila ch'ultesbile.

Números 3:11

Te Cajwaltic la sc'opon Moisés, jich la yalbey:

Números 16:10

Te Cajwaltic sc'anoj yo'tan te ja'at soc te yantic te pajal sts'umbalex Leví, te nopol ayex ta stojol atuquelic. ¿Bit'il ay a ta ora yo'tic te ya abic'tal-o'tantaybey yat'el te sacerdoteetique?

Jueces 17:5

Te Micaía ay jtsal na yu'un ta bay ya squejan sba ta stojol te dios yu'une. La spas jun efod soc yajcanan yu'un sna. Ja' la yac' ta sacerdote te jtul snich'ane.

Deuteronomio 18:5

Melel ja' nix tsabilic yu'un te Cajwaltic te Dios cu'untic ta yolil te chajbalchajp sts'umbal Israel, yu'un ya xc'ot ta swentaic soc yal-snich'nabic ta cajalcaj, te ya swentainic te at'el ta templo ta swenta yich'el ta muc' te Cajwaltique.

1 Reyes 12:31

Soc la spasbey toyol xch'uunjibal, soc la yac' ochel ta sacerdote te mach'atic ma ja'uc levita-winiquetique.

Nehemías 6:11

Pero jich la calbey: —Te jo'one ma x'anon, soc ma x'ochon ta templo yu'un ya jxi' milel. Te jo'one, ma ba ya jnac' jba ta templo —la cut.