Números 29:39 - Bible in Tzeltal de Oxchuc y Tenejapa

³⁹ “Ja'ic me majt'aniletic ya awac'bonic te bi c'aalil te albil sc'oplale, soc te majt'anil te ya sc'otes ta pasel a te bila xchapoje, teme majt'anil te spasemal yo'tan ya yaq'ue, teme ja' te scojt'ol ya yac' ta chiq'uele, teme majt'anil harina soc vino, o ja' te majt'anil swenta seña lamal-o'tanile”, uta me —xi' te Cajwaltique.

Bible in Tzeltal Bachajón

³⁹ Ha te mahtaniletic yac awa'beyic Jehová ta yorahil te q'uinetic awu'unic, soc te mahtaniletic yu'un te bin achapojic soc te ta sc'anojel awo'tan yac awaq'uic, te scohtol chic'bil mahtaniletic, mahtaniletic harina, malbil mahtaniletic, soc mahtaniletic yu'un lamal q'uinal awu'unic, xchi te Jehová.

Números 29:39 Referans Kwoze

Levítico 23:2

—Albeya te israeletic te bila ya calbate: “Ja' in to, ja' sc'aalelal te bayal sc'oplal ta jtojol jo'on te Ajwalilone, ja' me te ch'ul tsoblejetic sbiil ya xc'ot awu'unique.

2 Crónicas 31:3

Te muc' ajwalil la yac' stuquel ta swenta te bitic ay yu'un, te chambalametic yu'un chic'bil majt'anil ta sab soc ta swenta mal c'aalil, yu'un te chic'bil majt'anil ta swenta bi c'aalil yu'un te cux-o'tane, soc yu'un te q'uin swenta yach'il u, soc yu'un te q'uinetic te mero muc' sc'oplale, jich bit'il ts'ibubil ta mandalil yu'un te Cajwaltique.

1 Crónicas 23:31

Soc tey me ayic ta templo spisil ora te c'alal ya yich' aq'uel spisil te chic'bil majt'anil ta stojol Cajwaltic ta sc'aalelal te cux-o'tan, soc ta yorail te q'uinetic yu'un te yach'il u, soc te q'uinetic te bayal sc'oplalique. Tey me ayic ta templo ta abatinel yu'un te Cajwaltic, ja' chican te bit'il cholol yajtalul te sbiilique.

Isaías 1:14

Ya quilay te q'uinetic yu'un te yach'il u soc te ya atsobilay abaique; ma sc'anix co'tan, ma xcujch'ix cu'un ta jyalel.

Nehemías 10:33

ja' bi ja' te waj ya yich' aq'uel ta stojol Dios, te harina pasbil ta trigo soc ta cebada te ya yich' aq'uel jujun c'aal te Diose, te chic'bil majt'anil jujun c'aal soc ta sc'aalelal cux-o'tanil soc ta yach'il u, soc nix majt'aniletic yu'un te yantic q'uinetic cu'untic swenta xch'uunel Dios, soc swenta smajt'an ta spisil, milbil majt'anil swenta stael perdón yu'un smul Israel, soc ta spisil te bila ya yich' pasel ta swenta yich'el ta muc' ta templo yu'un te Dios cu'untique —xiic.

Esdras 3:5

Ja' nix jich te chic'bil smajt'an Dios yu'un jujun c'aale, soc te yu'un jujun yach'il u, soc te jujun ch'ul q'uin yu'un Cajwaltic, soc te smajt'an la yac'beyic te mach'atic spasemal yo'tanic ya yac'beyic te Cajwaltique.

Levítico 7:11

“Ja' sc'oplal te majt'anil swenta lamal-o'tanil te ya quich' aq'uel ta jtojole:

1 Corintios 10:31

Jich yu'un ya calbeyex: Spisil te bila ya atuuntesic, soc te bila ya awuch'ique, soc spisil te bila ya apasique, ja'uc me lec sc'oplal ya xc'ot awu'unic a te Diose.

Deuteronomio 12:6

Tey me ya xba amilic soc ya achiq'uic chambalametic, swenta yich'el ta muc' awu'unic a. Soc ya me awich'beyic bael te jun ta slajunebal, soc abiluquic swenta patanil awu'unic, soc te bila spasemal awo'tan jc'axel ya achap ya awaq'ue, soc te smajt'an ta swenta yutsil awo'tanique. Ja' nix jich te sba yal te wacaxetic soc te chijetic awu'unique.

Números 6:21

“Ja' mandalil ta swenta te mach'a ya xchap sc'op te ya yac' sba ta jwenta, jo'on te Ajwalilon, ja' te ya yac' sba ta nazareo, soc ja'ic te majt'aniletic cu'un te ya yaq'ue, soc ma'yuc ta ajtayel te bitic xan ya xju' ta aq'uel te majt'anile. Ya me xch'uun spasel te bila yaloj ta jamal, jich te bit'il ay sc'oplal.” Jich me ya awal ta stojolic —xi' te Cajwaltique.

Levítico 23:28

Ma me ayuc bila at'elil ya xju' ya apasic, melel ja' Sc'aalelal Perdón, te ja' yorail a te ya ataic te perdón ta jtojol jo'on te Dioson awu'unique.

Números 29:38

Soc ya me yich' aq'uel jcojt' tentsun swenta milbil majt'anil yu'un te mulile. Parte me a te yantic chambalam te scojt'ol ya yich' chiq'uel ta jujun c'aal soc te sjoy te majt'anil, ja' te harina soc vino.

Números 29:40

Te Moisés la sc'asesbey israeletic ta spisil te bila mandal albot yu'un te Cajwaltique.

Amós 5:22

Ma jc'an te chic'bil majt'anil ya awac'bonic yu'un quich'jibal ta muq'ue, ni te majt'aniletic harina; ma ba ya jtsacbat te jujp'en wacaxetic te ya amilic te seña te jun co'tan jbatique.

Levítico 23:38

Yan me a te majt'aniletic yu'un sc'aalelal swenta cux-o'tan ta swenta quich'jibal ta muq'ue, soc nix te yantic majt'aniletic ta swenta spasemal awo'tanic ya awac'bonic, te majt'aniletic chapal ya awac'bonic, o te majt'aniletic ta swenta yutsil awo'tanic ya awac'bonique.

Números 28:2

—Pasa ta mandal te israeletique: “Ma me scom sbaic ta yaq'uel ta mero yorail te we'elil soc te milbil majt'aniletic, te ya yich' chiq'uel ta jujun q'uin, ja' te majt'aniletic te bujts'an yic' ta jtojole.

2 Crónicas 31:14

Te mach'a ya scanantay te yochibal templo te ay ta sloq'uib c'aal te Coré sbiil, te snich'an Imna, ja' swentainej te majt'anil te la yaq'uic ta spasemal yo'tanic ta swenta Dios te israeletique, soc ay ta swenta te ya yich' puquel te majt'anil ta swenta Cajwaltic soc te bitic ch'ultesbil ta stojol te Diose.

Esdras 3:4

Soc la spasic te q'uin swenta Nailwamal, jich te bit'il ts'ibubil ta mandalile. Ta jujun c'aal la xchic'beyic smajt'an te Diose, jich nix te bit'il ya yal te mandalil, chican te jich yipal te jujun c'aale.