Números 29:25 - Bible in Tzeltal de Oxchuc y Tenejapa

²⁵ Soc ya me yich' aq'uel jcojt' tentsun swenta milbil majt'anil yu'un te mulile. Parte me a te yantic chambalam te scojt'ol ya yich' chiq'uel ta jujun c'aal soc te sjoy ta majt'anil, ja' te harina soc vino.

Bible in Tzeltal Bachajón

²⁵ soc jcoht tat tentsun scuenta mahtanil yu'un stojel mulil; parte a te scohtol chic'bil mahtanil te ya yich' aq'uel spisil ora, te mahtanil harina soc malbil mahtanil yu'une.

Números 29:25 Referans Kwoze

Hebreos 13:15

Jich yu'un ya sc'an te spisil ora ya calbeytic yutsilal Dios ta swenta te Jesucristoe. Ja' milbil smajt'an Dios cu'untic te ya caltic ta jti'tic te yutsil sbiile.

Hebreos 10:39

Yan te jo'otique ma ba ya sujt'otic ta jpatic jich bit'il te mach'atic ya sujt' ta spatic te ch'ayel ya xbajt'ic yu'une. Te jo'otique joy jbajtic soc te mach'atic ay xch'uunjel yo'tanique. Jich ma ch'ayeluc ya xbootic soc te jch'uleltique.

Hebreos 3:14

Melel teme ayotiquix ta swenta te Cristoe, jich bit'il jun awo'tanic te jajch' ach'uunic ta xjajch'ibale, jich nix ya sc'an, ja' to c'alal ta slajibal te c'aale.

2 Tesalonicenses 3:13

Quermanotac, ma me xlubex ta spasel te bila leque.

Gálatas 6:9

Jich yu'un ma me xlubotic ta spasel te bila lec ta pasele. Melel ya me sta yorail ya jc'ajtic, teme ma xpejc'aj te co'tantique.

Gálatas 2:5

Ja'uc me to, ma la jch'uuntic te bila la yalique, swenta yu'un ma xyanaj te lec yach'il c'op te ja' smelelil soc te jc'axel ya sc'an ya ach'uunique.

Romanos 2:7

Ya me yac'bey xcuxlejal sbajt'el q'uinal ta stojol te mach'a ya yat'elin spasel spisil ora te bila lec ta pasele, soc te ya sle yutsilal te ma xlaje.

Hechos 13:43

Te c'alal loq'uemiquix bael ta sinagoga, ay tsobol judioetic soc tsobol jyanlumetic te yac'oj sbaiquix ta judioile, la sts'aclinic bael te Pablo soc te Bernabé. Jich la yalbey yaiyic te jc'axel ac'a xch'uunic te bit'il ay yutsil yo'tan te Diose.

San Juan 8:31

Jich yu'un te Jesuse la yalbey te judioetic te xch'uunejiquixe: —Teme jc'axel ya awac' ta awo'tanic te jc'op la calbeyexe, jich me jnopojelex cu'un ta melel abi.

Números 29:11

Soc ya me awaq'uic jcojt' tentsun ta milbil majt'anil yu'un mulil. Parte me a te chambalam ya yich' milel ta mero Sc'aalelal Perdón, soc te chambalam te scojt'ol ya yich' chiq'uel swenta jujun c'aal soc te sjoy ta majt'anil, ja' te harina soc vino.

Génesis 37:31

Jich yu'un la stsacbeyic te snajt'il c'u'e, la sts'ajbeyic ta xch'ich'el alal tentsun te la smilique.

Números 29:24

Soc ya me yich' aq'uel te sjoy, ja' te harina soc vino. Jich me ya yich' aq'uel te bit'il yajtalul te toroetic, te tat chijetic soc te alal tat chijetic, jich te bit'il caloj mandal.

Números 29:26

“Ta yo'ebal c'aal, ya me yich' aq'uel baluncojt' te toroetic, cha'cojt' tat chijetic, soc chanlajuncojt' alal tat chijetic te jun ya'wilalic, te ma'yuc bila boloben ta sbaq'uetal.