Números 29:12 - Bible in Tzeltal de Oxchuc y Tenejapa

¹² “Ta yo'lajunebal c'aal ta sjuquebal u, ay me ch'ul tsoblej awu'unic, ma me ayuc at'el ya apasic a. Juqueb me c'aal ya apasic bael te q'uin swenta quich'el ta muc' jo'on te Ajwalilone.

Bible in Tzeltal Bachajón

¹² Ta yo'lajunebal (15) c'ahc'al ta shuquebal u, ay me ch'ul tsoblej awu'unic, ma me xapas awa'telic a, huqueb c'ahc'al yac apasic te q'uin scuenta yich'el ta muc' te Jehová.

Números 29:12 Referans Kwoze

San Juan 1:14

Te C'opile la yich' sbaq'uetal, soc nain ta coliltic. (La quilbeytic te yutsilale, ja' te yutsilal te jip jtul Snich'an te Jtatic Diose). Nojel te yutsil yo'tane soc te bila melele.

Ezequiel 45:25

“Ja' nix me jich te q'uin swenta nailwamal, te ya yich' pasel ta yo'lajunebal c'aal te sjuquebal u. Te ajwalil ya me yac' majt'anil te juqueb c'aale, ja' nix me jich yipal milbil smajt'an Dios ya yac' yu'un mulil, soc ja' nix me jich yipal chambalametic ya yac' ta chiq'uel, soc ja' nix jich yipal te majt'anil harina, soc ja' nix jich te aceite.

Nehemías 8:18

Te q'uin la spasic ta swenta te Diose, jalaj juqueb c'aal. C'alal to ta xjajch'ibal soc c'alal ta slajibal te q'uine, te Esdras jujun c'aal la yawtaybey yaiyic te sc'op Dios ts'ibubil ta slibroil te mandaliletic yu'un te Diose. Ta swaxaquebal c'aal la yich' pasel tsoblej te mero bayal yutsil sc'oplale, jich nix bit'il costumbre jajch'em ta pasele.

Nehemías 8:14

Tey ts'ibubil la staic a, te ay mandal yaloj Cajwaltic ta swenta Moisés: Ja' ta yorail te q'uin swenta xch'uunel Dios ya yich' pasel ta sjuquebal u, te israeletic ya me sc'an te ya xnainic ta nailwamal.

Éxodo 34:22

“Pasa q'uin yu'un Semanaetic, ja' sq'uinul te sba sit trigo, soc pasa yan q'uin yu'un te c'ajoj te ay ta slajibal ja'wile.

Éxodo 23:16

“Ya me apasbon xan jq'uin ta swenta te c'ajoje, ja' te sba sit te awalts'unubile. Ja' ni me jich ya apasbon jq'uin ta swenta te c'ajoj ta slajibal te ja'wil te c'alal loq'uix spisil a te bitic ats'unoje.

Números 29:1

“Ta sba c'aalil yu'un te sjuquebal u, ay me ch'ul tsoblej awu'unic a, ma me ayuc at'el ya apasic. Ja' te c'aal ya yich' oq'uesinel te xulubiletique.

Números 29:13

Ta sba c'aalil q'uin ya me awaq'uic majt'anil te scojt'ol ya yich' chiq'uel te bujts'an yic' ta jtojol jo'on te Ajwalilone: oxlajuncojt' toroetic, cha'cojt' tat chijetic soc chanlajuncojt' alal tat chijetic te jun ya'wilalic, te ma'yuc bila boloben ta sbaq'uetal.

1 Reyes 12:32

La yal mandal ta pasel q'uin swenta xch'uunel lotil dios ta yo'lajunebal c'aal sjajch'el te swaxaquebal u, jich te bit'il q'uin ya yich' pasel ta sq'uinal Judá. Ja' nix te Jeroboam te la xchic'bey milbil smajt'an ta scajtijib te sdiosique. Jich la spas ta Betel, la xchic'bey milbil smajt'an te sloc'omba alal toroetic te ja' nix la spase, soc la stsa ochel sacerdoteetic yu'un te toyol ch'uunjibaletic spasoje.

Esdras 3:4

Soc la spasic te q'uin swenta Nailwamal, jich te bit'il ts'ibubil ta mandalile. Ta jujun c'aal la xchic'beyic smajt'an te Diose, jich nix te bit'il ya yal te mandalil, chican te jich yipal te jujun c'aale.

Levítico 23:7

Te sbabial c'aal ya me yich' pasel ch'ul tsoblej; ma me xapas awat'elic, biluc at'elil te tulan ta pasele.

Números 29:35

“Ta swaxaquebal c'aal, ya me apasic tsoblej te muc' sc'oplale, ma me ayuc at'el ya apasic a.