Números 29:1 - Bible in Tzeltal de Oxchuc y Tenejapa

¹ “Ta sba c'aalil yu'un te sjuquebal u, ay me ch'ul tsoblej awu'unic a, ma me ayuc at'el ya apasic. Ja' te c'aal ya yich' oq'uesinel te xulubiletique.

Bible in Tzeltal Bachajón

¹ Te sba c'ahc'alil yu'un te shuquebal u, ay me ch'ul tsoblej awu'unic, ma me xapas awa'telic a; ha sc'ahc'alel te ya yich' oq'uesinel te xulubiletique.

Números 29:1 Referans Kwoze

Zacarías 9:14

Te Cajwaltic ya me yac' sba ta ilel ta stoyolil te lum yu'une; ya me st'im bael te yat'jibal st'imalte'e, jich me ya st'im bael te bit'il chawuquetique. Te Dios, ja' te Cajwaltique, ya me yoq'uesin te oq'ues; ya me x'ochic bael ta guerra ta yolil chawuquil ja'altalem ta stojol sur.

Isaías 27:13

Te bi c'aalil ya cale, ya me yich' oq'uesinel te muc'ul oq'ues. Te mach'atic ch'ayemic ta bay Asiria, jich nix te ayic ta Egipto, ya me xtal squejan sbaic ta stojol te Cajwaltic ta Jerusalén, ta bay ch'ul wits.

Salmos 89:15

Cajwal cu'un, bayal yutsil te lum te bin nax yo'tan ya sna' yalel yutsil ac'oplal, soc te chican q'uinal ya xbeen yu'un te saquil q'uinal awu'une.

Esdras 3:6

C'alal ta sbabial c'aal sjajch'el a te sjuquebal u, jajch' xchic'beyic smajt'an te Cajwaltique, manchuc teme ma to ba jajch'em ta cha'pasel xan a te templo yu'un te Cajwaltique.

1 Crónicas 15:28

Spisil Israel jich la yich'ic bael te scajonil trato yu'un te Cajwaltique. Ayic ta aw soc sbujts' yo'tanic soc ta sc'op te xulub chij, ta sc'op oq'ues, platilloetic, salterioetic soc ta sc'op te arpaetique.

Salmos 81:3

Oq'uesinaic oq'ues te c'alal ya sta yorail te yach'il u, soc nix te c'alal ya sta yorail ya sep sba, te ja' sc'aalelal te mero muc'ul q'uin cu'untique.

Nehemías 7:73

“Te sacerdoteetic, te levitaetic, te jcanan-ti'nailetic, te jc'ayojetic, te yajwal te lume, soc te abatetic yu'un templo soc ta spisil te israeletique nainic ta slumalic.” Ta xjajch'ibal te sjuquebal u, te israeletic ayiquix ta yawilic a.

Éxodo 23:16

“Ya me apasbon xan jq'uin ta swenta te c'ajoje, ja' te sba sit te awalts'unubile. Ja' ni me jich ya apasbon jq'uin ta swenta te c'ajoj ta slajibal te ja'wil te c'alal loq'uix spisil a te bitic ats'unoje.

Éxodo 34:22

“Pasa q'uin yu'un Semanaetic, ja' sq'uinul te sba sit trigo, soc pasa yan q'uin yu'un te c'ajoj te ay ta slajibal ja'wile.

Levítico 23:23

Te Cajwaltic la sc'opon te Moisés, jich la yalbey:

Números 28:26

“Te q'uin yu'un te sbabial sit awalts'unubil, c'alal ya awac'bonic te sbabial sit ya yich' set'el awu'unique, ja' me te q'uin yu'un te Semanaetique. Ay me ch'ul tsoblej awu'unic a, ma me ayuc at'el ya apasic.

Números 29:2

Swenta majt'anil te scojt'ol ya yich' chiq'uel te bujts'an yic' ta jtojol, ya me awaq'uic jcojt' toro, jcojt' tat chij soc juqueb alal tat chijetic te jun ya'wilalic, te ma'yuc bila boloben ta sbaq'uetal ta spisilique.

Números 29:12

“Ta yo'lajunebal c'aal ta sjuquebal u, ay me ch'ul tsoblej awu'unic, ma me ayuc at'el ya apasic a. Juqueb me c'aal ya apasic bael te q'uin swenta quich'el ta muc' jo'on te Ajwalilone.

Levítico 23:7

Te sbabial c'aal ya me yich' pasel ch'ul tsoblej; ma me xapas awat'elic, biluc at'elil te tulan ta pasele.

Números 29:35

“Ta swaxaquebal c'aal, ya me apasic tsoblej te muc' sc'oplale, ma me ayuc at'el ya apasic a.

Nehemías 8:2

Ta sbabial c'aal sjajch'el a te sjuquebal u, te sacerdote Esdras la yich' bael ta tsoblej te libro yu'un te mandaliletique. La stsob sbaic antsetic winiquetic, ta spisilic te jayebic ya sna'iquix q'uinale.