Números 28:9 - Bible in Tzeltal de Oxchuc y Tenejapa

⁹ “Ta spisil bael te sc'aalelal cux-o'tanile, ya me sc'an ya awac'bonic jmajt'anin cha'cojt' chij te jun ya'wilal te ma'yuc bila boloben ta sbaq'uetal, soc chaneb kilo te mero lequil harina, wots'bil me soc aceite, ja' me te majt'anil harina, soc me te majt'anil vino.

Bible in Tzeltal Bachajón

⁹ Ta sc'ahc'alel cux-o'tan ya me awaq'uic cha'coht tuminchijetic te jujun ya'bilal te mayuc bin jihnem yu'unic, soc cheb ta slajunebal efa lequil harina wots'bil soc aceite, soc te malbil mahtanil yu'une.

Números 28:9 Referans Kwoze

Isaías 58:13

“Ich'a ta muc' te c'aal yu'un cux-o'tanil; ma me xawat'elin te bitic ya sc'an awo'tan a te ch'ul c'aal cu'une. Jichuc me ya xc'ot ta awo'tan te ja' jun c'aal swenta sbujts'-o'tanile; ja' te ch'ul c'aal yu'un Cajwaltic te ya sc'an te ya x'ich'ot ta muq'ue. Ich'a ta muc', ma xawat'elin xchajbanel aiyejetic awu'un a, ni ma me xbajt' ta awo'tan yu'un te bitic ya sc'an awo'tan spasele.

Apocalipsis 1:10

Te bit'il ayon ta wentainel yu'un te Espiritue, ja' c'ot ta pasel a te bi c'aalil yu'un te Cajwaltique. Jich la caiy stojol te ay mach'a tulan yac ta c'op ta jpat. Jich sc'op la caiy te bit'il sc'op te oq'uese.

Ezequiel 20:12

Ja' nix jich la cac'bey sna'ic te sc'aalelal cux-o'tan cu'une. Ja' seña te trato cu'un te la jchap ta stojolique, soc swenta sna'jibal te bit'il jo'on te yajwalonic te la jch'ultes, yu'un jo'on cu'une.

Números 28:8

Te xchebal chije ya me yich' milel ta mal c'aal, soc ya me x'ac'bot sjoin harina soc vino, ja' pajal soc te majt'anil ta sabe. Ja' me te majt'anil te bujts'an yiq'ue, te ya xc'ajc' ta jtojol jo'on te Ajwalilone.

Números 28:10

Ja' me te chambalam ya yich' aq'uel swenta majt'anil te scojt'ol ya yich' chiq'uel te sc'aalelal cux-o'tanil soc me te vino yu'une, parte me a te ya yich' chiq'uel scojt'ol jujun c'aale.

2 Crónicas 2:4

Yu'un ya jpas templo yu'un Cajwal te Dios cu'une, swenta yu'un ya me cac'bey yu'unin. Tey me ya yich' chiq'uel perfumeetic ta swenta yich'el ta muc', soc ya me yich' cholel ta mesa ta stojol te wajetic, ya me yich' chiq'uel majt'anil ta sab soc ta malc'aalil, soc te bi c'aalil swenta cux-o'tan, soc te bi ora ya yich' pasel q'uinetic yu'un te yach'il u, soc te bi ora te ay yantic q'uinetic te yich'jibal ta muc' te Cajwaltic Diose, te ya yich' pasel spisil ora cu'untic te jo'otic israelotique.

2 Crónicas 8:13

Jich c'aal la yac' te bit'il ya yal te mandaliletic yu'un Moisés, ja' te bi c'aalil swenta cux-o'tanil, te q'uinetic yu'un te yach'il u, soc te oxeb q'uin ya yich' pasel te jujun ja'wile: ja' te q'uin yu'un waj te ma ba yich'oj levadura, soc te q'uin yu'un semanaetic, soc te q'uin yu'un Nailwamal.

Ezequiel 46:4

Te chambalametic ya sc'an ya yac' te ajwalil ta yorail te sc'aalelal cux-o'tane, te ja' yu'un te ya yich' chiq'uel swenta smajt'an te Cajwaltique, waqueb chijetic soc jcojt' stat. Ta spisilic ya me sc'an te ma'yuc bila boloben ta sbaq'uetalic.

2 Reyes 4:23

La sjojc'obey te smamlale: —¿Bi yu'un ya xba awil yo'tic? Ma yorailuc yach'il u, soc ma yorailuc sc'aalelal cux-o'tanil —xi'. —Ma x'aan awo'tan yu'un —xi' te antse.

2 Crónicas 2:3

Ta patil te Salomón la sticunbey ta alel te Hiram te muc' ajwalil ta lum Tiro, jich la yalbey: “Jich me xapas ta jtojol te bit'il la apasbey te jtat David, te la aticunbey cedroetic, swenta yu'un ya yich' pasel palacio a ta bay ya xju' ainele.