Números 28:8 - Bible in Tzeltal de Oxchuc y Tenejapa

⁸ Te xchebal chije ya me yich' milel ta mal c'aal, soc ya me x'ac'bot sjoin harina soc vino, ja' pajal soc te majt'anil ta sabe. Ja' me te majt'anil te bujts'an yiq'ue, te ya xc'ajc' ta jtojol jo'on te Ajwalilone.

Bible in Tzeltal Bachajón

⁸ Te schebal tuminchij ya me awac' ta xtibiltay, soc ha nix hich yac awac' te mahtanil harina soc te malbil mahtanil te yac awac' ta sab. Ha chic'bil mahtanil te sumet yic' ta stojol Jehová.

Números 28:8 Referans Kwoze

Números 28:7

Te majt'anil vino jun me litro ya xtuun ta juju-jcojt' chij. Te vino ya me yich' malel ta ch'ul awilal ta jtojol yu'un quich'jibal ta muc'.

Números 28:9

“Ta spisil bael te sc'aalelal cux-o'tanile, ya me sc'an ya awac'bonic jmajt'anin cha'cojt' chij te jun ya'wilal te ma'yuc bila boloben ta sbaq'uetal, soc chaneb kilo te mero lequil harina, wots'bil me soc aceite, ja' me te majt'anil harina, soc me te majt'anil vino.

Números 29:19

Ya me yich' aq'uel jcojt' tentsun swenta milbil majt'anil yu'un te mulile. Parte me a te yantic chambalam te scojt'ol ya yich' chiq'uel ta jujun c'aal soc te sjoy ta majt'anil, ja' te harina soc vino.

Levítico 1:9

Te mach'a ya yac'bon te chic'bil jmajt'ane, ya me spocbey ta ja' te sbiquil soc te ya' te chambalame. Te sacerdote cu'un ya me xchic' spisil ta sba te scajtijib jmajt'an swenta yu'un bujts'an yic' ta jtojol jo'on te Ajwalilone.

Levítico 1:13

Te mach'a ya yac' ta chiq'uel majt'anil, ya me sc'an ya spocbey ta ja' te sbiquil soc te ya' te chambalame. Te sacerdote cu'un ya me xchic'bon spisil ta sba te scajtijib swenta chic'bil majt'anil te bujts'an yic' ta jtojol jo'on te Ajwalilone.

Levítico 1:17

Ya me stsacbey ta xic' te mute, ya me sjat, pero ma me stuch' ta jyalel. Swenta slajibal ya me xchic' te mute. Ya me yac' ta ba si' ta scajtijib jmajt'an, swenta jmajt'an te scojt'ol ya yich' chiq'uel te buen bujts'an yic' ta jtojol jo'on te Ajwalilone.