Números 28:26 - Bible in Tzeltal de Oxchuc y Tenejapa

²⁶ “Te q'uin yu'un te sbabial sit awalts'unubil, c'alal ya awac'bonic te sbabial sit ya yich' set'el awu'unique, ja' me te q'uin yu'un te Semanaetique. Ay me ch'ul tsoblej awu'unic a, ma me ayuc at'el ya apasic.

Bible in Tzeltal Bachajón

²⁶ Ta sc'ahc'alel te sba sit, te c'alal yac awa'beyic Jehová te sba sit ta yorahil te Q'uin yu'un Semanahetic, ay me ch'ul tsoblej awu'unic; ma me xapas awa'telic a.

Números 28:26 Referans Kwoze

Éxodo 34:22

“Pasa q'uin yu'un Semanaetic, ja' sq'uinul te sba sit trigo, soc pasa yan q'uin yu'un te c'ajoj te ay ta slajibal ja'wile.

Éxodo 23:16

“Ya me apasbon xan jq'uin ta swenta te c'ajoje, ja' te sba sit te awalts'unubile. Ja' ni me jich ya apasbon jq'uin ta swenta te c'ajoj ta slajibal te ja'wil te c'alal loq'uix spisil a te bitic ats'unoje.

Levítico 23:10

—Albeya te israeletic te bila ya calbate: “Te c'alal ya x'ochex bael ta q'uinal te ya cac'beyexe, te c'alal ya aset'ic te bila sbabial ya xloc' sit, ya me awac'beyic ta stojol sacerdote te sba tomol ya xloc' ta set'el awu'unique.

1 Corintios 15:20

Ja'uc me to, smelelil te cha'cux tel ta bay animaetic te Cristoe. Ja' sbabial cha'cux tel yu'un te mach'atic wayemique.

Santiago 1:18

Ta swenta sc'anjel yo'tan stuquel te la yac' cha'ayinucotic xan ta swenta te smelelil c'ope, swenta yu'un sba sit yawal-sts'unub ya xc'ootic ta bay spisil te yat'el spasoje.

Números 28:18

Te sbabial c'aal yu'un te q'uine ya me yich' pasel te ch'ul tsobleje. Ja' me te c'aal te ma'yuc at'el ya apasic a.

Números 28:27

Ya me awac'bonic jmajt'anin chambalametic te scojt'ol ya yich' chiq'uel te bujts'an yiq'ue: cha'cojt' toroetic, jcojt' tat chij soc juqueb alal tat chijetic te jun ya'wilale.

Números 29:1

“Ta sba c'aalil yu'un te sjuquebal u, ay me ch'ul tsoblej awu'unic a, ma me ayuc at'el ya apasic. Ja' te c'aal ya yich' oq'uesinel te xulubiletique.

Éxodo 12:16

Jich yu'un ta sba c'aalil soc ta sjuquebal c'aal, xchebal me c'aal ch'ul tsoblej awu'unic a. Ma me ayuc at'el a, ja' nax me teme ay chajbanel ya sc'an jtebuc te we'elile.

Levítico 23:8

Ta spisil te juqueb c'aale ya me achic'bonic jmajt'an jo'on te Ajwalilone. Ta sts'acajel te juqueb c'aal ya me apasic te yan ch'ul tsobleje. Ma me xju' ya apas awat'elic, biluc at'elil”, uta me —xi' te Cajwaltique.