Números 28:15 - Bible in Tzeltal de Oxchuc y Tenejapa

¹⁵ Parte me te ya yich'ulay chiq'uel scojt'ol jujun c'aal. Soc ya me awac'bonic jo'on te Ajwalilon, jcojt' tentsun te milbil majt'anil yu'un mulil, soc me te majt'anil vino.

Bible in Tzeltal Bachajón

¹⁵ Soc ya me yich' a'beyel Jehová jcoht tat tentsun scuenta mahtanil yu'un stojel mulil; parte a te scohtol chic'bil mahtanil te ya yich' aq'uel spisil ora soc te malbil mahtanil yu'une.

Números 28:15 Referans Kwoze

Números 28:3

“Albeya te ja'ic me majt'aniletic te ya yich' chiq'uel ta jtojol swenta quich'jibal ta muc': Jujun c'aal ma me spas falta cha'cojt' chijetic te jun ya'wilal te ma'yuc bila boloben ta sbaq'uetal.

Números 28:22

Ya me awaq'uic xan jcojt' tentsun, ja' me te milbil majt'anil te ya yich' tael perdón yu'un a te amulique.

Números 15:24

“Teme ay bi ora ya xch'ay ta yo'tanic spasel te jmandal spisil te lume, spisil te lume ya yac'bonic jcojt' toro te ya yich' chiq'uel te buen bujts'an yic', soc ya me sjoin harina soc te vino, jich bit'il caloj mandal jo'on te Dioson. Soc xan yan, ya me yac'bonic jmajt'anin jcojt' tentsun ta swenta milbil majt'anil yu'un te mulile.

2 Corintios 5:21

Melel te Cristoe ma'yuc smul stuquel. Ja'uc me to, te Diose, ja' la yac'bey ta swenta xcuchel te jmultique, swenta yu'un jich me libre ya xc'ootic yu'un jmultic ta swenta bit'il jun c'oemotiquix soc te Cristoe.

Romanos 8:3

Melel ma ju' yu'un te la scoltayotic te mandalile, ta scaj te ma'yuc yip te jbaq'uetaltique. Jich yu'un Dios la sticun tel te Snich'ane, jich bit'il milbil majt'anil yu'un mulil. Pajal sbaq'uetal c'ot soc te jmulawil ch'ich'-baq'uete. Jich ta swenta sbaq'uetal ju' yu'un te la yac' ta lajel te mulil te ay ta jbaq'uetaltique.

Levítico 16:15

C'alal la spasix, ya me smil te tentsun swenta milbil majt'anil yu'un smul te yajwal lume, ya me yich'bey bael xch'ich'el ta banti spat te pac' t'imile; tey ta yutile ya me stsijts'anbey ta sba soc ta yelaw te yawil perdone, mero jich nix te bit'il la spasbey te xch'ich'el toro.

Levítico 4:23

Te bi ora ya sna' te staoj smule, ya me sc'an te ya yic' bael jcojt'uc tat tentsun te ma'yuc bila boloben ta sbaq'uetale, ya me yac'bon jmajt'anin.

Génesis 37:31

Jich yu'un la stsacbeyic te snajt'il c'u'e, la sts'ajbeyic ta xch'ich'el alal tentsun te la smilique.

Números 28:14

Te majt'anil vino pajal ya awaq'uic, ja' me cheb litro ta swenta juju-jcojt' toro, jun litro soc olil te juju-jcojt' tat chij, soc jujun litro ta swenta te juju-jcojt' alal tat chije. Ja'ic te scojt'ol ya yich'ic chiq'uel te ya sc'an ya awaq'uic ta jujun u ta sjunal te ja'wile.

Levítico 16:16

Jich me ya xlecub sc'oplal a te ch'ul awilal te bit'il ma ba lec sc'oplal yu'un smulic, ja' te stoybailic te israeletique. Ja' nix jich ya sc'an ya spas ta Nailpac' te banti ya quich' c'oponel, ja' te ay ta yolilic te ma ba lec sc'oplal ayique.

Números 28:30

Soc ya me awaq'uic jcojt' tentsun, ja' me milbil majt'anil te ya yich' tael perdón yu'un a te amulique.

Números 29:5

Soc ya me awaq'uic jcojt' tentsun swenta milbil majt'anil te ya yich' tael perdón yu'un a te amulique.

Números 29:16

Ya me awaq'uic xan jcojt' tentsun ta swenta milbil majt'anil yu'un te mulile. Parte me a te yantic chambalam scojt'ol ya yich' chiq'uel ta jujun c'aal soc te sjoy ta majt'anil, ja' te harina soc vino.