Números 28:13 - Bible in Tzeltal de Oxchuc y Tenejapa

¹³ Soc ta juju-jcojt' alal tat chij, ya me awac'beyic sjoin cheb kilo harina, wots'bil me ta aceite. Ja' me te majt'anil te bujts'an yic' te scojt'ol ya yich' chiq'uel swenta quich'el ta muc' jo'on te Ajwalilone.

Bible in Tzeltal Bachajón

¹³ soc jun ta slajunebal efa lequil harina wots'bil ta aceite yac awac' soc jujucoht tuminchij. Ha scohtol chic'bil mahtanil te sumet yic', ha chic'bil mahtanil ta stojol Jehová.

Números 28:13 Referans Kwoze

Números 28:12

Ta juju-jcojt' toro ya me awac'beyic sjoin waqueb kilo te mero lequil harina, wots'bil me ta aceite. Te jcojt' tat chije, ya me awac'beyic sjoin chaneb kilo te mero lequil harina, wots'bil me ta aceite.

Números 28:14

Te majt'anil vino pajal ya awaq'uic, ja' me cheb litro ta swenta juju-jcojt' toro, jun litro soc olil te juju-jcojt' tat chij, soc jujun litro ta swenta te juju-jcojt' alal tat chije. Ja'ic te scojt'ol ya yich'ic chiq'uel te ya sc'an ya awaq'uic ta jujun u ta sjunal te ja'wile.

Éxodo 29:40

Te sbabial chij te ya achiq'ue, soc me cheb kilo mero lequil harina, ya me acap soc jun litro yaceiteil olivo. Ya me amal jun litro vino ta swenta jmajt'an.

Números 15:6

Teme ja' ya yich' milel jcojt' tat chij, ya me yich' ac'beyel sjoin chaneb kilo harina, wots'bil me soc aceite c'axem jtebuc ta jun litro,