Números 28:11 - Bible in Tzeltal de Oxchuc y Tenejapa

¹¹ “Ta sba c'aalil ta jujun u ya me awac'bonic milbil jmajt'an te scojt'ol ya yich' chiq'uel: cha'cojt' toro, jcojt' tat chij soc juqueb ta jcojt' alal tat chijetic te jun ya'wilalic, te ma'yuc bila boloben ta sbaq'uetal.

Bible in Tzeltal Bachajón

¹¹ Ta shahchibal te jujun u ya me awa'beyic scuenta scohtol chic'bil mahtanil te Jehová cha'coht jcolel toro, jcoht tat tuminchij, soc huqueb tuminchijetic te jujun ya'bilal te mayuc bin jihnem yu'unic;

Números 28:11 Referans Kwoze

Números 10:10

Soc oq'uesinaic oq'uesetic ta sc'aalelal sbujts' q'uinal ya awaiyic ta q'uin, o ja' te yach'il u, c'alal ya awaq'uic chic'bil majt'anil soc te majt'anil swenta seña te lamal-o'tanile. Jich te jo'on ya me jna'ex. Jo'on Ajwalilon te Dioson awu'unique —xi' te Cajwaltique.

Ezequiel 46:6

Te sc'aalelal yach'il u, ya me yac' jcojt' toro, waqueb chijetic soc jcojt' stat te chije, ta spisil me ma'yuc bila boloben ta sbaq'uetalic.

Colosenses 2:16

Jich yu'un, ma me ayuc mach'a ya yich'ex ta c'op yu'un te bila ya awe'elinic soc te bila ya awuch'ique, soc te bit'il ay sc'oplal te sc'aalelal te q'uinetique, soc yuninal te ue, soc te sc'aalelal cux-o'tane.

Oseas 2:11

Ya me jlajinbey sc'oplal te sbujts' yo'tane; mero ma'yuc sbujts' yo'tan ya yaiy ta spasel te q'uinetic yu'une, jich bit'il te yach'il u, soc ta jujun sc'aalelal cux-o'tan, soc spisil te q'uinetic ya spase.

Esdras 3:5

Ja' nix jich te chic'bil smajt'an Dios yu'un jujun c'aale, soc te yu'un jujun yach'il u, soc te jujun ch'ul q'uin yu'un Cajwaltic, soc te smajt'an la yac'beyic te mach'atic spasemal yo'tanic ya yac'beyic te Cajwaltique.

2 Crónicas 2:4

Yu'un ya jpas templo yu'un Cajwal te Dios cu'une, swenta yu'un ya me cac'bey yu'unin. Tey me ya yich' chiq'uel perfumeetic ta swenta yich'el ta muc', soc ya me yich' cholel ta mesa ta stojol te wajetic, ya me yich' chiq'uel majt'anil ta sab soc ta malc'aalil, soc te bi c'aalil swenta cux-o'tan, soc te bi ora ya yich' pasel q'uinetic yu'un te yach'il u, soc te bi ora te ay yantic q'uinetic te yich'jibal ta muc' te Cajwaltic Diose, te ya yich' pasel spisil ora cu'untic te jo'otic israelotique.

1 Crónicas 23:31

Soc tey me ayic ta templo spisil ora te c'alal ya yich' aq'uel spisil te chic'bil majt'anil ta stojol Cajwaltic ta sc'aalelal te cux-o'tan, soc ta yorail te q'uinetic yu'un te yach'il u, soc te q'uinetic te bayal sc'oplalique. Tey me ayic ta templo ta abatinel yu'un te Cajwaltic, ja' chican te bit'il cholol yajtalul te sbiilique.

1 Samuel 20:5

La sjac' te David: —Te pajel ja'ix te q'uin swenta yach'il u, ya sc'an te ya jnajc'an jba ta we'el soc te muc' ajwalile. Pero ac'awon bael, ya xba jnac' jba ta aquiltic. Cha'wej ta smalel bael c'aal ya xloc'on tel.

Colosenses 2:6

Jich yu'un, te bit'il la ach'uuniquix te Cajwaltic Jesucristoe, ya sc'an te jich ya xcuxinex ta stojole.

Gálatas 4:10

Melel ya acanantayic biluc c'aaliluc, soc biluc uiluc, soc te biluc yajtalul te ja'wiletique.

Amós 3:5

Teme ya xch'ay coel tel mut te yac ta wilele, yu'un ay pejts' tey a. Teme ya xt'im moel te pejts' ta lume, yu'un nix ay bila la stsaquix a.

Ezequiel 46:1

“Jo'on Ajwalilon te jich ya cale: Te yochibal templo ta stojol sloq'uib c'aal te amac' ta yutile, macal me te swaquebal c'aal ta yorail at'ele, ja' nax me ya yich' jamel ta yorail te sc'aalelal cux-o'tane soc ta yorail te sc'aalelal yach'il u.

Isaías 66:23

Ta jujun u, ja' te sc'aalelal te yach'il u, soc jujun semana, ja' te sc'aalelal te cux-o'tanile, spisilic ants-winiquetic ya me xtal squejan sbaic ta jtojol. Jo'on jich la cal te Ajwalilone.

Salmos 81:3

Oq'uesinaic oq'ues te c'alal ya sta yorail te yach'il u, soc nix te c'alal ya sta yorail ya sep sba, te ja' sc'aalelal te mero muc'ul q'uin cu'untique.

Salmos 40:8

Dios cu'un, jo'on ya jmulan spasel te bila ya sc'an awo'tane; quich'oj ta yolil co'tan te mandal awu'une”, xoon.

Salmos 40:6

Te ja'at, ma ja'uc lec awo'tan yu'un milbil amajt'an, soc ma x'ac'an amajt'anin sit awalts'unubil, soc ma x'ac'an amajt'anin te scojt'ol ya yich' chiq'uel, ni ja'uc chic'bil majt'anil swenta stojol mulil. Ja'uc me to la ajambonix jchiquin.

Nehemías 10:33

ja' bi ja' te waj ya yich' aq'uel ta stojol Dios, te harina pasbil ta trigo soc ta cebada te ya yich' aq'uel jujun c'aal te Diose, te chic'bil majt'anil jujun c'aal soc ta sc'aalelal cux-o'tanil soc ta yach'il u, soc nix majt'aniletic yu'un te yantic q'uinetic cu'untic swenta xch'uunel Dios, soc swenta smajt'an ta spisil, milbil majt'anil swenta stael perdón yu'un smul Israel, soc ta spisil te bila ya yich' pasel ta swenta yich'el ta muc' ta templo yu'un te Dios cu'untique —xiic.

2 Reyes 4:23

La sjojc'obey te smamlale: —¿Bi yu'un ya xba awil yo'tic? Ma yorailuc yach'il u, soc ma yorailuc sc'aalelal cux-o'tanil —xi'. —Ma x'aan awo'tan yu'un —xi' te antse.

Números 28:19

Te majt'anil te scojt'ol ya yich' chiq'uele, ya me awac'bonic cha'cojt' toro, jcojt' tat chij soc juqueb alal tat chijetic te jun ya'wilalic, te ma'yuc bila boloben ta sbaq'uetal.

Levítico 1:3

“Teme wacax te chambalam ya yac'bon ta jmajt'an te scojt'ol ya yich' chiq'uele, ya me sc'an te ja' te toro te ma'yuc bila boloben ta sbaq'uetal. Swenta yu'un ya stsacbot a te majt'anil, ya me sc'an ya yac'bon ta jtojol jo'on te Ajwalilon ta stojol te yochibal Nailpac' te banti ya quich' c'oponele.

Levítico 1:9

Te mach'a ya yac'bon te chic'bil jmajt'ane, ya me spocbey ta ja' te sbiquil soc te ya' te chambalame. Te sacerdote cu'un ya me xchic' spisil ta sba te scajtijib jmajt'an swenta yu'un bujts'an yic' ta jtojol jo'on te Ajwalilone.

Levítico 1:13

Te mach'a ya yac' ta chiq'uel majt'anil, ya me sc'an ya spocbey ta ja' te sbiquil soc te ya' te chambalame. Te sacerdote cu'un ya me xchic'bon spisil ta sba te scajtijib swenta chic'bil majt'anil te bujts'an yic' ta jtojol jo'on te Ajwalilone.

1 Samuel 9:12

Albotic yu'un: —Tey xanix ay bael to. Ya sc'an ya asuj abaic, melel julel to ta lum, yu'un yorail te ya yich' aq'uel milbil smajt'an Dios ta toyol ch'uunjibal.

2 Crónicas 8:13

Jich c'aal la yac' te bit'il ya yal te mandaliletic yu'un Moisés, ja' te bi c'aalil swenta cux-o'tanil, te q'uinetic yu'un te yach'il u, soc te oxeb q'uin ya yich' pasel te jujun ja'wile: ja' te q'uin yu'un waj te ma ba yich'oj levadura, soc te q'uin yu'un semanaetic, soc te q'uin yu'un Nailwamal.

Ezequiel 46:7

Te juju-jcojt' ch'in toro, ya me yaq'uic jtab litro harina, ja' nix jich te juju-jcojt' tat chije. Te ch'in chije, chican yo'tan jayeb litro ya yac'. Ta juju-jtab litro harina, ya me yac' olil xchaneb litro aceite.

Amós 8:5

jich ya awalic: —¿Bi c'aalil ya xc'ax te q'uin yu'un te yach'il u, swenta yu'un ya xju' jchontic a te trigo? ¿Bi c'aalil ya xc'ax te sc'aalelal cux-o'tan, swenta yu'un toyol xan stojol ya jchontic a te jtrigotique? Ya me jtuuntestic te ma ts'acaluc sp'isol soc te ma ts'acaluc kilo,

2 Crónicas 2:3

Ta patil te Salomón la sticunbey ta alel te Hiram te muc' ajwalil ta lum Tiro, jich la yalbey: “Jich me xapas ta jtojol te bit'il la apasbey te jtat David, te la aticunbey cedroetic, swenta yu'un ya yich' pasel palacio a ta bay ya xju' ainele.

Salmos 81:4

Melel ja' te mandal te la yac'bey Israel te Dios yu'un Jacob;