Números 28:1 - Bible in Tzeltal de Oxchuc y Tenejapa

¹ Te Cajwaltic la sc'opon te Moisés, jich la yalbey:

Bible in Tzeltal Bachajón

¹ Te Jehová hich la yalbe te Moisés:

Números 28:1 Referans Kwoze

Números 27:23

La scajanbey sc'ab ta sjol soc la yac'bey te yat'ele, jich bit'il pasot ta mandal te Moisés yu'un te Cajwaltique.

Números 28:2

—Pasa ta mandal te israeletique: “Ma me scom sbaic ta yaq'uel ta mero yorail te we'elil soc te milbil majt'aniletic, te ya yich' chiq'uel ta jujun q'uin, ja' te majt'aniletic te bujts'an yic' ta jtojole.

Levítico 9:15

Te Aarón la yac' xan te majt'anil yu'un te israeletique. La stsac te tat tentsun, te ja' milbil majt'anil yu'un smul te lume, la sbojbey snuc', la yac' yu'un te smulique, jich nix te bit'il la spas soc te yan majt'anil neel la yaq'ue.

Números 7:15

jcojt' toro; jcojt' tat chij; jcojt' chij jun ya'wilal, te ya yich' aq'uel ta spisilic ta swenta majt'anil te scojt'ol ya yich' chiq'uele;

1 Crónicas 23:31

Soc tey me ayic ta templo spisil ora te c'alal ya yich' aq'uel spisil te chic'bil majt'anil ta stojol Cajwaltic ta sc'aalelal te cux-o'tan, soc ta yorail te q'uinetic yu'un te yach'il u, soc te q'uinetic te bayal sc'oplalique. Tey me ayic ta templo ta abatinel yu'un te Cajwaltic, ja' chican te bit'il cholol yajtalul te sbiilique.

2 Crónicas 2:4

Yu'un ya jpas templo yu'un Cajwal te Dios cu'une, swenta yu'un ya me cac'bey yu'unin. Tey me ya yich' chiq'uel perfumeetic ta swenta yich'el ta muc', soc ya me yich' cholel ta mesa ta stojol te wajetic, ya me yich' chiq'uel majt'anil ta sab soc ta malc'aalil, soc te bi c'aalil swenta cux-o'tan, soc te bi ora ya yich' pasel q'uinetic yu'un te yach'il u, soc te bi ora te ay yantic q'uinetic te yich'jibal ta muc' te Cajwaltic Diose, te ya yich' pasel spisil ora cu'untic te jo'otic israelotique.

2 Crónicas 8:13

Jich c'aal la yac' te bit'il ya yal te mandaliletic yu'un Moisés, ja' te bi c'aalil swenta cux-o'tanil, te q'uinetic yu'un te yach'il u, soc te oxeb q'uin ya yich' pasel te jujun ja'wile: ja' te q'uin yu'un waj te ma ba yich'oj levadura, soc te q'uin yu'un semanaetic, soc te q'uin yu'un Nailwamal.

2 Crónicas 23:18

Patil te Joiada la yac' ta canantayel yu'un sacerdoteetic soc levitaetic te templo yu'un te Cajwaltique, jich bit'il chapal yu'un te namey q'uinal David te ya sjel sbaic ta swenta abatinel ta templo ta yaq'uel ta chiq'uel smajt'an te Cajwaltique. Ja' te jich ts'ibubil jilel sc'oplal yu'un Moisés. Soc jil ta swentaic sc'ajintayel te c'ayoj ta swenta yutsil yo'tanic, jich bit'il xchajbanej te Davide.

2 Crónicas 31:3

Te muc' ajwalil la yac' stuquel ta swenta te bitic ay yu'un, te chambalametic yu'un chic'bil majt'anil ta sab soc ta swenta mal c'aalil, yu'un te chic'bil majt'anil ta swenta bi c'aalil yu'un te cux-o'tane, soc yu'un te q'uin swenta yach'il u, soc yu'un te q'uinetic te mero muc' sc'oplale, jich bit'il ts'ibubil ta mandalil yu'un te Cajwaltique.

Esdras 6:9

Ma me xquejch'aj ta aq'uel, jujun me c'aal ac'a yich'ic aq'uel te sacerdoteetic ta Jerusalén te bitic ya sc'ane. Chican te bi ya yalique, soc spisil te bila ya xtuun yu'unique, teme ch'in wacaxetique, teme chijetique, o teme ch'in alal chijetic yu'un ya xtuun yu'unic, yu'un ya yac'beyic chic'bil smajt'an te Dios ta ch'ulchane, o teme trigoe, teme ats'ame, vino, o aceite.

Nehemías 10:33

ja' bi ja' te waj ya yich' aq'uel ta stojol Dios, te harina pasbil ta trigo soc ta cebada te ya yich' aq'uel jujun c'aal te Diose, te chic'bil majt'anil jujun c'aal soc ta sc'aalelal cux-o'tanil soc ta yach'il u, soc nix majt'aniletic yu'un te yantic q'uinetic cu'untic swenta xch'uunel Dios, soc swenta smajt'an ta spisil, milbil majt'anil swenta stael perdón yu'un smul Israel, soc ta spisil te bila ya yich' pasel ta swenta yich'el ta muc' ta templo yu'un te Dios cu'untique —xiic.

Isaías 1:13

Ma me x'awac'bonic majt'anil te ma'yuc sc'oplal cu'une; ma xcujch'ix cu'un te xch'ailele. Te ja'ex ya awiq'uic te alumal te ya apasic q'uin yu'un te yach'il u soc te sc'aalelal cux-o'tan; te jo'one ma jmulan te q'uinetic yu'un te alumal te bit'il yacalic ta spasel te bitic amene.

Ezequiel 44:24

Ta banti ay c'op ya me xchajbanwanic; ja' me juecetic, ja' me ya xchajbanwanic a te mandaliletic cu'une. Ya me xch'uunic spasel te mandaliletic cu'un soc te nopjibaletic cu'une, te ya yalbey sc'oplal spisil te q'uinetic cu'une. Ya me yich'ic ta muc' te c'aaleltic swenta cux-o'tan ch'ultesbil cu'une.

Ezequiel 45:17

swenta yu'un ja' me ya swentain yaq'uel te chambalametic yu'un chic'bil majt'aniletic scojt'ole, soc te ya xtuun ta majt'anil harina soc te vino ta yorail te yach'il u, ta yorail sc'aalelal yu'un cux-o'tanil soc ta spisil te q'uinetic yu'un Israel. Soc ya me sc'an ya yac' te milbil majt'anil yu'un mulile, majt'anil harina, scojt'ol chic'bil majt'aniletic, soc te milbil majt'aniletic yu'un lamal-o'tanile, swenta yu'un ya xpasbot perdón a te smul Israele.

Ezequiel 46:11

Ta jujun q'uinetic ya me yich' aq'uel jtab litro harina ta juju-jcojt' ch'in toro, ja' nix jich ya yich' aq'uel yu'un te juju-jcojt' tat chije. Yan ta swenta te chije, chican bay c'alal ya xju' ta aq'uel. Ta juju-jtab litro harina, ya me yich' aq'uel olil xchaneb litro aceite.

Gálatas 4:10

Melel ya acanantayic biluc c'aaliluc, soc biluc uiluc, soc te biluc yajtalul te ja'wiletique.

Colosenses 2:16

Jich yu'un, ma me ayuc mach'a ya yich'ex ta c'op yu'un te bila ya awe'elinic soc te bila ya awuch'ique, soc te bit'il ay sc'oplal te sc'aalelal te q'uinetique, soc yuninal te ue, soc te sc'aalelal cux-o'tane.