Números 27:21 - Bible in Tzeltal de Oxchuc y Tenejapa

²¹ Te Josué ya me stejc'an sba ta stojol te sacerdote te Eleazar. Te Eleazar ya me yalbon spisil c'op, ya me cac'bey sujt'ib ta swenta Urim. Te Josué ja' me ya yalbey mandal ta stojol israeletic ta swenta spisil te bila ya spasique —xi'.

Bible in Tzeltal Bachajón

²¹ Te Josué ya xbaht ta stojol te sacerdote Eleazar te ha ya sjoc'obe te Jehová ta scuenta te Urim. Ta scuenta smandar te Josué ya xloq'uic bahel spisil te pueblo Israel, soc ta scuenta smandar ya x'ochic talel, xchi.

Números 27:21 Referans Kwoze

1 Samuel 28:6

Ja' yu'un la sjojc'obey te Cajwaltic. Pero ma ba jac'bot yu'un, soc ni ayuc bi ac'bot swaichin, ni ta swenta Urim, ni ta swenta j'alwanejetic.

Josué 9:14

Te israeletic la spasbeyic prueba swe'elic te gabaonetic; ja'uc me to, ma la sjojc'obeyic te Cajwaltique.

Éxodo 28:30

Ac'a ta yutil bolsa te Urim soc te Tumim te ya xtuunic yu'un ta sna'el sc'anjel yo'tan te Diose. Ya me yich' bael ta stan te Aarón ta stojol te Cajwaltique. Te Aarón jich me ya yich' bael ta stan spisil ora ta stojol Cajwaltic te bitic ya xtuun yu'un ta sna'el sc'anjel yo'tan a.

Nehemías 7:65

Soc albotic xan yu'un te ajwalil te ma xju' ya swe'ic te ch'ultesbil we'eliletic, ja' to teme ay jtuluc sacerdote te ya xchicnantes ta swenta Urim soc Tumim te bi quechele.

Esdras 2:63

Soc xan te ajwalil la yal mandal te ma xju' ya swe'ic te we'eliletic ch'ultesbil ja' to teme ay jtul sacerdote te ya sjojc'o ta swenta Urim soc Tumim.

1 Samuel 30:7

La yalbey te sacerdote Abiatar, snich'an Ahimelec: —Wocoluc, ich'bon tel te efod —la yut. Jich te Abiatar la yich'bey bael ta ora te efod.

1 Samuel 23:9

Pero la yaiy te David te bi chapalix yu'un Saúl. La yalbey mandal te sacerdote Abiatar te yacuc x'ich'bot tel te efod, swenta yu'un ya me sjojc'obey te Cajwaltique.

Jueces 20:18

Te israeletic bajt'ic ta lum Betel, tey la sjojc'obeyic Dios swenta sna'el te mach'a neel ta chajbalchajp sts'umbal Israel te ya xba yac'bey guerra te sts'umbal Benjamín. Te Cajwaltic la sjac' te ja' neel ya xbajt' te sts'umbal Judá.

Jueces 1:1

C'alal lajix a te Josué, te israeletic la sjojc'obeyic te Cajwaltic mach'a sts'umbal te neel ya xba yac'bey guerra te cananeoetique.

Deuteronomio 33:8

Sc'oplal Leví jich la yal: —Cajwal, ja'at awu'un te Tumim soc te Urim; awu'un, soc yu'un uuc te mach'a jun yo'tan ta atojole. Ja' te la awac'bey prueba ta Masah, ja' te la awut aba soc ta ja'etic yu'un Meriba.

Levítico 8:8

La yac'bey ta sba te bolsa te ay ta stan, tey la yac' ochel te Urim soc te Tumim.

Números 27:5

Te Moisés la yal ta stojol Cajwaltic te c'op yu'un te antsetique.

Números 27:20

Ac'beya ta stojol oliluc te awat'ele, swenta yu'un spisil te lum Israel ya me xch'uunbeyic sc'op.

Números 27:22

Te Moisés jich la spas te bit'il albot mandal yu'un te Cajwaltique, la yac' te ya stejc'an sba te Josué ta stojol te sacerdote Eleazar soc ta stojol spisil te lume.

1 Samuel 14:19

Pero te c'alal yac ta c'op a te Saúl soc te sacerdote, xquechet ta bats'ijel xan ta xch'ayel sjolic ta scampamento te filisteoetique. La yalbey te sacerdote: —Ma x'awich'ix tel, ma'yuquix tiempo —xi'.

2 Samuel 21:1

Te c'alal ja' ay ta muc' ajwalil a te David, tal wi'nal, oxeb ja'wil jalaj te wi'nale. Te David la sjojc'obey te Cajwaltique. Jac'bot yu'un: —Te wi'nale ja' talem ta swenta te smilaw te Saúl soc te mach'atic ay yu'une, melel la stojol-milic te gabaonetique —xi' te Cajwaltique.

Malaquías 2:7

Ja' me yat'elic te sacerdoteetic ta sp'ijubtesel te lum te yacuc sna'bonic jbae; soc jich me spisilic ya xtalic ta sleel p'ijubtesel ta stojolic, melel ja'ic te j'alwanejetic cu'un, jo'on Ajwalilon te spisil ya xju' cu'une.

Números 27:2

Ja'ic te jo'tul antsetic te yermana sbaic, bajt'ic ta bay yochibal Nailpac' te bay ya yich' c'oponel te Cajwaltique, ba sc'oponic Moisés, te sacerdote Eleazar, te jtsobwanejetic soc spisil te israeletique. Jich c'o yalbeyic:

Deuteronomio 31:3

Pero te Cajwaltic Dios ya me xneelaj awu'unic. Te c'alal ya xc'axexe, ya me slajin te nacionetic ya ataic tey a, swenta yu'un ya me awich'beyic te slum-sq'uinalique. Ja' me ya xneelaj ta atojolic te Josué, melel ja' me jtsobwanej awu'unic, jich nix te bit'il la yalix te Cajwaltique.