Números 27:18 - Bible in Tzeltal de Oxchuc y Tenejapa

¹⁸ Te Cajwaltic la sjac'bey sc'op te Moisese: —Ja' te Josué te snich'an Nun te yich'oj te espíritue, ja' x'awic' ta atojol, cajanbeya ac'ab ta sjol.

Bible in Tzeltal Bachajón

¹⁸ Te Jehová la yalbe te Moisés: Ic'a tal te Josué snich'an Nun, te jtuhl winic te ay yip yo'tan, cajambeya ac'ab ta sjol.

Números 27:18 Referans Kwoze

Deuteronomio 34:9

Te Josué snich'an Nun la yich' sp'ijil yo'tan ta stojol te Moisés, yu'un la scajanbey sc'ab ta sjol Josué te Moisés. Ja' yu'un te israeletic la xch'uunbeyic smandal, jich nix la spasic te bit'il yaloj mandal ta stojol Moisés te Cajwaltique.

Números 27:23

La scajanbey sc'ab ta sjol soc la yac'bey te yat'ele, jich bit'il pasot ta mandal te Moisés yu'un te Cajwaltique.

Génesis 41:38

Jich yu'un te faraón la yalbey te abatetic: —¿Banti c'an ba jtatic te mach'a jich yo'tan te bit'il in winic to, te wentainbil yo'tan yu'un te espíritu yu'un te Diose? —xi'.

Deuteronomio 31:23

Te Josué te snich'an Nun, ac'bot yu'un Cajwaltic te mandal in to: —Ma me xiwat, ayuc me yip awo'tan. Melel ja'at me te ya awic' ochel te israeletic tey ta lumq'uinal te calojbeye. Jo'on me ya x'ainon ta ats'eel —xi' sc'oplal te Josué.

Hechos 19:6

Te c'alal la scajanbey sc'ab ta sjolic te Pabloe, tal ta stojolic te Ch'ul Espiritue. Jich jajch'ic ta c'op ta yantic c'opetic soc jajch' yalic te sc'op Diose.

Jueces 3:10

Te espíritu yu'un Cajwaltic jul ta wentainel yu'un te Otoniel, ja' juez c'ot yu'un te israeletique. Loc' bael ta guerra, te Cajwaltic la yac'bey yaiy tsalaw ta stojol Cusan-risataim.

Deuteronomio 3:28

Pasa ta mandal te Josué, ac'beya yip yo'tan soc ac'beya smuc'ul yo'tan, melel ja' me te ya yic' ta beel te israeletique, soc te ya yac'bey yu'unin te lumq'uinal ya awil yo'tic”, xi' te Cajwaltique.

San Juan 3:34

Melel te mach'a ticunbil yu'un te Diose, ja' ya yal te sc'op Diose, yu'un ma p'isbiluc nax Espíritu ya yac' te Diose.

Daniel 5:14

La yalbonic te ay ta awo'tan te espíritu yu'un te Diose, te jamal ta lec ajol, te ay buen lec snopjibal awu'un, soc te bayal bitic ana'oje.

Jueces 11:29

Te espíritu yu'un te Cajwaltic tal ta stojol te Jefté. Jich been ta sq'uinal Galaad soc ta sq'uinal Manasés, c'ax ta lum Mizpa te ay ta sq'uinal Galaad, yu'un ya yochintay te sq'uinal amonetique.

Hebreos 6:2

soc snopel sc'oplal te ich'ja'e, soc snopel te ya yich' cajanel c'abal ta joltique, soc te bit'il ya xcha'cux tel te animaetique, soc te bit'il ay castigo ya yich' sbajt'el q'uinal te mach'a ay smule.

1 Timoteo 5:22

Soc xan, ma me mach'auc nax ya acajanbey ac'ab ta sjol ta ora nax. Soc ma me xacoltay ta c'op yu'un smul te yane. Tsajtaya me aba yu'un jiche. Ma me xawac' staat te bila amene.

1 Timoteo 4:14

Bayaluc me sc'oplal ta awo'tan te amajt'an te ac'bilate soc te ac'botat ta awenta te c'alal c'opojic ta atojol te j'alwanejetic yu'un te Diose, soc te la scajanbat sc'abic ta ajol te ancianoetique.

Hechos 13:3

Jich la spasic ayuno ta sc'oponel te Diose. La scajanbey sc'abic ta sjolic soc la sticunic bael.

Hechos 6:6

Te jch'uunjeletique la stec'anic ta stojol te lajchaytul jpuc-c'opetique, soc la sc'oponbeyic Dios ta stojol te juctule, soc la scajanbeyic sc'abic ta sjolic.

Hechos 6:3

Jich yu'un, quermanotac, leaic juctul winiquetic ta awolilic te lec sc'oplalique, soc te ay sp'ijil yo'tanic, soc te nojel ta yo'tanic te Ch'ul Espiritue. Ja' me ya cac'beytic swentainic in at'el to.

1 Samuel 16:18

Pero ay jtul yabat te jich la yal: —Ay quiloj jtul snich'an Isaí, ja' te mach'a ay ta Belén, te mero ya sna' stijel ta lec te arpa, soc mero ma xiw ta guerra, soc buen lamal yo'tan ya xc'opoj. T'ujbil querem, soc joinbil yu'un te Cajwaltique —xi'.

Números 13:16

Ja' sbiilic te winiquetic te la sticun bael Moisés ta stsajtayel te q'uinale. Te Oseas, te snich'an Nun la sjelbey sbiil, Josué c'ot yu'un.

Números 13:8

Oseas, snich'an Nun, te sts'umbal Efraín;

Números 11:17

Ya xcoon tel, ya xc'opojotic. Ya quich'bat oliluc te espíritu te awich'oje, ya cac'bey ta stojolic swenta yu'un ma atuqueluc ya awic' bael te lume, jich me ma atuqueluquix abi.

Éxodo 17:9

Jich yu'un te Moisés la yalbey te Josué: —Tsaa bael winiquetic, baan ac'beyaic guerra te amalequetic. Tey me ayon pajel ta jol wits. Ya me jtsac ta jc'ab te bastón yac'ojbon te Diose —xi'.

Deuteronomio 1:37

“Ta awentaic ja'ex, ilin ta jtojol uuc te Cajwaltique, jich la yalbon: “Ni ja'ucat ya xju' ya cac'at ochel tey ta lumq'uinal.

Deuteronomio 31:3

Pero te Cajwaltic Dios ya me xneelaj awu'unic. Te c'alal ya xc'axexe, ya me slajin te nacionetic ya ataic tey a, swenta yu'un ya me awich'beyic te slum-sq'uinalique. Ja' me ya xneelaj ta atojolic te Josué, melel ja' me jtsobwanej awu'unic, jich nix te bit'il la yalix te Cajwaltique.

Deuteronomio 3:21

“Te Josué la jpas ta mandal uuc, jich la calbey: “La me awil ta asit te bitic la spasbey te Cajwaltic te Dios cu'untique, ja' te bila la spasbeyix te cheb muc' ajwaliletique. Jich me te bit'il la spasbeyix, ja' ni me jich ya spasbey ta stojol te yantic ajwaliletic te banti ya to xc'axate.

Deuteronomio 31:14

Te Cajwaltic jich la yalbey te Moisés: —Melel nopolix te ya sta yorail te ya xlajate, ja' yu'un ya me awic' tel te Josué. Ya me xbaat achebal soc ta Nailpac' te banti ya quich' c'oponele, swenta yu'un ya me cac'bey yich' yat'el —xi' te Cajwaltique. Te Moisés soc Josué bajt'ic ta Nailpac' te banti ya yich' c'oponel te Cajwaltique.

Josué 1:17

Ya me jch'uuntic te ac'op jich bit'il la jch'uunbeytic sc'op Moisés. Ja' nax ya jc'antic te yacuc sjoinotic te Cajwaltic te Dios cu'untique, jich bit'il la sjoin Moisés.