Números 26:65 - Bible in Tzeltal de Oxchuc y Tenejapa

⁶⁵ melel te Cajwaltic la yalbey sc'oplal te ya xlajic jilel ta jochol taquin q'uinal. Ja' nax Caleb, te snich'an Jefone, soc Josué te snich'an Nun, te cuxul jilique, ma'yuc bay jtuluc jil te yantique.

Bible in Tzeltal Bachajón

⁶⁵ como te Jehová hich la yalbe sc'oblal: Ya me xchamic hilel ta jochol taquin q'uinal, xchi. Mayuc jtuhluc hil yu'unic, ha nax te Caleb snich'an Jefone, soc te Josué snich'an Nun.

Números 26:65 Referans Kwoze

Números 14:38

Spisilic lajic, ja' nax cuxulic jilel te Josué soc te Caleb.

Romanos 11:22

Awaiy bit'il ay yutsil yo'tan soc te bit'il ya yac' castigo te Diose. Jich la yac'beyix tulan castigo te mach'atic yalique. Ja'uc me to, te ja'exe ay bayal yutsil yo'tan awu'unic teme jc'axel ya x'ainex ta stojole. Yan teme ma ba la awich'ic ta muq'ue, ya me awich'ic bojel loq'uel uuc te ja'exe.

Números 14:35

Jo'on Ajwalilon, ya cal te jich ya jpasbey te lum te c'ax ma lecuc yo'tanic, te jun yac'oj sbaic ta scontroinbelonique. Li' ta jochol taquin q'uinal ya me xc'ot slajibal c'aal yu'unic, ya me xlajic jilel”, uta me —xi' te Cajwaltique.

Judas 1:5

Ya jc'an te yacuc xjul ta awo'tanic, manchuc teme ana'ojic stojol, te bit'il c'ot ta loq'uel ta namey te israeletique. Ja' bi, ja' te ac'otic ta lajel yu'un Cajwaltic te jich yipal ma la xch'uunique, manchuc teme la scoltay loq'uel tel ta banti sq'uinal Egipto.

Éxodo 12:37

Te israeletic loq'uic bael ta Ramsés, bajt'ic ta Sucot. Ta spisilic lajunwinic xcha'bajc' ta jmil (600,000) te winiquetic te staojix ya'wilalic ta soldadoile. Ma ba ajtaybil stuquel te antsetic soc te alaletique.

Números 14:26

Te Cajwaltic la sc'opon te Moisés soc Aarón, jich la yalbey:

Números 14:32

Te abaq'uetalic ya me xjilic ta jochol taquin q'uinal.

Números 27:3

—Te jtatic cu'untic laj ta jochol taquin q'uinal; ja'uc me to, ma'yuc ta swenta te jtsojp yu'un Coré te la stoy sbaic ta stojol te Cajwaltique. Laj ta scaj smul, ma'yuc queremetic jilel.

Números 34:19

Te winiquetic ya awiq'uique, ja'ic me in to: “Ta swenta sts'umbal Judá: ja' te Caleb snich'an Jefone.

Deuteronomio 1:36

Ja' nax ma jichuc sc'oplal cu'un stuquel te Caleb snich'an Jefone. Ja' nax me stuquel ya xju' ya cac'bey yil soc te patil alnich'anetic yu'une. Ya me xju' ya cac'bey yich'ic te q'uinal te la stec' ta yacan stuquel, swenta bit'il mero jun yo'tan la yac' sba ta jtojol jo'on te Yajwalone”, xi' te Cajwaltique.

Josué 5:4

La sbojbey loq'uel snujc'ulel sjol sbaq'uetalic, melel spisil te winiquetic te staojix lec ya'wilalic a, te loq'uic tel ta Egipto, lajiquix jilel ta be stuquelic ta bay muc'ul jochol taquin q'uinal.

Salmos 37:9

Melel te mach'atic amenic ya me yich'ic loq'uesel ta sq'uinalic, yan te mach'atic ja' ya smuc'ulin yo'tanic te Cajwaltique, ya me yu'uninic te q'uinal stuquelique.