Números 26:64 - Bible in Tzeltal de Oxchuc y Tenejapa

⁶⁴ Ta spisilic ma'yuquix tey a ni jtuluc te mach'atic la yich'ic aq'uel ta censo yu'un Moisés soc Aarón ta jochol taquin q'uinal Sinaí,

Bible in Tzeltal Bachajón

⁶⁴ Ta spisilic ini mayuc jtuhluc te ma ba la yich'ic ahtayel yu'un Moisés soc te sacerdote Aarón te c'alal la yahtayic te snich'nab Israel ta jochol taquin q'uinal Sinaí,

Números 26:64 Referans Kwoze

Hebreos 3:17

¿Soc mach'atic a te cha'winic ja'wil ilinem Dios ta stojolique? ¿Ma bal ja'uc te mach'atic la sta smulic soc te lajic jilel ta bay te muc'ul jochol taquin q'uinale?

1 Corintios 10:5

Ja'uc me to, te yantique, la spasic te bila ma lecuc yo'tan Dios yu'un. Jich lajic jilel tey a ta bay te jochol taquin q'uinale.

Números 14:29

Spisilic te mach'a muq'uic te ay jtab ya'wilal te ochemic ta censo te la sbolc'optayone, ya me xlajic. Te sbaq'uetalique ya xjilic ta jochol taquin q'uinal.

Números 14:32

Te abaq'uetalic ya me xjilic ta jochol taquin q'uinal.

Números 26:63

Jich c'ot ta loq'uel te censo yu'un te israeletic te la spas te Moisés soc te sacerdote Eleazar ta bay spamlej q'uinal yu'un Moab, ta sts'eel muc'ja' Jordán te ay ta jejch' ja' te lum Jericó.

Números 27:3

—Te jtatic cu'untic laj ta jochol taquin q'uinal; ja'uc me to, ma'yuc ta swenta te jtsojp yu'un Coré te la stoy sbaic ta stojol te Cajwaltique. Laj ta scaj smul, ma'yuc queremetic jilel.

Josué 5:4

La sbojbey loq'uel snujc'ulel sjol sbaq'uetalic, melel spisil te winiquetic te staojix lec ya'wilalic a, te loq'uic tel ta Egipto, lajiquix jilel ta be stuquelic ta bay muc'ul jochol taquin q'uinal.