Números 26:55 - Bible in Tzeltal de Oxchuc y Tenejapa

⁵⁵ Te ya yich' puquel te q'uinale, ya me yich' pasel snumeroil ta na'el, juju-jtul ya yich' sq'uinal chican te bit'il ay sts'umbal te state.

Bible in Tzeltal Bachajón

⁵⁵ Ya yich' puhquel te q'uinal ta scuenta spasel seña ta na'el. Jujutuhl ya yich' sq'uinalic ta scuenta sbihil te jchahp sna te sme'state.

Números 26:55 Referans Kwoze

Números 34:13

Te Moisés la spas ta mandal te israeletique: —Ja' me te lumq'uinal ya apucbey abaic ta swenta snumeroil ta na'el. Ja' te lumq'uinal te yaloj mandal Cajwaltic te ya yich'ic ac'beyel te balunchajp soc olil te ma ba staoj sq'uinalique.

Números 33:54

Ja'uc me to, ya me apucbey abaic te q'uinal ta swenta snumeroil ta na'el, ta chajbalchajp te ats'umbalique. Teme bayal ta jtul ay yu'un te jchajbe, muc' me sq'uinal ya yich' stuquelic, yan teme jteb naxe, jteb nax me ya yich'ic. Ta chajbalchajp te ats'umbale ya me yich'ic jich yipal q'uinal te ya yac' ta na'el te snumeroile.

Josué 14:2

Te bit'il la spuquic te q'uinale, la spasbeyic snumeroil ta na'el te banti ya xc'ot ta swentaic te q'uinal ta sbalunchajbal sts'umbal soc te olile, jich bit'il yaloj mandal Cajwaltic ta stojol Moisés te jich ya spase.

Josué 11:23

Jich me la yich' spisil q'uinal te Josué, jich nix c'ot spisil te bit'il yalojbey Cajwaltic ta stojol Moisés. Ta patil la spucbey ta chajbalchajp sts'umbal israeletic, swenta yu'un ya me yu'uninic ta jc'axel. Ta patil lamaj c'op ta spamal q'uinal.

Colosenses 1:12

Soc sbujts' awo'tanic ya me awalbeyic wocol ta stojol te Jtatic Diose. Ja' la xchapanotic swenta yu'un ya quich'tic te bila ya yac'botic te jayebotic te ch'ul lumotic yu'un Dios te ayotic ta bay te saquil q'uinale.

Hechos 1:26

Jich la spasbeyic snumeroil ta na'el te mach'a tsabil ya xc'ote. Ja' c'ot ta swenta te Matiase. Jich la sjoin ta ajtayel te buluchtul jpuc-c'opetique.

Proverbios 18:18

Te spasel snumeroil ta na'el ya yac' quejch'ajuc te c'opetique; ya yac'bey sq'uej sbaic te mach'atic scontroinej sbaique.

Proverbios 16:33

Ay mach'a ya spas número ta na'el; pero ja' ya yac' número te Cajwaltique.

Josué 19:40

Te sjuquebal buelta te la yich' puquel te q'uinale la yich' pasel snumeroil ta na'el, ja' c'ot ta swenta te jayeb ta jchajp sts'umbal Dan.

Josué 19:32

Te swaquebal buelta te la yich' puquel te q'uinale la yich' pasel snumeroil ta na'el, ja' c'ot ta swenta te jayeb ta jchajp sts'umbal Neftalí.

Josué 19:24

Te yo'ebal buelta te la yich' puquel te q'uinale la yich' pasel snumeroil ta na'el, ja' c'ot ta swenta te jayeb ta jchajp sts'umbal Aser.

Josué 19:17

Te xchanebal buelta te la yich' puquel te q'uinale la yich' pasel snumeroil ta na'el, ja' c'ot ta swenta te jayeb ta jchajp sts'umbal Isacar.

Josué 19:10

Te yoxebal buelta te la yich' puquel te q'uinale la yich' pasel snumeroil ta na'el, ja' c'ot ta swenta te jayeb ta jchajp sts'umbal Zabulón. Te smojonil bajt' c'alal ta Sarid,

Josué 19:1

Te xchebal buelta te la yich' puquel te q'uinal la yich' pasel snumeroil ta na'el, ja' c'ot ta swenta te jayeb ta jchajp sts'umbal Simeón. Te sq'uinal jil ta yutil sq'uinalic te sts'umbal Judá:

Josué 18:6

Te c'alal lajix ta p'isel a te jucsejpe, ya me yich'bonic tel te sc'oplale. Jich me ya jpasbey snumeroil ta na'el te bit'il ya yich' puquel ta stojol Cajwaltic te Dios cu'untique.

Josué 17:14

Te sts'umbal José jich la yalbeyic te Josué: —¿Bi yu'un te jsejp nax jq'uinaltic la awac'botic ta swenta snumeroil ta na'el te c'ot ta jwentatique? Melel te jo'otique bayalotic ta jyalel, yac'ojbotic bendición te Cajwaltique —xiic.

Números 26:56

Soc me snumeroil ta na'el te ya yich' puquel q'uinal, ta bay jchajp te bayal yajtalule, soc te bay peq'uel yajtalule —xi' te Cajwaltique.

Ezequiel 47:22

Ja' me te ya yich' aq'uel awu'uninic, soc nix te jyanlumetic nainemic ta awolilic, te ay yal-snich'nabique. Jichuc me ta awo'tanic te bit'il ayinemic ta Israel. Te c'alal ya apuquic te lumq'uinal ta stojol te sts'umbal Israel, ya me yich'ic uuc.

Números 36:2

—Tatic Moisés, la spasat ta mandal te Cajwaltic te ya apucbey israeletic ta snumeroil ta na'el te q'uinal ya xc'ot ta swentaic juju-jtul. Soc la yalbey sc'oplal te q'uinal ya xc'ot ta swenta te anima Zelofehad, te ja' pajal jbiiltic soc, te ya awac'bey te yantsil-nich'nabe.