Números 25:4 - Bible in Tzeltal de Oxchuc y Tenejapa

⁴ jich la yalbey te Moisés: —Tsoba spisil te jtsobwanejetic yu'un te lume, milaic ta jtojol ta comonsitil. Jich me ya xlamaj te quilimba ta stojol Israel —xi'.

Bible in Tzeltal Bachajón

⁴ Te Jehová hich la yalbe te Moisés: Tsoba spisil te príncipaletic yu'un te pueblo, johc'anlana ta te' ta c'ahc'alel ta stojol Jehová, hich ya xlahmaj a te yilimba Jehová ta stojol Israel, xchi.

Números 25:4 Referans Kwoze

Deuteronomio 13:17

“Ma me ayuc ya awich'ic jilel te bitic ayic ta swenta lajel, jich me ma'yuc bi ora ya x'ilin ta atojolic a te Cajwaltique. Ya me sna'beyex yo'bolil abaic, ya me yac' esmajuquex, jich nix te bit'il jc'axel yalojbey te antiguo ats'umbalique,

Deuteronomio 4:3

Ja'ex nix la awilic ta asitic te bila la spas te Cajwaltic ta Baal-peor. La awilic bit'il jc'axel la slajin ta awolilic spisil te mach'atic la xch'uunic te lotil dios yu'unique.

2 Samuel 21:6

ja' ya jc'antic juctul te patil alnich'an yu'une, swenta yu'un ya jijpanbeytic sbaq'uetalic ta stojol Cajwaltic ta lum Gabaa-yu'un-Saúl te tsabil yu'un Cajwaltique —xiic. —Jichuc, lec ay —xi' te muc' ajwalile. Jich la yac' ta c'abal.

Deuteronomio 21:23

ma me xju' ya xjil ta sjunal ajc'ubal tey a, puersa me ya yich' muquel ta yorail nix te bi c'aalil te la yich' milele. Melel mero boloben sc'oplal yu'un Dios te mach'a jip'il ta muc'ul te'e. Ma me xju' ya awac' te ma lecuc sc'oplal ya xc'ot te lumq'uinal ya yac'beyex awu'uninic te Cajwaltic te Dios cu'untique.

Números 25:11

—Te Finees la spasix te ya xlamaj te quilimba ta stojol te israeletic, melel toyol yo'tan jich bit'il toyol co'tan jo'on te bit'il jtuquel ayon ta ch'uunele. Ja' me swentail te ma ba la cac' ilinuc co'tan bayal, te jichuque jc'axel la jlajinix.

Jonás 3:9

Repente jich ya xlecub yo'tan cu'untic a te Diose, jich ma ba ya yac'otic ta lajel —xi' te ajwalile.

2 Samuel 21:9

La yac'bey ta sc'abic te gabaonetique. C'o sjijp'anic ta wits ta stojol Cajwaltic, jich pajal lajic sjuquebalic ta xjajch'ibal sc'aalelal ta stsobel cebada.

Josué 23:2

Te Josué la yic' tel spisil te israeletic soc te mamaletic yich'oj yat'elic yu'unic, te jwolwanejetic, te jchajbanwanejetic soc te mach'atic xan ay yat'elic, jich la yalbey: —Te jo'one mamalonix, bayalix te ca'wilale.

Josué 22:17

¿Yu'un bal ya acuy te ma muc'ul jmulticuc ta swenta Baal-peor te bolobenotic to yu'une, te ja' ta swenta te c'axem to xan lajic te lum yu'un te Cajwaltique?

Deuteronomio 13:15

ya me yich'ic milel ta puñal te yajwal lum, soc spisil chambalametic yu'unic, soc jc'axel me ya alajinic spisil te bitic ay tey a.

Deuteronomio 13:13

winiquetic tey a te xc'axintaybeyejic smandal te Diose, soc te ya yac'beyex jowejuc awo'tanic, te ya sujex ta xch'uunel yantic diosetic te ma x'ana'beyic sbae,

Números 25:18

Melel la slo'layex te la yac'beyex ach'uun te Baal-peor, soc te la yaq'uic tel te Cozbi te yantsil-nich'an te jtsobwanej yu'un te madianetic, te laj yu'un lowel ta lanza, ja' te bi c'aalil la cac' tel te tulan chamel yu'un te la xch'uunic te Baal-peor —xi'.

Éxodo 18:25

La stsa winiquetic ta bay p'ijic ta yolil te israeletique. La yac'bey ta swentaic ta tsojboltsojp ta jmil (1000), ta jo'winic (100), ta lajuneb yoxwinic (50) soc ta lajuntul.

Salmos 106:29

Te bit'il amen yat'elic la sjachbeyic yilimba a te Diose, jich pujc' tel tulan chamel swenta lajel ta stojolic.

Deuteronomio 13:11

Teme jich ya yich' pasele, spisil me ya yilic te israeletique, ya me xtal xiwel ta yo'tanic, jich me ma ba ya spasiquix yan buelta te bila amen la spasique.

Deuteronomio 21:22

“Teme ay mach'a c'ot ta swenta milel ta scaj te ay bila amen la spase, soc te jijp'anot ta muc'ul te' te lajem sbaq'uetale,