Números 25:3 - Bible in Tzeltal de Oxchuc y Tenejapa

³ Jich la yac' sbaic ta xch'uunel te Baal-peor. Jich yu'un te Cajwaltic til jajch'el sc'ajc'al yo'tan ta stojol te lum Israel,

Bible in Tzeltal Bachajón

³ Hich te pueblo la sjoquinic ta sch'uhuntayel te Baal-peor. Tihl hahchel yilimba Jehová yu'un ta stojol Israel.

Números 25:3 Referans Kwoze

Oseas 9:10

Ya yal te Cajwaltique: —C'alal la jta Israel, bin nax co'tan yu'un, jich bit'il mach'a ya sta ts'usub ta jochol taq'uin q'uinal. Te antiguo ame'-atatic jich c'otic ta jsit te bit'il sabal sit higuera. Ja'uc me to, c'alal c'otic ta bay Baal-Peor la yac' sbaic ta abatinel yu'un te lotil diosetique. La yac' sbaic ta ilayel cu'un, pajal la quilay soc te yajcanan te c'ux ta yo'tanique.

Josué 22:17

¿Yu'un bal ya acuy te ma muc'ul jmulticuc ta swenta Baal-peor te bolobenotic to yu'une, te ja' ta swenta te c'axem to xan lajic te lum yu'un te Cajwaltique?

Jeremías 17:4

Ya me awijq'uitay aq'uinal, te jich la cac'bat ta mero awu'une; soc ya cac' smozoinat acontrotac ta bay q'uinal te bay ma x'ana'bey sbae. Melel la atilesbonix c'oem te quilimba jich te bit'il c'ajc' te ya xchic'at ta jc'axele —xi' te Cajwaltique.

Salmos 90:11

¿Mach'a ya sna'bey sba te yip te awilimbae? ¿Mach'a ya sna'bey sba te sc'ajc'al awo'tane?

Jueces 2:20

Ja' swentail te ilin yo'tan Cajwaltic ta stojol Israel. Jich la yal: “Te lume, ma xyich'ic ta muc' te trato jchapoj soc te antiguo sme'-statique, soc ma sc'an xch'uunbonic te jc'ope.

Jueces 2:14

Ja' swentail te ilin Cajwaltic ta stojol Israel. Jich la yac' taluc j'eleq'uetic te tal spojbeyic te bitic ay yu'unique. Te scontroic te ayic ta sjoyobal, tsalotic yu'un, xujt' ma ju' yu'unic te ya stsal sbaic soque.

Números 25:5

Te Moisés jich la yalbey te juecetic yu'un Israel: —Ta juju-jtul te ja'exe, ya me amilic te winiquetic te pajal ats'umbal soc ta juju-jchajp, te la yac' sbaic ta xch'uunel te Baal-peor —xi'.

Números 31:16

Melel ja'ic la xch'uunbeyic sc'op te Balaam. Jich la yac'bey scontroin Cajwaltic te israeletic, te ba yich'ic ta muc' te Baal-peor. Ja' swentail te Cajwaltic la yac'bey castigo ta swenta tulan chamel te lum yu'une.

Jueces 2:11

Te israeletic la spasic bi amen ta sit te Cajwaltic, ja' te bit'il jajch'ic ta xch'uunel loc'ombaetic yu'un Baal.

Jueces 2:13

La yijq'uitayic ta yo'tanic ta scaj xch'uunel te Baal, soc te jayeb ta jchajp loc'ombaetic yu'un te Astarté te antsil-diose.

Oseas 4:14

Ja'uc me to, ma ba ya cac'bey castigo te awantsil-nich'nabic te yac'oj sbaic ta jmulawil ants, ni ja'uc te awalibic te ya yaiyic mulweje. Melel te ja'exe ya xbaex soc te jmulawil antsetique; ya ajoin ta yaq'uel milbil majt'anil te jich ya ach'uunic awajcananique. Jich ya xch'ay bael te lum te ma'yuc bi ya sna'e.