Números 25:2 - Bible in Tzeltal de Oxchuc y Tenejapa

² melel ic'otic bael ta swe'el te milbil majt'anil la yac'beyic te lotil diosetic yu'unique. Te israeletic jich ochic ta we'el, soc la squejan sbaic ta stojol te diosetic yu'un te moabetique.

Bible in Tzeltal Bachajón

² te ha ic'otic bahel yu'unic ta banti ya yich' a'beyel milbil smahtan te diosetic yu'unique. We'ic te israeletic soc la squejan sbahic ta stojol te diosetic yu'unique.

Números 25:2 Referans Kwoze

1 Corintios 10:20

Jamal ya calbeyex awaiyic: C'alal ya yac'beyic smajt'an te loc'ombaetic te jyanlumetique, ja' ya smajt'antesic a te pucujetique, ma ja'uc te Diose. Ja' ma jc'an te jun ya xc'oex soc te pucujetique.

Éxodo 20:5

Ma me xaquejan aba ta stojolic, ma me xach'uunic. Melel jo'on Ajwalilon te Dioson awu'une. Jo'on Dioson te jc'axel ma jmulan teme ya ale yantic diosetic awu'un. Ya cac'bey castigo yu'un smulic te me'il-tatiletic ya yilayonique, soc te snich'nabic ta yoxcajal soc ta xchancajal.

Oseas 9:10

Ya yal te Cajwaltique: —C'alal la jta Israel, bin nax co'tan yu'un, jich bit'il mach'a ya sta ts'usub ta jochol taq'uin q'uinal. Te antiguo ame'-atatic jich c'otic ta jsit te bit'il sabal sit higuera. Ja'uc me to, c'alal c'otic ta bay Baal-Peor la yac' sbaic ta abatinel yu'un te lotil diosetique. La yac' sbaic ta ilayel cu'un, pajal la quilay soc te yajcanan te c'ux ta yo'tanique.

Salmos 106:28

La yac' sbaic ta mosoinel yu'un te lotil dios Baal-peor; la sti'beyic te milbil smajt'an ti'bal diosetic te ma cuxuluque.

Josué 22:17

¿Yu'un bal ya acuy te ma muc'ul jmulticuc ta swenta Baal-peor te bolobenotic to yu'une, te ja' ta swenta te c'axem to xan lajic te lum yu'un te Cajwaltique?

Apocalipsis 2:14

Ja'uc me to, ay nax amul jtebuc ta jtojol. Ja' te bit'il awic'oj ta atojolic te mach'atic xch'uunejic te nopjibal yu'un te Balaame, te la yac'bey snop Balac te bit'il la yac' yaluc te israeletic ta sti'el te milbil smajt'an loc'ombaetic te tey ochic ta spasel a te mulweje.

1 Reyes 19:18

Ja'uc me to, ya calbat in to: ay to jucmil (7,000) ta jtul ta Israel te ma ba squejanej sbaic ta stojol Baal soc te ma'yuc sbujts'iyejique. Ja'ic ya me yich'ic canantayel cu'un —xi'.

Josué 23:16

teme ma x'ac'otesic ta pasel te trato te la xchap ta atojolique. Teme ya xbaex ta xch'uunel yantic diosetic, soc teme ya xba aquejan abaic ta stojol, ya me x'ilin ta atojolic te Cajwaltique, jich me ora ya slajinex ta q'uinal ta bay mero lec te la yac'beyexe —xi' te Josué.

Josué 23:7

Ma me xacap abaic soc te yantic te ayic ta awolilique. Ma me xaquejan abaic ta stojol te diosetic yu'unic, ni ma me xach'uunbeyic smandalic, ni ma me xloc' ta aweic yalel sbiilic te lotil diosetic. Ma me bi xachap ta stojolic.

Deuteronomio 32:38

Ja' te la slo'beyex te xepuil te milbil majt'aniletic awu'unic, soc te la yuch' a te vino la awac'beyique? ¡Ac'a me ochuc scoltayex! ¡Ac'a me tal scanantayex!

Éxodo 23:24

Ma me xac'ainbey stalelic. Ma me xaquejan abaic ta stojol te diosetic yu'unique, ma me xach'uunic. Ya me ajin ta spisil te loc'ombaetic yu'unic soc te ch'ul balal tonetic tejc'ajtic yu'unique.

Éxodo 22:20

“Te mach'a ya yac'bey milbil smajt'an lotil dios, teme ma ja'uc ya yac'bey stuquel te Cajwaltique, jc'axel me ya yich' chajbanel sc'oplal ta milel.

Éxodo 32:6

Jich yu'un ta yan c'aal sab jajch'ic ta yac'beyel milbil smajt'an te scojt'ol ya yich' chiq'uele, soc xan yan milbil smajt'an te swenta seña te lamal-o'tanile. Te lume la snajc'an sbaic ta we'el ta uch'el, soc jajch' spasic q'uin.

Jeremías 40:11

Jich nix te judioetic te ayic ta Moab, Amón, Edom soc te yantic nacionetique, la yaiyic stojol te la sc'an yo'tan te muc' ajwalil yu'un Babilonia te ay judioetic te la yac' xan jilel ta sq'uinalic, soc te ja' ac'ot jilel ta ajwalil yu'unic te Gedaliase.

Miqueas 6:5

Lum cu'un, na'a me yo'tic te bitic chapal ta yo'tan te Balac te muc' ajwalil yu'un Moab, soc te bila sujt'ib sc'op la yac' te Balaam snich'an Beor. Na'a me c'alal ayat ta Sitim te c'axat bael ta Gilgal, soc na'a ta lec te la caiy tsalaw ta bayuc —xi' te Cajwaltique.