Números 25:18 - Bible in Tzeltal de Oxchuc y Tenejapa

¹⁸ Melel la slo'layex te la yac'beyex ach'uun te Baal-peor, soc te la yaq'uic tel te Cozbi te yantsil-nich'an te jtsobwanej yu'un te madianetic, te laj yu'un lowel ta lanza, ja' te bi c'aalil la cac' tel te tulan chamel yu'un te la xch'uunic te Baal-peor —xi'.

Bible in Tzeltal Bachajón

¹⁸ te bin ut'il la ya'beyex awocolic yu'un te la slo'loyex ta scuenta Baal-peor, soc ta scuenta Cozbi te yantsil-nich'an te príncipal yu'un Madián, ha te yantsilelic, te laj ta milel ta yorahil te jmilawal-chamel te tal ta scuenta Baal-peor.

Números 25:18 Referans Kwoze

Apocalipsis 2:14

Ja'uc me to, ay nax amul jtebuc ta jtojol. Ja' te bit'il awic'oj ta atojolic te mach'atic xch'uunejic te nopjibal yu'un te Balaame, te la yac'bey snop Balac te bit'il la yac' yaluc te israeletic ta sti'el te milbil smajt'an loc'ombaetic te tey ochic ta spasel a te mulweje.

2 Pedro 2:18

Melel puro toyba c'op sti'inejic te ma'yuc stuul xujt'uque. Ja' ya xlo'laywanic a te sbic'tal yo'tanique soc te bila ya smulan spasel te sbaq'uetalique. Jich ya xchijtesbeyic yo'tanic te mach'atic colelic to loq'uel tey a ta yolil te mach'atic jowejemic ta q'uinale.

2 Corintios 11:3

Ja'uc me to, ya xiw co'tan teme ay mach'a ya slo'layex, jich te bit'il laj ta lo'layel yu'un sp'ijil sc'op chan te Evae. Ya jxi' teme ay bit'il ya xyanaj awo'tanic, soc te jich ma junuquix awo'tanic ta stojol te Cristoe.

Éxodo 32:35

Te Cajwaltic la sticun tel tulan chamel ta stojol te lume, ta scaj te la xch'uunic te sloc'omba alal toro te la spasbey Aarón.

Éxodo 32:21

Te Moisés la yalbey te Aarón: —¿Bi la apas soc te lume? Mero muc' mulil la apas soc —la yut.

Génesis 26:10

La yal te Abimelec: —¿Bi yu'un te jich la apasbotique? Ja' wocol te ayuc mach'a way soc te awiname, jich la jta jmultic awu'un te jichuque —xi'.

Génesis 3:13

Jich yu'un te Cajwaltic Dios la sjojc'obey te antse: —¿Bi yu'un jich la apas? —xi'. La yal te antse: —Ja' la slo'layon te chane, jich la jlo' te sit te'e —xi'.

Números 25:15

Te madián antse, Cozbi sbiil, ja' yantsil-nich'an Zur te ja' jtsobwanej yu'un te jchajp sts'umbal Madián.

Números 25:17

—Ac'beyaic guerra spisil ora te madianetic, tsalaic ta jyalel.

Números 26:1

Ta patil te bit'il c'axix bael te tulan chamel te la yac' lajele, te Cajwaltic jich la yalbey te Moisés soc te Eleazar, te snich'an anima sacerdote Aarón:

1 Reyes 11:18

Loq'uic jajch'el ta Madián, c'otic ta Parán, tey la sta winiquetic a te la sjoin sba soque. C'otic ta Egipto. C'alal c'otic ta Egipto, c'o sc'oponic te faraón te muc' ajwalil yu'un Egipto, ac'botic na soc ac'bot swe'elic soc q'uebanbotic q'uinal yu'un.