Números 25:13 - Bible in Tzeltal de Oxchuc y Tenejapa

¹³ ja' me te ya cac'bey ta swenta soc sts'umbal te at'el ta sacerdoteil ta sbajt'el q'uinal. Melel bayal jc'oplal ta yo'tan, jich la stabey perdón te israeletic —xi' te Cajwaltique.

Bible in Tzeltal Bachajón

¹³ Ha yu'un ya xc'oht soc sts'umbal te chapbil-c'op scuenta sacerdotehil te ma xlaj sc'oblal, ta scaj te xut'et yo'tan yu'un te Dios yu'un, soc te la yac' te stojel mulil yu'un te snich'nab Israel, xchi sc'oblal.

Números 25:13 Referans Kwoze

Hebreos 2:17

Ja' swentail te puersa pajal c'ot soc te yermanotaque. Jich muc' sacerdote c'ot ta stojol Dios te jun yo'tane soc te ay xc'uxul yo'tane. Jich me ya staic perdón yu'un smulic spisil ants-winiquetic ta swenta te bit'il la yac' sba ta lajel yu'unique.

1 Pedro 2:5

In te ja'exe, jichex uuc te bit'il cuxul tonetique. Ac'a me abaic ta ts'ajc'uyel ta na ta swenta te Espiritue. Jich me ch'ul sacerdoteex yu'un Dios ya xc'oex te ya awac'beyic milbil majt'anil ta swenta Espíritu te lec yo'tan Dios yu'un ta swenta te Jesucristoe.

Jeremías 33:22

Soc te sts'umbal te cabat David soc te yantic abatetic cu'une, ja' te mach'atic sts'umbal Leví, ya me quesmantesbey yajtalul, jich bit'il eq'uetic ta ch'ulchan soc jich bit'il sji'al mar, te ma'yuc mach'a ya xju' yu'un yajtayele —xi' te Cajwaltique.

Jeremías 33:18

soc ma spas falta te ay sacerdoteetic te sts'umbal Leví te spisil c'aal ya yac'bon chic'bil majt'anil ta scojt'ol, ya xchic'bonic jmajt'anin harina ta swenta quich'el ta muc', soc ya yat'elin spasel yantic milbil majt'anil ta jtojol —xi' te Cajwaltique.

Salmos 106:31

Te Dios la yich'bey ta wenta ta cajalcaj bael ta spisil ora te bila toj la spase.

Éxodo 40:15

Balanbeya aceite ta sjolic, jich bit'il ya apasbey te Aarón swenta yu'un sacerdoteetic me ya xc'ot cu'un. Te bit'il jich ya yich'ic ac'beyel aceite ta sjolic, ja' me te jich ma xch'ay te at'el sbajt'el q'uinal te ay sacerdoteetic cu'une —xi' te Cajwaltique.

Apocalipsis 1:6

soc la yac'otiquix ta ajwalil soc ta sacerdoteil te jich ya yabatinotic te Diose, ja' te Stat te Jesucristoe. Jelawenuc me yutsilal soc ayuc me tulan yat'el sbajt'el q'uinal stuquel. Jichuc.

1 Juan 2:2

Te Jesucristo la yac' sba ta milbil smajt'an Dios swenta yu'un la spasbotic perdón yu'un te jmultique. Ja'uc me to, ma jtuquelticuc nax, soc spisil uuc te ants-winiquetique.

1 Pedro 2:9

Yan te ja'exe, tsabilex yu'un Dios soc te lum yu'une. Sacerdoteex yu'un te Muc' Ajwalile. Ch'ul muc'ul lumex soc manbilex yu'un te Diose, swenta yu'un ya me apuquic ta alel te jchajp at'eliletic spasoj te Diose te bit'il la yiq'uex loq'uel tel ta bay te ijc' q'uinale soc te la yiq'uex ochel ta bay te saquil q'uinal te jelawen yutsile.

Hebreos 7:11

Te lum Israele ac'bot yich'ic te mandalil ta swenta te sacerdoteetic yu'un Leví te ja' sts'umbal te Aarone. Ja'uc me to, ma ba ju' yu'unic yutstesel ta jc'axel a te mach'a la xch'uunic te mandalile. Ja' swentail te puersa chicnaj yan sacerdote te ma ja'uc sts'umbal te sacerdote Aarone. In te yane ja' te mach'a sts'umbal te Melquisedeque.

San Juan 2:17

Te jnopojeletique jul ta yo'tanic te bit'il jich ts'ibubil jilele: “Mero ya xlajon ya caiy yu'un te bayal sc'oplal ta co'tan te anae”, te xie.

Isaías 61:6

Ya me yich' alel te sacerdoteex yu'un te Cajwaltique; soc ya me yich' alel te yabatex te Dios cu'untique. Ya me awaiybeyic lec yutsilal sc'ulejal te yantic nacionetique; ya me ach'al abaic soc te xojobil yutsilalique.

Salmos 69:9

Ya xlajon ya caiy yu'un te bayal sc'oplal ta co'tan te anae; jo'on yac ta c'oel ta jtojol te bolc'optayel ta awenta yu'un te mach'atic ya yutate.

1 Reyes 19:14

La sjac': —Mero bayal ac'oplal ya caiy ta co'tan, Cajwal te Diosat te Spisil ya xju' awu'une. Melel te jlumal israeletic la xch'ayix ta yo'tanic te bila chapal awu'un soque. La sbusq'uiniquix ta jinel te scajtijib ta chiq'uel amajt'ane, soc la smiliquix ta puñal te j'alwanejetic awu'une. Jtuquel xanix jilemon, pero ya sleonic yu'un ya smilonic uuc —xi'.

1 Reyes 19:10

La sjac' te Elías: —Mero bayal ac'oplal ya caiy ta co'tan, Cajwal Dios te Spisil ya xju' awu'une. Melel te jlumal israeletic la xch'ayix ta yo'tanic te bila achapoj soque. La sbusq'uiniquix ta jinel te scajtijib amajt'an te banti ya yich' chiq'uele, soc la smilic ta puñal te j'alwanejetic awu'une. Jtuquel xanix jilemon, pero ya sleonic yu'un ya slajinbonic jcuxlejal uuc —xi' te Elías.

2 Samuel 21:3

Jojc'obotic yu'un te David: —¿Bi ya jpas ta awentaic? ¿Bitic lec ya ac'anic te ya jpasbeyex swenta spacol te bi amen la awich'ic pasele, te jich ya xlecub sc'oplal awu'unic a te lum yu'un te Cajwaltique? —xi' te David.

1 Samuel 2:30

Te bit'il jich yaloj te Cajwaltic, te Dios cu'untic te israelotic, te ya apasbey yat'el spisil ora ja'at soc te mach'atic ay awu'une, yo'tic ya yal ta jamal: “Ma'yuc bi ora jich ya xc'otix ta pasel. Te mach'a ya yich'on ta muq'ue, ya me quich' ta wenta; te mach'a ma'yuc jc'oplal ta yo'tan, jc'axel ma'yuc swentail ya xc'ot cu'un. Jo'on Ajwalilon jich caloj.

Josué 7:12

Ja' swentail te ma xju' yu'unic stsalel te scontroic te alumale, ya me xloq'uic ta anel ta stojolic. Ta ora to ja' ya sc'an te ya yich' milel spisil te alumal Israel te jichuque. Teme ma ba ya ajinic ta ora te bi la calbey sc'oplal ta jinele, jich ma xtal joinex xan.

Números 16:46

te Moisés, jich la yalbey Aarón: —Ich'a tel te xchic'jibal apom, ac'beya ac'al yu'un te scajtijib majt'anile, ac'beya ochel pom. Baan me ta bay te lum, soc c'anbeya perdón Dios ta stojolic, melel tilemix te yilimba Cajwaltic soc jajch'emix te tulan chamel ya yac' lajel —xi'.

Éxodo 32:30

Ta yan c'aal te Moisés jich la yalbey te lume: —Te ja'exe mero muc' mulil la apasic. Jich yu'un ta ora to ya me xmoon bael ta stojol te Cajwaltique. Ya quil teme ya jta te ya spasbeyex perdón —xi'.

Salmos 119:139

Ya xlajon ya caiy yu'un te bayal sc'oplal ta co'tan te ac'ope; yan te jcontrotac la xch'ayix ta yo'tanic.

1 Reyes 2:27

Jich la sloq'ues ta sacerdoteil ta stojol Cajwaltic te Abiatar te Salomón. Jich c'ot ta pasel a te bi la yal Cajwaltic ta Silo, ja' te sc'oplal te mach'atic ay yu'un te Elí.

Éxodo 29:9

Te Aarón soc snich'nab ya me achucbey xch'ujt'ic, soc ya me awac'bey sbejch'il pac' ta sjolic. Jich me ya awac'bey yich' yat'elic ta sacerdoteil. Ja' me jmandal sbajt'el q'uinal.

Números 16:47

Te Aarón la spas te bila albot yu'un Moisés. Bajt' ta animal ta bay stsoboj sbaic te lume. Te tulan chamel te ticunbilix tel yu'un te Diose, yaquix ta yaq'uel lajel ta stojol te lume. Jich yu'un te Aarón la yac' ochel pom, soc la sc'anbey perdón Dios ta stojol te lume.

Números 25:14

Te jtul israel-winic te c'asesbot lanza ta xch'ujt'ic soc te madián antse, Zimri sbiil. Ja' snich'an Salu, ja' jtsobwanej yu'un jchajp sts'umbal Simeón.

Nehemías 13:29

Ya cal ta stojol Dios: —Dios cu'un, na'a me te mach'a la yixlanix te sacerdoteile soc te c'op chapal swenta sacerdote-winic soc te levita-winique —xoon.

Malaquías 2:8

“Yan te ja'ex sacerdoteetic, la awijq'uitayiquix jilel te lequil be. Ay bila yaquex ta yaq'uel ta nopel te bayal yaliquix yu'une. Jich la ach'ayboniquix sc'oplal te trato cu'un soc Leví.

Levítico 15:15

Te sacerdote ya me yac' jcojt' swenta milbil majt'anil yu'un mulil, te yane swenta majt'anil te scojt'ol ya yich' chiq'uele. Jich me ya spas ta stojol Cajwaltic ta swenta slecubtesel sc'oplal te winic ay bila mal yu'un ta sbaq'uetale.

Números 17:12

ja'uc me to te israeletic jich la yalbeyic te Moisés: —¡Ch'ayemotiquix ta jyalel! ¡Jpisiltic ya xlajotic!