Números 25:11 - Bible in Tzeltal de Oxchuc y Tenejapa

¹¹ —Te Finees la spasix te ya xlamaj te quilimba ta stojol te israeletic, melel toyol yo'tan jich bit'il toyol co'tan jo'on te bit'il jtuquel ayon ta ch'uunele. Ja' me swentail te ma ba la cac' ilinuc co'tan bayal, te jichuque jc'axel la jlajinix.

Bible in Tzeltal Bachajón

¹¹ Te Finees snich'an Eleazar, te snich'an te sacerdote Aarón, la yac' quehchajuc te quilimba ta stojol te snich'nab Israel, yu'un la yac' ta ilel ta stojolic te xut'et yo'tan te hich nix ay te bin ut'il te xut'et co'tan; ha scuentahil te ma ba jc'axel la jlajin te snich'nab Israel ta scuenta te xut'et co'tan.

Números 25:11 Referans Kwoze

Salmos 78:58

La yaq'uic ilinuc yu'un te Diose, te bajt'ic ta banti ay scajtijib ta chiq'uel milbil smajt'an te lotil diosetique; la xch'uunic loc'ombaetic, jich la yaq'uic ilinuc.

Deuteronomio 32:21

La yac'bonic bolobuc co'tan ta stojolic, ta scaj te la sdiosinic te bila ma diosuque, la yaq'uic ilinucon ta stojolic yu'un te loc'ombaetic yu'unique. Ja' yu'un ya me jachbey yo'tanic ta swenta jyanlumetic, ja' te mach'atic ma lumuque, ya me cac' ilinuc yo'tanic ta swenta jpam lum te ma'yuc bila ya xc'ot ta yo'tanique.

Deuteronomio 32:16

La spasbeyic te bila amen ta sit te Diose, la sjachbeyic yilimba, melel la xch'uunic loc'ombaetic ilaybil sba.

2 Corintios 11:2

Bayal sc'oplal ta co'tan te manchuc ya xyanaj awo'tanic, jich te bit'il ay yo'tan ta atojolic uuc te Diose. Melel la cac' smacatix c'oem te jtul amamlale. Jich bayal sc'oplal ta co'tan te ma'yuc amul te ya cac'at ta sc'ab te Cristoe.

1 Corintios 10:22

¿Yu'un bal ya jc'antic te ya cac'tic ilinuc yo'tan te Cajwaltique? ¿Yu'un bal ja' cajalotic yu'un a te Diose?

Sofonías 3:8

Jich yu'un, maliyawonic te bi c'aalil ya xtejc'ajon ta c'op ta controinbelat. Jo'on Ajwalilon tulan ya cal: Jnopoj ta co'tan ya jtsob te nacionetic soc te muc' ajwaliletique swenta yu'un ya cac'bey ta stojolic te quilimba, ja' te quilimba te yac ta tilele. Spisil lumq'uinal ya me yich' jinel ta scaj te sc'ajc'al co'tane.

Sofonías 1:18

Ta sc'aalelal yilimba te Cajwaltique, te ants-winiquetic ma xcoltayotic yu'un te plata soc te oro yu'unique. Melel te sc'aal yilimba Cajwaltic ya xlilaj ta c'ajq'uel yu'un spisil te lumq'uinale. Spisilic te mach'atic ayic ta balumilal ajc' nax ya yich'ic jinel ta jyalel.

1 Reyes 14:22

Pero te yat'el Roboam, ma lecuc ta sit Cajwaltic. C'ax jich ilin yu'un a te bit'il ilin yu'un smulic te antiguo sme'-state.

Éxodo 20:5

Ma me xaquejan aba ta stojolic, ma me xach'uunic. Melel jo'on Ajwalilon te Dioson awu'une. Jo'on Dioson te jc'axel ma jmulan teme ya ale yantic diosetic awu'un. Ya cac'bey castigo yu'un smulic te me'il-tatiletic ya yilayonique, soc te snich'nabic ta yoxcajal soc ta xchancajal.

San Juan 3:36

Te mach'a ya xch'uun te Nich'anile, ya me xcuxin sbajt'el q'uinal. Te mach'a ma sc'an xch'uun te Nich'anile, ma xyil te cuxinele. Ja' nax quechel yilimba Dios ta stojolic.

Nahúm 1:2

Te Cajwaltic, ja' te Dios te ma smulan teme ay bila yan ya jch'uuntique, ya me sujt'esbey ta swenta te j'uts'inwanejetique. Ya me yac'bey spacol te mach'atic ya stoy sba ta stojole; ya me yilintay te scontrotaque.

Ezequiel 16:38

Ya me cac'bat atoj te bila amulineje, ja' te mulweje, soc te milawe. Soc quilimba ya cac'at ta lajel, ta scaj te ma junuc awo'tan la awac' aba ta jtojole.

Salmos 106:30

Ja'uc me to, te Finees la stejc'an sba ta smilel te mach'atic ay smul, jich la scom sba te tulan chamele.

Salmos 106:23

Te Dios la yalbey sc'oplal ta lajinel ta jc'axel; ja'uc me to, te Moisés te tsabil yu'une, c'opoj yu'unic. Jich lamaj bael sc'ajc'al yo'tan te Diose; ma ba la slajin ta jc'axel te lume.

2 Samuel 21:14

La smucbeyic te sbaquelic Saúl soc Jonatán ta smuquenal Cis, te stat Saúl, ta lum Zela ta sq'uinal Benjamín. Spisil jich la yich' pasel te bit'il la yal mandal te muc' ajwalile. Patil te c'alal jich c'otix ta pasel a, Dios la sna'bey yo'bolil sba te slum-sq'uinalique.

Josué 24:19

Ja'uc me to, te Josué la yalbey: —Te ja'exe ma xju' awu'unic te ya awac' abaic ta abatinel ta stojol te Cajwaltic, melel ch'ul Dios stuquel. Soc ma ba ya smulan te ya ale yantic diosetic. Ma ba ya sts'icbeyex te atoybailic soc te amulique.

Deuteronomio 29:20

Te Cajwaltic ma me ja'uc ya xbajt' ta yo'tan pasulayel-perdón, ja' nax me ya yac'bey tel te yilimba ta stojol te mach'a jich ya yale. Ya me xc'ot ta swenta te bitic castigo albilix sc'oplal ta libro in to. Te Cajwaltic ya me stup'bey sts'umbal ta jc'axel ta lumq'uinal.

Deuteronomio 4:24

melel te Cajwaltic Dios cu'untique jc'axel ma smulan teme ay mach'a yan ya xbajt' awo'tanic ta stojole. ¡Te Diose jich c'oem te bit'il c'ajc' te spisil ya xchiq'ue!

Éxodo 34:14

“Ma me xach'uunic yantic diosetic, melel jo'on Ajwalilon, mero ma sc'an co'tan. Jich ay te jbiile: “Jo'on Dioson te ya x'ilinon yu'un teme q'uejel ya xbajt' yo'tan te lum cu'une”, te xie. Jich c'oem te jbiile.

Éxodo 22:5

“Teme ay mach'a ya scoltay bael xchamsbalam te ya xba yac'bey sle swe'ele, teme bajt' ta yan awalts'unubil, ya me yac'bey sjelolin te bay mero lec sit te yu'une. Ja' nix me jich teme ja' te ts'usubiltique.

Números 25:10

Jich yu'un te Cajwaltic la sc'opon te Moisés, jich la yalbey:

Josué 22:13

Ja'uc me to, neel la sticunic bael te Finees te snich'an sacerdote Eleazar, swenta yu'un ya xbajt' ta Galaad ta bay ayic te sts'umbal Rubén, Gad soc te olil sts'umbal Manasés.

Salmos 106:31

Te Dios la yich'bey ta wenta ta cajalcaj bael ta spisil ora te bila toj la spase.