Números 24:8 - Bible in Tzeltal de Oxchuc y Tenejapa

⁸ Ja' te Dios te loq'uesotic tel yu'un ta Egipto, jich c'oem yu'unic te bit'il yip xulub ja'mal toro. Te Israel ya sbic' c'oem te nacionetique, ja' te scontroique. Ya sc'asbey sbaquelic, ya yejch'entes ta yat'ejibal st'imic.

Bible in Tzeltal Bachajón

⁸ Dios la sloq'ues tal ta Egipto; hich yipic te bin ut'il yip ha'mal toro. Ya sti'ticlan te nacionetic te ya xcontrahinot yu'un, ya swac'ticlambe sbaquel, tamp'as ya sohlteslambe te ya'tejibal st'ihmalte'.

Números 24:8 Referans Kwoze

Salmos 45:5

Te lumetic ya xyalic ta yanil awacan, ja'at te ajwalilat cu'un. Buen jay sni' te yat'ejibal at'imalte', ya me sts'ap sba ta yo'tanic te acontroe.

Jeremías 50:17

“Te Israel jich c'oem te bit'il chij te ch'ayeme, te nutsbil ta jyalel yu'un te león-chojetique. Ta sbabial ja' la sti'bey sbaq'uetal c'oem te muc' ajwalil yu'un Asiria; ta patil te muc' ajwalil yu'un Babilonia, ja' la snulbeyix ta c'uxel c'oem te sbaquele.

Salmos 2:9

Ta swenta te abastón pasbil ta hierro ya me alajinbey yat'elic a te lumetique; ts'ubiltic me ya xjilic ta wuyel awu'un jichuc pac'bil oxom”, xi' me te Diose.

Números 23:24

Ja' in lum to ya xwilic jajch'el, jich ya xiwteswanic te bit'il león-choj; ma ba ya xcux yo'tanic ja' to teme ju' yu'un slajinel te bila stsacoje, ja' to teme ju' yu'un yuch'el xch'ich'el te bila lajem yu'une —xi' ta yalel te Balaam.

Números 23:22

Ja' te Dios te loq'uesotic tel yu'un ta Egipto, jich c'oem yu'unic te bit'il yip xulub ja'mal toro.

Números 14:9

Ja'uc me to, ma me xatoy abaic ta stojol te Cajwaltic, soc ma me xiwex yu'un te yajwal q'uinale, melel te jo'otic ya me jlajintic jich bit'il ya jlajintic te jwe'eltique. Ma me ayuc mach'a ya xc'opoj yu'un stuquelic, yan te jo'otic ay ta coliltic te Cajwaltique. Ma me ayuc xiwel ta awo'tanic —xiic.

Jeremías 50:9

Melel ya me cac'bey spas te jtsojp tulanil lumetic ta norte te ya yac'bey guerra Babilonia, te c'alal ya sta yoraile. Ya me xchol sbaic ta guerra soc ya me stsalic. Mero p'ijic ta guerra, te ya st'imuy te st'imique, toj ya xc'ot tey a.

Isaías 38:13

Ya x'awunon yu'un xc'uxul sjunal ajc'ubal, jich c'oem te bit'il león-choj yac ta sc'asbelon te jbaquele. Ta c'aal ajc'ubal ya awac'bon c'axuc jwocol.

Daniel 6:24

Ja' nix ta yorail a, te muc' ajwalil la sticun ta iq'uel te winiquetic la slebeyic smul te Daniel. Te winiquetic, ta spisil soc yinamic soc yal-snich'nabic, la yich'ic ch'ojel ochel ta xch'en león-chojetic. Ma to ba staojic c'oel a, wilic tel ta stojolic te león-chojetique, jich ti'otic ta ora yu'un.

Salmos 21:12

Te ja'ate ja' nax me ya awac' x'anic loq'uel ta atojol; ya me atojlin bael ta t'imuyel ta stojolic.

Deuteronomio 32:42

Ya me cajts'es ta ch'ich' te yat'ejibal jt'imalte', ja' me ya xlajinotic yu'un te jpuñale; ¡Xch'ich'el j'ejch'enetic, xch'ich'el jchuqueletic! ¡Xch'ich'el jwentainwanejetic yu'un te jcontrotac te najt'uben sjolic!’, xi' me te Cajwaltique.

Deuteronomio 32:23

Ya me jch'ojbey ta sba spisil te bitic amene, ya me jt'imuy bael ta stojolic spisil te yat'ejibal jt'imalte'e.

Deuteronomio 7:1

“Te Cajwaltic te Dios awu'unique ya me yiq'uex ochel ta lumq'uinal te ya yac'beyex awu'uninique. Ya xch'ojbeyex loq'uel ta asitic jucpam nacionetic te mero muq'uic soc te bayal yipique, te c'axem jich yipic a te bit'il ja'exe. Ja'ic te hititaetic, gergeseoetic, amorreoetic, cananeoetic, ferezeoetic, heveoetic soc te jebuseoetique.

Números 21:5

Jajch'ic ta scontroinel ta c'op te Dios soc Moisés, jich la yalic: —¿Bistuc la aloq'uesotic tel ta Egipto? ¿Bi yu'un tal awac' lajucotic ta jochol taquin q'uinal? Ma'yuc ja' cuch'tic, soc ni ma'yuc jwe'eltic. C'axix co'tantic ta swe'el te maná —xiic.

San Mateo 2:15

Tey ainic a ja' to c'alal laj te Herodese. Ja' in to, ja' c'ot ta pasel te bila yaloj Cajwaltic ta swenta te j'alwanej yu'une: “Ta Egipto la quic' loq'uel tel te jnich'ane”, te xie.

Josué 2:10

Melel caiyojtic stojol te c'alal loq'uex tel ta Egipto, Dios la staquintesbeyex slumil te Mar Rojo te c'axex tel a. Ja' nix jich jna'ojtic stojol te jc'axel la amilic jilel te cheb ajwaliletic yu'un te amorreoetique, te Sehón soc te Og, ja' te ayic ta jejch' muc'ja' Jordán.

Éxodo 23:22

Yan teme ya ach'uunbeyic ta melel te sc'ope, soc teme ya apas spisil te bit'il calojbeyexe, ya me jcontroin te mach'atic ya scontroinate. Ja' me jcontro ya xc'ot te mach'atic acontroe.

Salmos 45:6

Sbajt'el q'uinal awich'oj awat'el ta muc' ajwalil, stojil ya spasawanat ta mandal.