Números 24:7 - Bible in Tzeltal de Oxchuc y Tenejapa

⁷ Te Israel c'ax bayal ja' yu'un ta swenta uch'el soc smalel ta ja' te yawal-sts'unube. C'ax jich ya xmandalaj te muc' ajwalil yu'unic a te bit'il Agag; te yip ta muc' ajwalil c'ax muc' stuquel.

Bible in Tzeltal Bachajón

⁷ Ya xmal loq'uel ha' ta baldehetic yu'unic, ay bayel ha' yu'un te sts'umbale. Te ajwalil yu'unic c'ax hich sc'oblal a te bin ut'il Agag, ya xmuc'ub sc'oblal te ban c'alal ya xcuentahinwan.

Números 24:7 Referans Kwoze

1 Crónicas 14:2

Jich la sna' te David te jich yo'tan Cajwaltic te ay ta muc' ajwalil yu'un Israel, melel yac ta muc'ubel bayal te yat'el ta stojol te slumale.

2 Samuel 5:12

Te David jich la sna' xan ta lec te ja' Cajwaltic te la yac' ochel ta muc' ajwalil ta Israel, soc te ja' nix te yac ta aq'uel yip te yat'el ta muc' ajwalil ta swenta xc'uxul yo'tan ta stojol te lum Israel.

Apocalipsis 17:1

Tal sc'oponon jtul ta sjuctululic te ch'ul abatetic te yich'ojic te juqueb copaetique. Jich la yalbon: —La' li'to, ya cac'bat awil te castigo ya yich' te mero jmulawil ants te nacal ta sba te maretique.

Jeremías 51:13

Ja'at Babilonia, te ayat ta bay muc'ul ja'etic, soc bayal smuc'ul ac'ulejal, c'otix te alajibale, te slajibal te bit'il ayat ta q'uinale.

Apocalipsis 19:16

Soc ay sbiil ts'ibubil ta bay te sc'u'e soc ta bay te ya'e: “Muc' Ajwalil yu'un te muc' ajwaliletique, Ajwalil yu'un te ajwaliletique”, xi' te sbiile.

Apocalipsis 17:15

Te ch'ul abate la yalbon xan: —Te maretic la awil ta bay nacal te jmulawil antse, ja' seña bayal ta jchajp lum soc bayal ta jtul ants-winiquetic te yanyantic sc'opic soc te chajbalchajp nación ayique.

Apocalipsis 11:15

Te sjuquebal ch'ul abat la yoq'uesin te oq'uese. Ay mach'atic tulan c'opojic ta ch'ulchan la caiy te jich la yalique: “Spisil te muc' ajwaliletic ta balumilal soc te bila ay ta swentaique, ayix ta swenta stuquel te Cajwaltique soc te Cristo yu'une. Ja' me ay ta ajwalinel sbajt'el q'uinal stuquel”, xiic la caiy.

San Juan 1:49

Te Natanael la yal: —Maestro, ja'at Snich'anat te Diose, soc ja'at muc' ajwalilat yu'un te lum Israele —xi'.

Daniel 2:44

Te c'alal ay yat'elic ta muc' ajwalil ae, te Dios ta ch'ulchan ya me yac' ochel jtul jmandalteswanej te sbajt'el q'uinal ma ba ya xlaje, soc te ma'yuc bi ora ya x'u'uninot yu'un yan nación. Ja' me ya slajin ta jyalel te yantic ajwaliletique, ja' nax me muc' ajwalil ya xjil ta sbajt'el q'uinal stuquel.

Isaías 48:1

“Aiya awaiyic stojol te bi ya cale, ja'ex te sts'umbalex Jacob, te ja' abiilinej te Israel, soc sts'umbalex Judá. Teme ay bila ya awalic ta jamal, ja' nax ya awalic ta swenta te Cajwaltique; ya ac'oponic te Dios yu'un Israel, manchuc me ma'yuc bila smelelil ni stojil ta awo'tanic.

Isaías 9:7

Ya me xjalaj ta bay smuc'ul nactijib David, ya me xpujc' bael yu'el yat'el ta ajwalil ta bayuc; te lamal q'uinal ma me xlaj sc'oplal. Te yat'el ta ajwalil buen nacal me ya xjil ta jyalel; te yiptajibe ja' me te toj-o'tanil soc te bit'il toj ya xwentainwan c'alal ora yo'tic soc ta sbajt'el q'uinal. Ja' ya spas soc yutsil xc'uxul yo'tan te Cajwaltic te Spisil ya xju' yu'une.

Isaías 2:2

Ta slajibal c'aal tulan me ya xc'ot te wits te tey ay a te templo yu'un te Cajwaltique. Ja' me te wits te c'ax toyol xane, ja' c'ax toyol yu'un a te yantic witsetique. Spisil te nacionetic ya me xtalic ta stojol;

Salmos 68:26

¡Ta apisilic albeyaic yutsil sc'oplal te Cajwaltic Diose! ¡Ac'a yalbey yutsil sc'oplal spisil Israel te stsoboj sbaique!

Salmos 18:43

La acoltayon loq'uel ta c'opetic yu'un te toyba lume, la awac'on ta jwentainwanej yu'un bayal ta jchajp nación; ya yac' sbaic ta abatinel ta jtojol te mach'atic te ma jna'bey sbae.

Esdras 4:20

Soc te ay chicnaj muc' ajwaliletic ta Jerusalén te mero bayal yip te bila la spasique, te la yu'uninic te q'uinal ay ta stojol smalib c'aal yu'un muc'ja' Eufrates. Ac'bot ta stojolic spatanic, soc sloc'ol te bila la yich' chonel soc yantic pataniletic.

1 Reyes 4:21

Te Salomón ju' yu'un swentainel spisil yantic muc' ajwaliletic c'alal ta muc'ja' Eufrates, c'alal ta sq'uinal filisteoetic soc c'alal ta sti'il sq'uinal Egipto. Ta spisilic la stojbey spatanic soc la xch'uunbeyic smandal te Salomón te jayeb c'aal cuxine.

Números 24:20

Ta patil te Balaam yac ta yilel la yaiy te sts'umbal Amalec, la yalbey sc'oplal te bila ya xc'ot ta pasel ta stojol: —Te Amalec ja' te jchajp lum te muc' sc'oplale, ja'uc me to jc'axel ya xlaj ta jinel ta spisil —xi'.

Salmos 89:27

Jo'on me ya cac'bey yich' te bitic ay ta swenta yich'el te ba-nich'anile; ja' me toyol ya cac' c'otuc ta stojol yantic muc' ajwaliletic ta balumilal.

1 Reyes 5:1

Te Hiram, muc' ajwalil yu'un lum Tiro, la yaiy stojol te la yaq'uiquix ta muc' ajwalil te Salomón swenta sjelol te anima David, ja' te state. La sticun abatetic yu'un ta stojol, melel te Hiram spisil ora lec yo'tan ta stojol David.

Ester 3:1

C'ax c'aal ta patil, te muc' ajwalil Asuero la stoyesbey yat'el te Amán, te snich'an Hamedata, patil alnich'an yu'un Agag. La yac'bey yat'el ta sbabial jwolwanej yu'un te nacione.

Salmos 72:11

Ac'a tal squejan sbaic ta stojol spisil te muc' ajwaliletic. Ac'a yac' sbaic ta abatinel yu'un spisil te nacionetic.

Isaías 30:25

C'alal ya xc'ot sc'aalelal te muc'ul miltomba, soc te ya xjin coel te toyol ts'ajq'uetic, ay me ja'etic te c'ax tulan ya x'oquinic ta spisil te toyol witsetic soc te peq'uel witsetique.