Números 24:24 - Bible in Tzeltal de Oxchuc y Tenejapa

²⁴ Ya xtalic barcoetic ta sti'il mar ta Chipre te ya slajin jilel ta wuyel te Asiria soc te Heber, melel nix a, ya me yich' jinel te Heber —xi'.

Bible in Tzeltal Bachajón

²⁴ Ya xloc' tal barcohetic ta sti'il mar ta Quitim, ya ya'be swocol te Asiria soc te Heber, pero ha'ic nix jc'axel me ya xlajic, xchi.

Números 24:24 Referans Kwoze

Génesis 10:4

Jich sbiilic te sts'umbal Javán: Elisa, Tarsis, Quitim soc Rodanim.

Daniel 11:30

Te soldadoetic yu'un ya me x'ac'botic guerra yu'un soldadoetic te ya xtalic ta stojol smalib c'aal, ya me x'ic'otic tel ta barcoetic. Te c'alal ya x'u'uninot yu'un te xiwele, ya me sujt'ic bael. Te muc' ajwalil ta norte ya st'omes bael ta stojol te ch'ul trato te slab yo'tane. Jun yo'tan ya xc'ot soc te mach'atic la xch'ayic ta yo'tanic te trato swenta yu'un ya yac' sbaic ta abatinel yu'un a te muc' ajwalile.

Números 24:20

Ta patil te Balaam yac ta yilel la yaiy te sts'umbal Amalec, la yalbey sc'oplal te bila ya xc'ot ta pasel ta stojol: —Te Amalec ja' te jchajp lum te muc' sc'oplale, ja'uc me to jc'axel ya xlaj ta jinel ta spisil —xi'.

San Juan 11:48

Teme jich nax ya xjil cu'untique, spisilic me ya xba xch'uunic. Jich me ya xtal te romaetique, ya me sjinbotic te ch'ul temploe soc te nación cu'untique —xiic ta yalel.

San Mateo 24:15

“Te j'alwanej yu'un Dios te Daniel sbiile, la yalbey jilel sc'oplal te jinwanej te ya sboltes te ch'ul awilale. (Te mach'a ya yil te bila ts'ibubil li'to, ac'a me sna' stojol.) Te c'alal ya awilic te ya xc'ot ta pasel te bila la yale,

Daniel 11:45

Ya me xba spas scampamento ta yolilic te mar soc te ch'ul wits yu'un te T'ujbil Lumq'uinal te xi' sbiile. Pero tey ni me ya staix yorail ya xlajix jilel a, ma me ayuc mach'a ya xcoltayotix yu'un.

Daniel 10:20

Ja' yu'un jich la yalbon: “¿Ya bal ana' bila swentail te tal quilate? Yu'un puersa me ya jcha'ac'bey xan guerra te jcanantaywanej ch'ul abat yu'un Persia. Te c'alal ya xlaj co'tan soc ta guerra, ya me xtal te jcanantaywanej ch'ul abat yu'un Grecia.

Daniel 8:21

Te tentsun, ja' me sc'oplal te muc' ajwalil ta Grecia, te smuc'ul xulub ay ta yolil site, ja' te sbabial muc' ajwalile.

Daniel 2:45

Ja' me ya yac' ta na'el te ton la awil jajch' tel ta witse, te stuquel nax tale, te ma'yuc mach'a tselot bael yu'une. Ja' te ton te la sts'ubiltay te hierro, bronce, ajch'al, plata, soc te oro. Ja' me stuquel te mero muc' Dios te la yac'bat awil te bi ya xc'ot ta pasel bael ta patile. Te bi la awaichine mero melel, soc te sc'oplal la calbate mero melel me —xi'.

Daniel 2:35

Ta ora nax, mero ts'ubiltic jil ta jc'axel te hierro, ajch'al, bronce, plata, soc te oro. Jich ts'ubiltic te bit'il ya quiltic ts'ubil lum ta yorail verano te c'alal ya yich' wuyel te trigoe. Jc'axel jujch'iyot bael yu'un te iq'ue, ma'yuc bila chican jilel. Pero te ton jul ta stojol te loc'ombae, c'atp'uj ta jun mero muc'ul wits. Te witse la smac spisil te lumq'uinale.

Isaías 23:1

J'alwanej c'op ta stojol Tiro: Te muc'ul barcoetic swenta Tarsis yacal ta ajc'an; melel te bay ya xjul ta loq'uele, jinbilix. Te bay jul ta loq'uel te tal ta Chipre, la yich'ix jinel.

Génesis 14:13

Ja'uc me to, ay jtul loc' ta anel, c'o yalbey yaiy te Abram, te hebreo-winic, te nainem ta jijte'eltic yu'un te amorreo-winic te Mamre sbiil, te yermano sba soc te Escol soc te Aner, te jun yo'tan sbaic soc Abram.

San Lucas 20:24

Ac'bon quil jsejbuc te taq'uine. ¿Mach'a yelaw te ya awilique soc mach'a sbiil te nacale? —xi'. La yalic: —Ja' te Cesare —xiic.

Números 24:23

Ta patil la yal: —¡Ay! ¿Mach'a cuxul to a te c'alal jich ya spas te Diose?

Ezequiel 27:6

Te stijibal barcoetic awu'un la spasic ta jijte' talem ta Basán. Te spisoil te abarcoe, la spasic ta c'antaj talem ta ti'ti'mar yu'un Chipre, ch'albil ta marfil.

Isaías 10:5

Jich ya yal te Cajwaltique: —Te muc' ajwalil yu'un Asiria ja' me te' c'oem te ya cac' castigo a, ja' te wajch' te ya jtuuntes yu'un quilimba.

Isaías 10:12

Te c'alal pasbilix yu'un Cajwaltic ta spisil te bila ya sc'an yo'tan spasel ta wits Sión soc ta Jerusalén, ya me yac'bey castigo te muc' ajwalil yu'un Asiria ta scaj yat'el ta uts'inwanej, soc ta scaj stoybail te la yaiyix tsalawe.