Números 24:20 - Bible in Tzeltal de Oxchuc y Tenejapa

²⁰ Ta patil te Balaam yac ta yilel la yaiy te sts'umbal Amalec, la yalbey sc'oplal te bila ya xc'ot ta pasel ta stojol: —Te Amalec ja' te jchajp lum te muc' sc'oplale, ja'uc me to jc'axel ya xlaj ta jinel ta spisil —xi'.

Bible in Tzeltal Bachajón

²⁰ Te Balaam la yil te Amalec, hich la yal ta sc'op-jalwanej: Te Amalec ha jolal yu'un te nacionetic, pero ta patil jc'axel jimbil ya xc'oht, xchi.

Números 24:20 Referans Kwoze

Éxodo 17:14

Te Cajwaltic la yalbey te Moisés: —Ts'ibuya ta libro swenta yu'un ya me yich' na'el. Albeya te Josué, ya me jtup'bey ta jc'axel sna'jibal te amalequetique —xi'.

Ester 9:14

Te muc' ajwalil la yal mandal te jich ya yich' pasele. La yich' puquel ta alel smandal ta lum Susa, soc te sbaq'uetalic te snich'nab Amán slajunebalic la yich'ic jijp'anel ta te'.

Ester 3:1

C'ax c'aal ta patil, te muc' ajwalil Asuero la stoyesbey yat'el te Amán, te snich'an Hamedata, patil alnich'an yu'un Agag. La yac'bey yat'el ta sbabial jwolwanej yu'un te nacione.

1 Crónicas 4:43

La slajinic te jayeb xan jilemic te amalequitaetique. Jich ainemic tey a c'alal ora yo'tic.

1 Samuel 30:17

Te David jajch' yac'bey guerra ta sab ja' to c'alal mal c'aal. Mero spisil la slajin, ja' xanix ma ba lajic jbajc' (400) queremetic scaj te mo ta scamelloique, jich la scoltay sbaic bael.

1 Samuel 30:1

Ta yoxebal c'aal te David soc te swinictac c'otic ta Siclag. C'alal c'otic, la yilic te yich'ojix ochintayel yu'un amalequetic te Neguev. Soc la yuts'inic te yajwal lum Siclag, la sjinic jilel, la yac'bey jilel sc'aal.

1 Samuel 14:48

La stsob soldadoetic yu'un, la stsal te amalequetic, jich col ta c'abal yu'un jpoj-biluquetic te israeletique.

Jueces 6:3

Te israeletique ay nix bi sts'unojic, pero te madianetic, te amalequetic soc te mach'atic talemic ta stojol sloq'uib c'aal la yaiyic uts'inwanej.

Éxodo 17:16

Soc jich la yal: —Ay ta jc'ab te bandera yu'un te Cajwale. Te Cajwal ay ta guerra soc Amalec soc te cajalcaj yal-snich'an baele —xi'.

Éxodo 17:8

Te amalequetic bajt'ic ta Refidim, ba yac'beyic guerra te israeletique.

Génesis 36:12

Ay xan yan ants la yic' te Elifaz, te Timna sbiil, te Amalec sbiil te yal-snich'an soque. Ja' yal-snich'nab te Ada, ja' te yinam Esaú.

Números 24:7

Te Israel c'ax bayal ja' yu'un ta swenta uch'el soc smalel ta ja' te yawal-sts'unube. C'ax jich ya xmandalaj te muc' ajwalil yu'unic a te bit'il Agag; te yip ta muc' ajwalil c'ax muc' stuquel.

Números 24:19

Ay jtul jtsalwanej ya xloc' ta sts'umbal Jacob, ya me sjin te mach'atic ya xjilic ta lumetic —xi' te Balaam.

Números 24:24

Ya xtalic barcoetic ta sti'il mar ta Chipre te ya slajin jilel ta wuyel te Asiria soc te Heber, melel nix a, ya me yich' jinel te Heber —xi'.

1 Samuel 15:2

Jich ya yal te Cajwaltic te Spisil ya xju' yu'une: “Ya cac'bey castigo te amalequetic, swenta spacol te bi la spasbey te israeletic, ja' te la smac ta be te c'alal yacalic ta talel ta Egipto.