Números 24:18 - Bible in Tzeltal de Oxchuc y Tenejapa

¹⁸ Ya me stsal Edom, ya me x'och ta sc'ab te Seir, ja' te scontroe. Te Israel muc' bitic ya spas.

Bible in Tzeltal Bachajón

¹⁸ Ya yich' u'untayel Edom, ya yich' u'untayel Seir yu'un te scontra, yan te Israel muc' bintic ya spas.

Números 24:18 Referans Kwoze

Amós 9:12

swenta yu'un te bila jilem yu'un Edom soc spisil te nacionetic te ay ta jwenta ta neelale, ja' ni me ya x'och yu'unin te Israele —xi'. Te Cajwaltic la yal te sc'ope, soc ya xc'ot ta pasel yu'un.

2 Samuel 8:14

Ora la yac' ochel soldadoetic ta scanantayel ta spisil sq'uinal Edom; jich ta spisil te edometic ochic ta sc'ab David. Jich te David ac'bil ta tsalaw yu'un Cajwaltic ta bayuc ya xbajt'.

Génesis 27:29

Spisil ants-winiquetic ac'a yac' sbaic ta abatinel awu'un, soc spisil ta jchajp lum ac'a squejan sbaic ta atojol. Pasa ta mandal te awermanotaque, ac'a squejan sbaic ta atojol. Ma'yuc bendición ta stojol te mach'a ya scontroinate, ja' nax me ay bendición ta stojol te mach'a lec yo'tan awu'une, —xi'.

Isaías 63:1

—¿Mach'a me a te yac ta talel ta Bosra, te muc'ul lum yu'un Edom? Bonbil ta tsaj te sc'u' slapoje, t'ujbil nax yac ta talel soc te sc'u'e, xiweltic sba soc te yip yac ta beel tele —xi'. —Jo'on me, te ya calbey sc'oplal te tsalawe, te ya xju' cu'un coltaywaneje —xi'.

Isaías 34:5

Ya xchicnaj ta ch'ulchan spuñal te Cajwaltique; ya xch'ay coel ta stojol Edom, ja' te lum te ya yil swocol ta lajele.

Salmos 60:1

Dios cu'untic, ilin awo'tan ta jtojoltic; la ach'ayotic jilel, la awac' jinucotic jilel. Ac'botic sujt'el tel yo'tic te quiptique.

Génesis 32:3

Te Jacob la sneeltes bael abatetic yu'un ta bay sq'uinal Seir sbiil, te Edom yan sbiile, swenta yu'un ya xba yutsil-c'oponbeyic te sbanquile, ja' te Esaú.

Génesis 27:40

Ja' me ya acoltay aba a te apuñale, pero ya me yabatinat te awijts'ine; ja'uc me to te bi ora awich'ojix awip a, ya me acoltay aba loq'uel ta abatinel yu'un —xi' sc'oplal yu'un te state.,

Números 20:18

Ja'uc me to, te muc' ajwalil yu'un Edom la sjac': —Ma xju' xc'axex ta jq'uinal. Teme jich ya apasique, ya me xtal jmacat ta be soc te soldadoetic cu'une —xi'.

Números 24:19

Ay jtul jtsalwanej ya xloc' ta sts'umbal Jacob, ya me sjin te mach'atic ya xjilic ta lumetic —xi' te Balaam.

Amós 9:11

Ya yal te Cajwaltic: —Ya me sta sc'aalelal te ya jpas ta yan buelta te sna David te jineme. Ya jmacbey te bay jinemic, ya jach te jinem ts'ajq'uetic. Jich nix ya jcha'pas xan te bit'il namey tele,

Abdías 1:2

Ya yal te Cajwaltic ta stojol Edom: —Ch'in ya cac'at yu'un a te yantic nacionetique, soc ya jpejc'anat ta c'axem to xan.

1 Reyes 11:14

Ja' yu'un te Cajwaltic la yac' jajch'uc scontro te Salomón: ja' te Hadad, edom-winic, sts'umbal muc' ajwalil ta Edom.

1 Reyes 11:15

Te c'alal la stsal Edom ta namey te David, te Joab, general yu'un soldadoetic, ba smuc jilel te mach'atic lajic ta guerra, soc la smil spisil te winiquetic ta Edom.