Números 24:16 - Bible in Tzeltal de Oxchuc y Tenejapa

¹⁶ yu'un yaiyoj stojol te bila ya yal te Diose, yiloj te bi yilel te mach'a toyol aye, melel ay bila ya x'ac'bot yil yu'un te Dios te Spisil ya xju' yu'une.

Bible in Tzeltal Bachajón

¹⁶ hich ya yal te mach'a ya ya'iybe sc'op te Diose, te mach'a sna'oj te bin ya sna' te Mach'a toyol ay, te mach'a ya yil te snahalsit te Mach'a spisil ya xhu' yu'un, te mach'a yahlem ta lum, pero jamal te site:

Números 24:16 Referans Kwoze

Números 24:4

te yac ta yaiyel te bila ya x'albot yu'un Dios. Yalemix ta lum pero mero chican ta lec ya yil, jich ay bila ya xchicnaj ta sit ya yaiy yu'un te Dios te Spisil ya xju' yu'une.

1 Corintios 13:2

Soc manchuc teme ya caiy j'alwanej, soc teme ya jna' spisil te muquen c'ope, soc teme ay ta co'tan spisil te bila ay ta nopele, soc teme ay xch'uunjel co'tane, soc teme ya xju' cu'un ya jq'uej bael ta yan q'uinal te witsetique, teme ma'yuc xc'uxul te co'tane, tojol ayon ta q'uinal abi.

1 Corintios 8:1

Ta ora to ya calbeyex sc'oplal te milbil majt'anil yu'un te loc'ombaetique. Melel jna'ojtic jpisiltic te bit'il ay te loc'ombaetique. Ja'uc me to, te bila jna'ojtic stojole, ja' ya jtoy jbatic yu'un. Yan te xc'uxul-o'tanile, ya xmuc'ubotic yu'un stuquel.

Números 24:3

Jich yu'un la yal loq'uel sc'op j'alwanej: —Ja' te c'op yich'oj tel Balaam te snich'an Beor, ja' te winic te wiq'uil sit ta leque,

Números 24:15

Te Balaam la yal loq'uel sc'op j'alwanej: —Te c'op yich'oj tel Balaam te snich'an Beor, ja' te winic te ya yil ta jamal,

Números 24:17

Ay bila yacon ta yilel te ya xc'ot bael ta pasel, ay bila ya quil ya caiy te c'ubul aye: Ja' jun ec' te ya xloc' tel ta Jacob, ya xjajch' loq'uel tel jtul muc' ajwalil ta yolil Israel. Ja' ya swuybey sjol te sts'umbal Moab, ya swuy spisil sts'umbal Set.

Génesis 14:18

Te muc' ajwalil yu'un Salem, te Melquisedec sbiile, ja' te mach'a yich'oj yat'el ta sacerdoteil yu'un te Dios te toyol ay stuquele, la sloq'ues waj soc vino.

Génesis 17:1

Te c'alal balunlajuneb yo'winic (99) ya'wilal a te Abram, te Cajwaltic la yac' sba ta ilel ta stojol, jich la yalbey: —Jo'on Dioson te Spisil ya xju' cu'une, toj me xawac' aba ta jtojol, ma me xapas te bila ma lecuque.