Números 24:13 - Bible in Tzeltal de Oxchuc y Tenejapa

¹³ “Manchuc me ya awac'bon te jich yipal oro soc plata te ya xnoj a te amuc'ul nae, te jo'one ma xju' ya jch'aybey smandal te Cajwal, te ya jpas te bila lec ta jc'op o te bila ma lecuc ta swenta sc'anjel co'tan, te melel ja' nax ya cal te bila ya yac'bon cal te Cajwale”, la cut.

Bible in Tzeltal Bachajón

¹³ Aunque te Balac ya ya'bon te sna nojel ta plata soc oro, ma xhu' ya jc'axuntaybe sc'op Jehová, te jtuquel ya jnop ya jpas te bin lec o te bin ma lecuc. Te bin ya yal te Jehová, hich me ya cal?

Números 24:13 Referans Kwoze

Números 22:20

Ta ajc'ubal chicnaj Dios ta stojol te Balaam, jich la yalbey: —Ja' te winiquetic teme talem yu'un ya yic'at baele, jajch'an, baan soc. Pero ja' nax me ya apas te bila ya calbate —xi' sc'oplal yu'un.

Números 22:18

Ja'uc me to, te Balaam la sjac': —Manchuc me spisil ya yac'bon oro soc plata te Balac te jich yipal ya xnoj a te smuc'ul nae, ma'yuc bila ya xju' cu'un spasel, ni muc' ni tsail, ta scontroinel smandal te Cajwaltic te Dios cu'une.

Números 16:28

Te Moisés la yal xan: —Ta ora to ya jpasbeyex prueba awilic te ja' te Cajwaltic la sticunon tel ta spasel spisil te bitic ya jpase, te ma me ja'uc ya jpas te sc'anjel co'tane.

1 Reyes 13:8

Pero c'opoj te j'alwanej yu'un Dios, jich la yalbey te muc' ajwalile: —Manchuc teme ya awac'bon oliluc te ac'ulejal, pero ma ba ya joinat bael, ni yacuc jwe' pan, soc ma xcuch' ja' tey a.

1 Reyes 22:14

Te Micaías la sjac': —Jamal ya cal ta stojol te Cajwaltic te ja' nax ya cal te bila ya yalbon te Cajwaltique —xi'.

Números 22:8

Te Balaam la yalbey: —Ma me xbaex in ajc'ubal to, yu'un ya me calbat te bila mandal ya yalbon te Cajwaltique —xi'. Te mamaletic yu'un Moab la scom sbaic.