Números 23:7 - Bible in Tzeltal de Oxchuc y Tenejapa

⁷ Jich yu'un te Balaam la yal loq'uel sc'op j'alwanej: —C'alal to ta witstiquil ta sloq'uib c'aal, ta sq'uinal Aram, la yic'on tel Balac, te muc' ajwalil yu'un Moab. Jich la yalbon: “La' me, c'anbeya te ya x'ac'bot castigo Israel, c'anbeya bayal swocol te lum yu'un Jacob”, xi'.

Bible in Tzeltal Bachajón

⁷ Te Balaam hich la yal ta sc'op-jalwanej: C'alal ta Aram la yic'on te Balac, te ajwalil yu'un Moab, c'alal ta witsiltic ta stojol banti ya xloc' tal c'ahc'al. La', bohlobtesbeya sc'oblal te Jacob, la', bohlc'optaya te Israel, xchi.

Números 23:7 Referans Kwoze

Deuteronomio 23:4

Melel te c'alal c'axex tel ta sq'uinalique, te c'alal loq'uexix tel ta sq'uinal Egipto, ma ba la yac'beyex awe'elic, soc ni lajuc yac'beyex awuch'ic ja'. Soc la stojic te Balaam, te snich'an Beor te talem ta lum Petor ta Mesopotamia, swenta yu'un ya sc'anbeyex castigo ta atojolique.

Números 24:3

Jich yu'un la yal loq'uel sc'op j'alwanej: —Ja' te c'op yich'oj tel Balaam te snich'an Beor, ja' te winic te wiq'uil sit ta leque,

Números 23:18

Jich yu'un te Balaam la yal loq'uel in sc'op j'alwanej to: —Balac, snich'an Zipor, aiybon awaiy ta lec te jc'ope.

Miqueas 2:4

Jich me yorail te ya yich' c'ajintayel ta atojolic c'ayojetic swenta mel-o'tan. Jich me ya yalic: “Jc'axel la quich'tic jinel ta jyalel; te lum cu'untic, te ja' yu'un te Cajwaltic, la yich' jelel yajwal, ma'yuc mach'a ju' yu'un scomel; te jq'uinaltic la spucbeyix sbaic te jtsalwanejetic cu'untique”, xiic me —xi' te Cajwaltique.

Salmos 78:2

Ya xc'opojon ta tsabil c'opetic; ya me cal te bila muquen ay, te namey ma'yuc ta alele.

Job 29:1

La sjac' xan ta slajibal buelta te Job, jich la yal:

Números 24:23

Ta patil la yal: —¡Ay! ¿Mach'a cuxul to a te c'alal jich ya spas te Diose?

Números 24:15

Te Balaam la yal loq'uel sc'op j'alwanej: —Te c'op yich'oj tel Balaam te snich'an Beor, ja' te winic te ya yil ta jamal,

San Marcos 12:12

Jich c'an stsaquic, yu'un c'ot ta yo'tanic te ja' sc'oplalic te seña-c'op la yale. Ja'uc me to, la xi'ic te ants-winiquetique. Jich la yijq'uitayic jilel, bajt'ic.

San Mateo 13:33

Ay yan seña-c'op te la yal te Jesuse: —Te bit'il ay ta ajwalinel te Dios te ay ta ch'ulchane, ja' pajal soc te levadura te la scap ta wots'el soc oxp'is harina te antse, ja' to te pujc' yip ta sc'olol —xi' te Jesuse.

Proverbios 26:2

Jich bit'il ja'mal mut te bayuc ya xbajt'e, soc jich bit'il ulich te ma'yuc spechech, ja' nix jich teme ma'yuc swentail te bolc'optayele, ma'yuc bila ya xc'ot ta pasel yu'un.

Job 27:1

La sjac' xan te Job, jich la yal:

2 Samuel 23:9

Patil ay bael a te Eleazar te snich'an Dodo, ahohita-winic. Ja' nix ta yoxebal te mero ju'em yu'un tsalawe. Ja' la sjoin te David ta Pasdamim, te c'alal te filisteoetic tey la stsob sbaic ta guerra, soc te c'alal te israeletic la sq'uej sbaic bael ta stojolic.

San Mateo 13:35

Te bit'il jich c'opoj te Jesuse, ja' c'ot ta pasel te bila yaloj te namey q'uinal j'alwanej yu'un te Diose te jich la yale: “Ya me jam que ta yalel seña-c'op. Ya me cal te bila ma ba ac'ot ta na'el stojol ta xjajch'ibal to tel te balumilale”, te xie.

Habacuc 2:6

Ja'uc me to, spisil te nacionetic ya xcaj slabanic te j'u'uninwanejetic yu'unique, jich ya sc'ajintaybey sc'oplalic: “¡Ya me awil awocol ja'at te ya apas aba ta jc'ulej a te bila ma ja'ucat awu'une! ¿Jayeb xan buelta ya atsob te c'ulejalil ya alo'laye?” xi' me sc'oplal.

Ezequiel 20:49

La calbey: —¡Ay, Cajwal, ay mach'atic yacalic yalel te jo'on ta jtuquel te yacon ta yalel c'op te ma'yuc mach'a ya xc'ot ta yo'tane! —xoon.

Ezequiel 17:2

—Ja'at winic, albeya te lum Israel in seña-c'op to.

2 Samuel 21:21

La slaban te Israel, pero milot yu'un te Jonatán snich'an Simea sbanquil David.

1 Samuel 17:45

La sjac' te David: —Te ja'at talat ta jtojol soc te puñal soc te lanzaetic awu'une; pero te jo'one talon ta atojol ta swenta te Cajwal te Spisil ya xju' yu'une, ja' te Dios yu'un te soldado-israeletic te yacalat ta stijbeyel jajch'el slab yo'tanique.

1 Samuel 17:36

Manchuc me león-choj, manchuc me oso, pero ya jmiltic te jo'on te abaton awu'une. Te filisteo te ma ba xch'uunej te cuxul Diose, ja' ni me jich ya xc'ot ta swenta; melel ya stijulabey slab yo'tan te soldadoetic yu'un te cuxul Diose.

1 Samuel 17:10

Yo'tic ya jtijbeyex jajch'el awo'tanic ja'ex te soldado-israelexe. Ac'bonic jtuluc winic yu'un ya jtsac jba soc —xi'.

Números 24:21

Soc yac ta yilel la yaiy te quenitaetic, jich la yalbey sc'oplal te bila ya xc'ot ta pasele: —Ja'ex te sts'umbalex Caín: manchuc me tulan ayex ta anjibaletic, manchuc me apasoj apechech ta yolil te tulanil tontiquile, te apechech jc'axel me ya xjin ta c'ajc' te c'alal ya xchuquex bael te Asiria —xi'.

Números 22:17

Jo'on ya cac'at ta buen ich'el ta muc'. Ya me jpas ta spisil te bila ya ac'anbone. La' me, wocoluc ya me xtal ac'anbon castigo ta stojol te lume”, xi' tel sc'op —xiic.

Números 22:11

te ay jchajp lum loc' tel ta Egipto, te pujq'uemiquix bael ta spamal q'uinal. Te Balac ya sc'an te ya xboon ta sc'anel castigo te jich ya xju' yu'un stsalel, soc jich ya xju' yu'un snutsel loq'uel ta sq'uinal —xi'.

Génesis 28:7

Soc la yil bit'il la xch'uunbey sc'op sme'-stat te Jacob.

Génesis 28:2

Jajch'an, baan ta sq'uinal Padan-aram ta bay sna te amam Betuel, te stat te ame'e. Ja' x'awic' awinamin jtuluc yantsil-nich'an te awichan Labán, te xi'lel te ame'e.

Génesis 10:22

Jich sbiil te sts'umbal Sem: Elam, Asur, Arfaxad, Lud soc Aram.

Números 23:6

Te Balaam sujt' bael. Teq'uel c'o sta te Balac tey ta bay milbil majt'anil, sjoinej spisil te jtsobwanejetic yu'un te moabetique.

Salmos 49:5

¿Bi yu'un ya xiwon teme c'ot yorail ya xtal te jwocole, teme la sjoytayonic soc sbolil yo'tanic te jcontrotaque?