Números 23:26 - Bible in Tzeltal de Oxchuc y Tenejapa

²⁶ Ja' yu'un la sjac' te Balaam: —¿Yu'un bal ma la calbat awaiy te ja' nax ya xju' ya cal te bila mandal ya yalbon te Cajwale, te xoone? —xi'.

Bible in Tzeltal Bachajón

²⁶ Te Balaam la sjac'be te Balac: ¿Ma bal lajuc calbat te spisil bin ya yalbon te Jehová, hich ya jpas? xchi.

Números 23:26 Referans Kwoze

Hechos 5:29

Te Pedroe soc te yantic jpuc-c'opetic la yalic: —Puersa me ja' ya jch'uunbeytic smandal te Diose, ma ja'uc te winiquetique.

Números 22:18

Ja'uc me to, te Balaam la sjac': —Manchuc me spisil ya yac'bon oro soc plata te Balac te jich yipal ya xnoj a te smuc'ul nae, ma'yuc bila ya xju' cu'un spasel, ni muc' ni tsail, ta scontroinel smandal te Cajwaltic te Dios cu'une.

2 Crónicas 18:13

Te Micaías la sjac': —Ya cal ta jamal ta swenta Cajwaltic, ja' nax me ya cal te bila ya yalbon te Diose —xi'.

Números 22:38

Te Balaam la sjac': —Pero li' ayonix to, tal cula'tayatix. Ja'uc me to, ma me ayuc cu'el ta c'op jtuquel, ja' nax me ya cal te bila ya yalbon te Diose —xi' te Balaam.

1 Reyes 22:14

Te Micaías la sjac': —Jamal ya cal ta stojol te Cajwaltic te ja' nax ya cal te bila ya yalbon te Cajwaltique —xi'.

Números 23:25

Te Balac jich la yalbey te Balaam: —Te bit'il ma xju' awu'un sc'anel castigo te lume, ma x'ac'anbey bendición te jichuque —xi'.

Números 23:27

Jich yu'un te Balac la yal: —La' me, ya quic'at bael ta yan jejch'. Ma niwan bila ya yalix a te Dios teme tey ya ac'anbey castigo —xi'.

Números 23:3

Te Balaam la yalbey te Balac: —Jilan li' ta bay milbil majt'anil to, te bit'il ya to xboon ta sleel Cajwaltic teme ya xtal staone. Ora me ya calbat te bila ya yac'bon jna' —xi' te Balaam. Te Balaam bajt' ta bay t'axal wits.

Números 23:17

Jich te Balaam sujt' bael, teq'uel c'o sta te Balac ta bay milbil majt'anil, sjoinej te jtsobwanejetic yu'un te moabetique. Te Balac la sjojc'obey: —¿Bi la yalbat te Awajwale? —xi'.