Números 23:24 - Bible in Tzeltal de Oxchuc y Tenejapa

²⁴ Ja' in lum to ya xwilic jajch'el, jich ya xiwteswanic te bit'il león-choj; ma ba ya xcux yo'tanic ja' to teme ju' yu'un slajinel te bila stsacoje, ja' to teme ju' yu'un yuch'el xch'ich'el te bila lajem yu'une —xi' ta yalel te Balaam.

Bible in Tzeltal Bachajón

²⁴ Te pueblo ini, hich ya xhahch te bin ut'il choj, hich ya stehc'an sba te bin ut'il choj. Ma ba ya spahcan sba ha to teme hu' yu'un sti'el te bin stsacoj soc te ya yuch'be sch'ich'el te bin smilticlanej, xchi.

Números 23:24 Referans Kwoze

Génesis 49:9

Judá, te jnich'anate, jichat te bit'il alal león-choje. Ya xju' awu'un slumtayel, teme laj awo'tan ta sti'ele, jun awo'tan ya apajc'an aba, jichuc mamal león-choj, ma'yucat ta tijel.

Génesis 49:27

“Te Benjamín, jich c'oem te bit'il jti'awal ja'mal ts'i', te spisil ya stsac sti'e. Ta sacubel q'uinal ya x'och sti' te bi la stsac ta ajc'ubale, ta yijc'ubel q'uinal ya stsob tel sjoy ta sti'el te sobraile —xi' te Jacob ta stojol te snich'nabe.

Apocalipsis 5:5

La yalbon ts'iin te jtul mamale: —Ma x'oc'atix. Melel ya xju' yu'un sjamel selloetic te León-choj yu'un te sts'umbal Judá te ja' nix sts'umbal te muc' ajwalil Davide. Melel ju'ix yu'un tsalaw. Jich ya xju' yu'un sjamel soc spolel te juqueb selloe —xi'.

Zacarías 12:6

“Te ya sta sc'aalelal te jwentainwanejetic ta Judá jich me ya xc'otic cu'un te bit'il yawil tsajuben ac'al ta yolil si', soc te bit'il c'ajc' te ya yac' tiluc te tombil trigo. Ya me slajin ta swa'el soc ta sq'uexen ta spisil te nacionetic ayic ta sjoyobale. Yan te mach'atic nainemic ta Jerusalén, jun me yo'tanic ya xnainic yan buelta ta slumalic.

Números 24:17

Ay bila yacon ta yilel te ya xc'ot bael ta pasel, ay bila ya quil ya caiy te c'ubul aye: Ja' jun ec' te ya xloc' tel ta Jacob, ya xjajch' loq'uel tel jtul muc' ajwalil ta yolil Israel. Ja' ya swuybey sjol te sts'umbal Moab, ya swuy spisil sts'umbal Set.

Nahúm 2:11

¿Banti ay te muc'ul lum te pajal soc xch'en te león-chojetique soc xch'en te alal león-chojetique? Te león-chojetic soc te yalataque jun nax yo'tanic ta neelal; ma'yuc mach'a la xiwtes.

Amós 3:8

¿Ay bal mach'a ma xnijc' yo'tan yu'un xiwel, teme awun te león-choje? ¿Ay bal mach'a ma xc'opoj ta j'alwanej teme la yal mandal te Cajwaltique?

Daniel 2:44

Te c'alal ay yat'elic ta muc' ajwalil ae, te Dios ta ch'ulchan ya me yac' ochel jtul jmandalteswanej te sbajt'el q'uinal ma ba ya xlaje, soc te ma'yuc bi ora ya x'u'uninot yu'un yan nación. Ja' me ya slajin ta jyalel te yantic ajwaliletique, ja' nax me muc' ajwalil ya xjil ta sbajt'el q'uinal stuquel.

Isaías 31:4

Te Cajwaltic la yalbon: —Jich me c'oem te bit'il león-choj te smilojix jcojt' chij, te xujt' ma xiw yu'un te jcananetic yu'une, manchuc me ya stsob sbaic tel spisilic te yo'tanuc ya xiwtesic bael ta awe. Jich me ya xtal te Cajwaltic te Spisil ya xju' yu'une, ya xtal scoltay te lum yu'un ta wits Sión.

Proverbios 30:30

Ja' te león-choj te chambalam te xiweltic sbae, ma'yuc bi ya x'antesot bael yu'un, soc ni jtuluc mach'a ya xi';

Salmos 17:12

León-chojetic yilel, c'ajc'al león-chojetic, chapalic ta bay snac'oj sbaic, yo'tanuc te ya stsacawanic ta ora.

Deuteronomio 33:20

Sc'oplal Gad, jich la yal: —¡Bayal me yutsil sc'oplal Dios te la yac'bey muc' sq'uinal te Gad! Te Gad pacal jichuc me' león-choj, ya me sts'oc loq'uel c'abaletic, soc jololetic.

Números 23:25

Te Balac jich la yalbey te Balaam: —Te bit'il ma xju' awu'un sc'anel castigo te lume, ma x'ac'anbey bendición te jichuque —xi'.

Nahúm 2:12

Te león-choj la stsac smil te bila la stae, la spucbey te yantsilel soc te alal león-chojetic yu'une. Noj ta milbil chambalam te nailch'en yu'unique.

1 Reyes 10:20

Ay lajchayeb sloc'omba león-chojetic cotajtic ta swaquebal ta cajalcaj te moibaletic, juju-jcojt' ayic ta juju-jejch'. Ma'yuc yan banti jich pasbil yu'un yantic ajwaliletic a te nactijibale.

2 Crónicas 9:18

Te muc'ul nactijibal ay ta mero sba te swaquebal ta caj moele, soc ay jun scajtijib yacan te muc' ajwalil te pasbil ta oro. Soc ay scajtijib sc'ab ta juju-jejch' te nactijibale, ta jujun sts'eel ay sloc'omba león-chojetic cojt'ajtic tey a.