Números 23:23 - Bible in Tzeltal de Oxchuc y Tenejapa

²³ Tojol ya yich' boltesel sc'oplal ta controinel te Jacob; ma'yuc bila ya xju' yu'un ta stojol Israel te j'ac'-chameletique. Ta ora yo'tic ya sc'anix ya yich' albeyel te Israele: “¡Ma p'isbiluc jchajp señailetic spasoj Dios ta atojolic!” xi' me.

Bible in Tzeltal Bachajón

²³ Como mayuc bin ya xhu' yu'un jwoyaw ta scontrahinel te Jacob, o te na'ojel ta scontrahinel Israel. Como yo'tic hich ya yich' halbeyel sc'oblal Jacob soc Israel: ¡Ilawil bin spasoj te Diose!

Números 23:23 Referans Kwoze

Josué 13:22

Te israeletic la smilic te Balaam, ja' te snich'an Beor te la sna' syoljoltayel te bi ya xc'ot ta pasele, soc ay bayal yantic la smilic.

San Mateo 12:27

Te ja'exe ya awalic te ja' ta swenta Beelzebú te ya jloq'ues pucujetique. Teme melel te bila ya awalique, ¿mach'a ta swenta te ya sloq'ues pucujetic te jnopojeletic awu'unique? Jich yu'un, ta swenta te jnopojeletic awu'unique, ja' me ya yich'beyex ac'opic stuquel.

Salmos 64:9

Jich spisil ants-winiquetic ya yich'ic ta muc' te Diose, soc ya me yalic te bitic yat'el spasoje; ya sna'beyic swentail te bila spasoj stuquele.

Romanos 16:20

Te Dios yu'un lamal q'uinal, nopolix te ya yac'beyex apech'ic ta teq'uel te Satanase. Te yutsil yo'tan cu'untic te Cajwaltic Jesucristoe, ac'a me sjoinex ta apisilic.

Números 24:1

Ja'uc me to, c'ot ta yo'tan Balaam te ja' ya sc'an yo'tan Cajwaltic te ya yac'bey bendición ta stojol te lum Israel. Ja' yu'un ma ba la sle señailetic ta stojol Cajwaltic, jich bit'il ay la spasix, ja' nax la sut sit ta stojol te muc'ul jochol taquin q'uinale.

Apocalipsis 12:9

Jich la yich' ch'ojel loq'uel ta fuera te muc'ul chan te xi'bantic sbae. Ja' te namey q'uinal muc'ul chan te Pucuj sbiil soc Satanás sbiil te ya slo'lay spisil te mach'atic ainemic ta balumilale. Te Pucuje soc te abatetic yu'une, la yich'ic ch'ojel coel ta balumilal.

Hechos 10:38

Melel awaiyojbey stojol sc'oplal te Jesús te talem ta lum Nazarete. Dios la yac'bey yu'el ta swenta te Ch'ul Espíritu te la yac'bey yiq'ue. Jich bayuc been ta scoltayel te ants-winiquetic soc ta slamantesel spisil te mach'atic ay swocolic ta uts'inel yu'un te pucuje. Jich ju' yu'un spasel, melel sjoinej te Diose.

San Mateo 16:18

Jo'on ya cal te ja'at Pedroat, ta sba te ton in to ya cac' ipajuc ta stsojbol a te jch'uunjeletic cu'une. In te jch'uunjeletic cu'une ma stsalotic yu'un te lajele.

Miqueas 7:15

Pasbeya yilic jchajp at'elil, jich bit'il te bi c'aalil la aloq'ues tel ta Egipto.

Hechos 4:16

Jich caj yalbey sbaic: —¿Bi ya cutic in winiquetic to? Melel spisil lum Jerusalén yaiyojiquix stojol te jchajp at'elil la spasique. Ma xju' cu'untic smaquel ta c'op te ma meleluque.

San Mateo 12:25

Jesús la sna' stojol te bila la yaan yo'tanique. Jich caj yalbey yaiyic: —Te mach'atic jtul nax muc' ajwalil ay yu'unique, teme ya xat sbaique soc teme ya xjajch' scontroin sbaique, tey ya sjin sbaic ta spisilic a. Ja' nanix jich uuc te mach'atic jun nax lum ayique, o te mach'atic jun nax na ayique, teme ya xat sbaique ma ba ya xjalajic ta q'uinal yu'un.

Isaías 41:4

¿Mach'a la spas? ¿Mach'a a ta xjajch'ibal to tel te xmelmon la yac' c'otuc ta pasel spisil ta sba te balumilale? Jo'on te Ajwalilon, te jtuquel Dioson, te ayon ta sbabial soc ta slajibal.

Hechos 5:12

Te jpuc-c'opetique ju' yu'unic spasel bayal señailetic soc jchajp at'eliletic ta stojol te lume. Spisilic jun yo'tanic la stsobilay sbaic ta bay Scorredor Salomón.

Salmos 31:19

Mero muc' yutsil awo'tan ta swenta te mach'atic ya yich'at ta muq'ue. Te yutsil awo'tan ya aq'uej jichuc c'ulejalil, te ya apucbey ta comonsitil te mach'atic smuc'ulinejat yo'tanique.

Hechos 15:12

Jich ch'abic ta c'op ta spisilic te mach'atic stsoboj sbaique, soc la yaiybeyic stojol sc'op te Bernabé soc te Pabloe te la yalic te bit'il Dios la spas señailetic soc jchajp at'eliletic ta swentaic ta stojol te jyanlumetique.

Hechos 5:14

Yanyan ta esmajel te jch'uunjeletique, melel tsobol ta jtul winiquetic soc antsetic tal xch'uunic te Cajwaltique.

San Juan 11:47

Jich yu'un te fariseoetique soc te jwolwanej-sacerdoteetique la stsob sbaic ta Muc'ul Tsoblej yu'unic. Jich la yalic: —¿Bi me ya jpastic yu'un? Melel te winique bayal señailetic yac ta spasel.

Daniel 9:15

“Cajwal Dios cu'untic, la awac' ta ilel smuc'ul awu'el te c'alal la awic' loq'uel ta Egipto te lum awu'une. Jich la awac' chicnajuc ta alel yutsil ac'oplal ja' to c'alal ta ora to. Pero te jo'otic la jta jmultic, la jpastic te bila amene.

Génesis 3:15

Ya me cac' te contro ya awil aba soc te antse, soc te ats'umbale contro ya yil sba soc te sts'umbale. Ja' me ya yejch'entesbat ajol te patil alnich'an yu'une, yan te ja'ate yit nax yacan ya awejch'entesbey atuquel —xi' sc'oplal yu'un.

Ezequiel 21:21

Te muc' ajwalil yu'un Babilonia tey la yaq'uix sba ta banti ya xjetin jajch'el te cheb be. La spasbey snúmero ta na'el te bila ya to xtal ta stojole. Jich la xchajulay te yat'ejibalul t'imalte'e, soc la sjojc'obey te bila cuybil ta diosetic yu'une, soc ta sejc'ub chambalametic.

Deuteronomio 3:24

“Cajwal, jajch' awac'bonix quil te smuc'ul awu'el te jo'on te awabatone. Ma'yuc yan Dios ta ch'ulchan ni ta balumilal te ya xju' yu'un spasel te bitic jelawen yutsil te yacat ta spasele.

Isaías 44:25

Ma xcac' te ya xc'ot ta pasel te bila la yalbey sc'oplal te lotil j'alwanejetique; jo'on ya cac' jowejuc sjolic te mach'atic ay bila ya xtal ta yo'tanique. Jo'on ya cac' ya scontroin sbaic ta c'op te mach'atic p'ijique; soc te bitic ya sna'ic, puro jowil c'op me ya xc'ot ta loq'uel.