Números 23:21 - Bible in Tzeltal de Oxchuc y Tenejapa

²¹ Ma'yuc mach'a yiloj te ya xlo'laywan soc te ya spas te bila amen te Israel te lum yu'un Jacob. Te Cajwaltic te Dios yu'unique sjoinejic, yacalic ta yalel te ja' muc' ajwalil yu'unique.

Bible in Tzeltal Bachajón

²¹ Mayuc mulil yu'un Jacob la yil, mayuc yiloj bin chopol ta Israel. Te Jehová te Dios yu'un, ha sjoquinej, ya yalic te ha ajwalil yu'unic.

Números 23:21 Referans Kwoze

Salmos 23:4

Manchuc me ya xc'axon ta chujc'ul yijc'al q'uinal, ma'yuc xiwel ya caiy ta co'tan, melel te ja'at Cajwal ajoinejon. Te abastón soc te anajt'il garrabato ja' ya yac'bonic smuc'ul co'tan.

San Mateo 1:23

“Ay me jtul tec'tojom ach'ix te ya yic' alale. Ya x'ayin squerem-al, Emanuel ya xc'ot te sbiile”, te xie. Te bit'il Emanuel xi' te sbiile, “Sjoinejotic te Diose”, xi' c'oem.

Jeremías 50:20

Jo'on Ajwalilon, jich ya cal: Ja' me jich yorail a, te Israel soc Judá ya xjilic ta libre yu'un te falta soc te smulique, melel jo'on ya jpasbey perdón te mach'atic ya cac' cuxinuc xane.

Isaías 38:17

Ya calbat awaiy te ch'auben co'tan ta neelale, ora yo'tic lamal q'uinal ya caiy. Ja'at acanantayejbon te jcuxlejale, ma ba la awac'on bael ta xch'enal lajel, melel la apasbon perdón yu'un spisil te jmule.

Salmos 46:11

Te Cajwaltic te Spisil ya xju' yu'une, ja' sjoinejotic stuquel. Ja' anjibal cu'untic stuquel te Dios yu'un Jacobe.

Isaías 33:22

Te slazoil te muc'ul barcoetic ma xju' ya x'ipajic ta tec'lej tey a te ste'el spac'ul; ma xju' ta lich'el te spac'ule. Ya me xju' jpojbeytic bayal sc'ulejalic te jcontrotactique, asta te ma'site ya to me xc'ot ta swenta, soc te mach'atic sicuben yacan, ya me yat'elinic spojel. Melel te Cajwaltic ja' mero juez cu'untic, ja' jpas-mandalil cu'untic soc muc' ajwalil cu'untic, ya me scoltayotic stuquel.

Isaías 8:10

Manchuc me chapal te ac'opique, ja'uc me to, ya me yich' ch'ayel ta jc'axel; manchuc me ya awal loq'uel te bila ya sc'an awo'tanic, ja'uc me to, ma xc'ot ta pasel awu'unic. Melel te jo'otique sjoinejotic Dios jtuqueltic.

Isaías 1:18

Te Cajwaltic la yal: —La'ic, ya jchaptic te aiyeje: Manchuc me jich amulic te bit'il mero tsaje, ya jc'atp'unbeyex ta sac, jichuc saquil toib; manchuc me jich te bit'il pac' ts'ajbil ta tsaj, sac ya xc'ot cu'un, jichuc saquil stsotsil chij.

Romanos 6:14

Melel ma xju'ix te ya yu'uninex xan te mulile, yu'un ma'yuquex ta swenta te mandalile. Ja' ayex ta swenta yutsil yo'tan te Diose.

Isaías 41:10

Ma me xiwat, joinejat me; ma me xnijc' awo'tan, melel jo'on te Dioson awu'une. Jo'on ya cac'bat awip, jo'on ya jcoltayat; ja' me jtsacojat ta jc'ab te jtsalwanejone.

Salmos 118:15

Ta snaic te winiquetic jun yo'tanic ta stojol, bin nax me yo'tanic ta sc'ajintayel te tsalawe: “Ta yu'el Cajwaltic la sta te tsalawe.

Salmos 97:1

Ja' muc' ajwalil stuquel te Cajwaltique; binuc nax me awo'tanic, ja'ex te lumq'uinalexe, binuc nax me awo'tanic te ch'in q'uinalex te joytaybilex ta mar te ma p'isbiluc awajtalule.

Deuteronomio 33:5

Te Cajwaltic och ta muc' ajwalil yu'un Jesurún, te c'alal la stsob sbaic te jwentainwanejetic yu'un lum, te la stsob sbaic spisil ta jchajp sts'umbal te Israele —xi'.

Ezequiel 48:35

Te joyob ts'ajq'ue ay me balunmil metro snajt'il ta spisil. Te sbiil te lum jich me ya xc'ot bael: “Li' ay te Cajwaltique”, xi' te sbiile —xi' te Cajwaltique.

Salmos 103:12

Te mulil cu'untic q'uejel la yac'botic bael ta jtojoltic, jich najt' yac'oj bael bit'il snajt'il yiloj sba soc sloq'uib c'aal te smalib c'aale.

Salmos 46:7

Te Cajwaltic te Spisil ya xju' yu'une, ja' sjoinejotic stuquel. Ja' te Dios yu'un Jacob, ja' anjibal cu'untic stuquel.

Salmos 32:5

Ja'uc me to, la calbat ta jamal, ma ba la jmuquix ta co'tan te jmule, ja' te bila ma lecuc jpasoje; la jnop te ya calbat ta jamal te muliletic jpasoje, te ja'at Cajwal, la apasbon perdón yu'un.

Salmos 32:2

Bin nax yutsil te mach'a ma'yuc lo'laywanej ta yo'tan, soc te ma'yuc falta ya x'ac'bot scuch yu'un te Cajwaltique.

2 Crónicas 13:12

Ayuc me ta awo'tanic jiche te ay ta jtojoltic te Dios soc te sacerdoteetic yu'une. Chapalic meix te oq'uesetic te ya yich' oq'uesinel yu'un guerra ta atojolic te ja'exe. Ya me calbat xan, israeletic, ma me xawac'bey guerra te Cajwaltic Dios yu'un te antiguo jme'-jtatic, melel ma me xju' awu'unic te ya awaiyic tsalaw —xi' te ajwalil Abiam.

Jueces 6:13

Te Gedeón la sjac': —Pasbon perdón, cajwal, te yu'unuc joinejticuc te Cajwaltic, ¿bistuc yac ta c'axel jwocoltic? ¿Banti ay spisil te jchajp at'eliletic yu'un, te la yalbotic sc'oplal te antiguo jme'-jtatique, te la sloq'uesotic tel ta Egipto a? Pero te Cajwaltic la yijq'uitayotiquix jilel, la yac'otiquix ta sc'ab te madianetique —xi'.

Éxodo 34:9

Jich la yal: —¡Cajwal! ¡Cajwal! Teme melel te lec c'oemon ta asite, joinawotic bael jiche. Te lume, melel nix a ma spejc'an sbaic ta jyalel, ma xch'uunic mandal. Pasbon perdón yu'un a te jmul soque. Lumucotic me awu'un —xi' te Moisese.

Éxodo 13:21

Ta c'aaleltic la sjoin te Cajwaltic, jich yilel te bit'il balal tocal te yac ta ic'aw ta beel. Ta ajc'ubal balal ta tilel jichuc c'ajc' xojobajem ta lec. Jich ju' yu'unic beel ta c'aal ajc'ubal.

2 Corintios 6:16

¿Ya bal snujp'in sba te ya x'ain loc'ombaetic ta bay te templo yu'un te Diose? Melel ja'ex temploex yu'un te cuxul Diose, jich te bit'il la yal te Diose: “Ya me xnainon ta yolilic, tey me ya xbeenon a. Jo'on Dioson yu'unic soc lum cu'un ya me xc'otic”, te xie.

2 Corintios 5:19

Ja' bi, ja' te Dios ya yac' te ya xjunaj yo'tan sbaic soc te mach'atic ayic ta balumilal ta swenta Cristo. Ma ba ya sna'bey smulic te ants-winiquetique. Soc ja' yac'ojbotiquix cat'eltic ta xcholel te bit'il ya xjunaj yo'tan sbaic soque.

2 Corintios 2:14

Ja'uc me to, wocol la yalbotic te Diose te spisil ora ya scoltayotic ta tsalaw ta swenta te Cristoe. Dios ya yac' ta puquel ta bayuc ta jwentatic te sc'oplal te Cristoe, jich bit'il te bila mero bujts'an nax yic' ya xbeen ta bayuque.

Romanos 8:1

Jich yu'un ta ora to, te mach'atic ayic ta swenta te Cristo Jesuse, ma'yuquix ta swentaic te castigo yu'un te smulique. [Ja' te mach'atic ma ba st'unojix pasel te bila swenta nax te sbaq'uetale, te ja' st'unojix ta pasel te bila swenta te Espiritue.]

Isaías 12:6

Awunanic yu'un sbujts' awo'tanic, ja'ex te yajwalex Sión, melel te Ch'ul Dios yu'un Israel, ay ta awolilic te ja'exe soc spisil te smuc'ul yu'ele”, xaex me ta c'ayoj.

Éxodo 3:12

La sjac' te Diose: —Ya me joinat te bit'il jo'on ya jticunate. Jich me ya ana' stojol a, te c'alal loq'uix tel ta Egipto awu'un a te lum cu'une, apisilic li' me ya xtal aquejan abaic ta jtojol ta bay wits to —xi'.

Números 14:18

Awaloj te ma orauc nax ya x'ilinat, te mero muc' ta jyalel te xc'uxul awo'tan, soc te ya apasbey perdón yu'un smulic soc te stoybailique. Ya jna' te ma xch'ay castigo ta stojol te mach'a ay smul, te ya awac'bey castigo soc snich'nab smamatac c'alal ta xchancajal.

Números 14:19

Melel te xc'uxul awo'tane, mero muc' ta jyalel, jich yu'un pasbeya perdón yu'un smulic, melel ats'icojbey c'alal ta Egipto ja' to c'alal ta bay q'uinal to —xi' te Moisese.

Deuteronomio 9:24

¡Ja' to te c'alal la jna'beyex abaique, spisil ora tulan awac'oj abaic ta stojol te Cajwaltique!

Deuteronomio 31:23

Te Josué te snich'an Nun, ac'bot yu'un Cajwaltic te mandal in to: —Ma me xiwat, ayuc me yip awo'tan. Melel ja'at me te ya awic' ochel te israeletic tey ta lumq'uinal te calojbeye. Jo'on me ya x'ainon ta ats'eel —xi' sc'oplal te Josué.

Deuteronomio 32:5

Amen awo'tan ants-winiquex, amen awat'elic, la awaq'uic ilinuc te Diose, ma snujp'inix te yal-snich'anex Dios, xi' ac'oplalic.

Levítico 9:24

Loc' c'ajc' ta stojol te Cajwaltique, la slajin ta jc'axel te chambalam te yac ta c'ajq'uele, soc nix te xepuil ayic ta scajtijib ta chiq'uel smajt'an te Diose. C'alal la yilic, ta spisil te israeletic tulan awunic ta swenta yutsil q'uinal yaiyic, la stinan sbaic coel c'alal ta lum te sti'baique.

Números 9:22

Teme la scom sba ta sba te ch'ul awilal te tocal, teme cheb c'aal, teme jun u, o teme jun ja'wil, jich jun nax yo'tanic la spas scampamentoic, ma ba jelawic bael. Ja'uc me to, teme jajch' ta beel te tocale, jich yu'un te israeletic jajch'ic ta beel.

Números 16:3

Spisilic la stsob sbaic, la situyic ta c'op te Moisés soc te Aarón, jich la yalbeyic: —Tiq'uexix a te muc' ac'oplalic te ja'exe, melel spisil lum ch'ultesbil yu'un te Diose. Te Cajwaltic ayix ta coliltic ta jpisiltic. ¿Bi yu'un te c'ax muc' ya awac' abaic soc awat'elic ta stojol te lum yu'un te Cajwaltique? —xiic.

1 Samuel 25:28

Abaton awu'un, pasbon perdón. Te Cajwaltic ya me sc'asesat ta muc' ajwalil soc ats'umbal ta cajalcaj, melel yacat ta guerra ta swenta te Cajwaltique. Te jayeb c'aal cuxulat ma me ayuc bi amen ya xc'ax awocol yu'un.

Salmos 99:2

Te Cajwaltic muc' sc'oplal ta wits Sión; toyol ay ta stojol spisil te lumetique.

Salmos 135:21

Bayaluc me yutsil sc'oplal ta Sión te Cajwaltic te nainem ta Jerusalén. ¡Bin nax yutsil te Cajwaltique!

Isaías 33:21

Tey me ya yac' ta ilel yutsilal a te Cajwaltic ta jtojoltique. Ja' me yawil ja'etic te tulan ya x'oquinic, te mero muc' sjamalule; ja'uc me to, ma ba ya yochintay te jcontroinwanejetique, ma ba ya x'och soc sbarcoic te ay stijibal yu'unique, ja' te muc'ul barcoetic te tulanic ta jyalele.

Joel 2:27

Ja'ex israeletic, ya me sc'an ya ana'ic te joinejex jo'on te Ajwalilon, te jo'on Dioson awu'unic te ma'yuc mach'a yan ay awu'unic. Ma'yuquix bi ora ya xtaotic yu'un q'uexlal te lum cu'une —xi'.