Números 23:19 - Bible in Tzeltal de Oxchuc y Tenejapa

¹⁹ Te Dios ma jichuc te bit'il mach'a ya xlaje: Ma spas lot, ma sujt'es sc'op. Teme ay bila ya yal, ya sc'otes ta pasel. Teme ay bila ya yal ta jamal te ya spase, ya sc'otes ta pasel te sc'ope.

Bible in Tzeltal Bachajón

¹⁹ Te Dios ma hichuc te bin ut'il winic te ya ya'iy lot, soc ma hichuc te bin ut'il snich'an winic te ya suht sc'op. Te bin la yal, ¿ma bal yacuc spas? Teme c'opoj, ¿ma bal yacuc sc'ohtes ta pasel?

Números 23:19 Referans Kwoze

1 Samuel 15:29

Melel te Diose, te ja' yutsilal te Israel, ma sna' lot soc ma patiluc ya sut sc'op. Melel ma pajaluc soc mach'auc nax winiquil te patil ya sut sc'ope —xi'.

Santiago 1:17

Spisil bila lec te quich'ojtique soc spisil jmajt'antic te jelawen yutsile, coem tel ta cajal spisil, te ja' yac'ojbotic te Jtatic te la spas te c'aal, u, soc eq'uetique. Stalel ay stuquel, soc xujt' ma xyanaj te xojobile.

Malaquías 3:6

“Jo'on Ajwalilon, ma'yuc bay yanajem co'tan. Jich ma ba jtup'ex ta q'uinal te sts'umbalex Jacob.

Hebreos 6:18

Jich ay cheb te bila ma xch'ay sc'oplal, te melel ma xju' ya spas lot stuquel te Diose. Jich ay yip co'tantic te jayebotic te la jtatiquix coltayel yu'un te Diose soc te jun co'tantic yacotic ta smaliyel te bila yaloje.

Tito 1:2

yu'un ya jmaliytic te jcuxlejaltic ta sbajt'el q'uinal. Te Dios te ma spas lote, jich yaloj ta jamal ta xjajch'ibal to tel.

Romanos 11:29

Melel teme Dios la yal te ya xc'uxtaywane, soc te ay mach'a ya x'ic'ot yu'une, ma ba ya sujt'es sc'op stuquel te Diose.

San Lucas 21:33

Ya xlaj te ch'ulchane soc te balumilale. Yan te jc'ope ma xlaj sc'oplal stuquel.

Habacuc 2:3

Manchuc me ma to xc'ot sc'aalelal te ya xc'ot ta pasele, ma me yu'unuc ma xc'ot ta pasel. Ya me amaliy, manchuc me ya xjalaj yilel te jich ya xc'ot ta pasele.

Salmos 89:35

Jun nax buelta jc'axel caloj swenta bit'il ch'ul Dioson jtuquel, ma ba ya jpas ta lot te David:

Oseas 11:9

Ma jichuc ya x'at'ejon te bit'il ay sc'ajc'al te quilimbae; ma ba ya jcha'jin xan te Efraín. Melel jo'on Dioson, ma winicucon. Jo'on Ch'ul Dioson te ayon ta awolile, soc ma'yuc talem jinbelat —xi' te Cajwaltique.

Miqueas 7:20

Cajwal, junuc me awo'tan soc ayuc me xc'uxul awo'tan, te jich nix jamal la awal ta namey ta stojol te antiguo jme'-jtatic ja' te Abraham soc Jacob.

1 Crónicas 17:17

Ja'uc me to, ch'in xujt' c'oem ta asit, Cajwal Dios. La awalbeyix xan sc'oplal te patil alnich'anetic cu'un, te bebe jilel bael yat'elic awu'une. Jich c'oemon ta awo'tan te bit'il jtul winic te muc' sc'oplale.

Romanos 9:6

Ja'uc me to, ma yu'unuc ma c'ot ta pasel te bila yaloj te Diose. Te melel ma spisiluc te sts'umbal israeletic ayic ta swenta te Israele.

2 Timoteo 2:13

Teme ma junuc co'tantique, ja'uc me to, jun yo'tan ta jtojoltic stuquel. Melel jamal ya yal sba stuquel te Diose”, te xie.

Hebreos 7:21

Te yantic sacerdoteetique ma'yuc banti la yich' alel sc'oplal ta jamal stuquelic. Yan te Jesuse, puersa la yich' alel sc'oplal ta jamal yu'un te Diose, jich te bit'il ts'ibubil jilel ta Sjune: “Te Cajwaltique la yal ta jamal soc ma ba ya sujt'es sc'op: ‘Sbajt'el q'uinal awich'oj awat'el ta sacerdoteil, te ja' awich'ojbey yat'el te Melquisedeque’, xi'”, te xie.

Santiago 4:5

Ja' swentail te jich ts'ibubil jilel ta Sjun te Diose: “Te Espíritu te yac'oj snainbotic co'tantic te Diose, bayal sc'anoj ta yo'tan”, te xie.

Génesis 28:15

Ya me joinat spisil ora, soc ya me jcanantayat bayuc ayucat, soc ya me quic'at sujt'el li' ta bay q'uinal to. Ma ba ya jpijt'esat, ja' to teme c'ot ta pasel cu'un spisil te bila calojbate —xi' sc'oplal yu'un.

Números 14:35

Jo'on Ajwalilon, ya cal te jich ya jpasbey te lum te c'ax ma lecuc yo'tanic, te jun yac'oj sbaic ta scontroinbelonique. Li' ta jochol taquin q'uinal ya me xc'ot slajibal c'aal yu'unic, ya me xlajic jilel”, uta me —xi' te Cajwaltique.

Números 23:18

Jich yu'un te Balaam la yal loq'uel in sc'op j'alwanej to: —Balac, snich'an Zipor, aiybon awaiy ta lec te jc'ope.

Salmos 89:34

Ma ba ya jlajinbey sc'oplal te trato cu'une; ma me xch'ay cu'un te bila caloje.

Salmos 110:4

Te Cajwaltic ay bila yaloj ta jamal, ma xju' ya xcha'sujt'es xan te sc'ope: “Ja'at sacerdoteat swenta sbajt'el q'uinal, te ja' nix pajal sacerdote ayat soc te Melquisedec”, xi'.

Isaías 21:17

Jteb xanix ya xjil t'imetic yu'un te guerra ta Cedar —xi'. Jich la yal te Cajwaltic te Dios yu'un Israel.

Isaías 31:2

Ja'uc me to, ay nix sp'ijil stuquel te Cajwaltique, soc ya sna' yaq'uel woclajel a. Teme ay bi ya yale, ma sujt'es sc'op. Ya spas yat'el ta stojol te ants-winiquetic te amenique; ya yilbey yo'tanic te mach'atic ya scoltayic te amen yat'elique.

Isaías 40:8

Te aque ya xtaquinaj, te nichime ya xlubaj; yan te sc'op Dios cu'untic, stalel ay sbajt'el q'uinal stuquel, xaat me ta aw —xi'.

Isaías 46:11

La quic' jtul winic ta sloq'uib c'aal, te ya xtal ta c'ubul q'uinal. Jich bit'il ja'mal-mutetic te ya stsac sti'ic te chambalametique, jich ya xc'ot ta pasel te bitic chapal cu'une. Teme jich caloj, jich nix ya jpas; te bitic jchajbaneje, jich nix ya jc'otes ta pasel.

Isaías 55:11

Ja' ni me jich te jc'op te ya xloc' tel ta que, ma ba ya sujt' tel teme ma ba ya x'at'eje. Ja' me ya spas te bi ya sc'an co'tan, soc ja' me ya spas te at'el te ya jticun bael yu'une.

Jeremías 4:28

Te balumilale ya xnoj yu'un mel-o'tan, soc te ch'ulchan, ya x'ijc'ub yu'un mel-o'tan. La calix te jc'ope, pero ma ba ya jsujt'es; chapalix cu'un, ma xju' sujt'on bael ta jpat.

Daniel 4:28

Spisil te bitic alot ta stojol te muc' ajwalil Nabucodonosor c'ot ta pasel:

Génesis 26:3

Tey me xnainat a te bay q'uinal ayate, ya me joinat, soc ya me cac'bat bendición. Yu'un ya me cac'bat aq'uinalin spisil soc ats'umbal te q'uinale, soc ya me cac' c'otuc ta pasel te bila la calbey te atat Abrahame.

Josué 21:45

Ma'yuc bay jil jp'aluc c'op te ma c'ot ta pasel yu'une. Buen t'ujbil spisil te bila yaloj Cajwaltic te la yac' c'otuc ta pasel ta stojol te israeletique.

1 Samuel 3:12

Ya me xc'ot sc'aalelal, te puersa ya cac' c'otuc ta pasel te bi caloj ta stojol Elí ta swenta te mach'atic ay yu'une.

1 Reyes 14:11

Te achapomal ya xlajic ta yut lum, ya me xti'otic yu'un ts'i'etic; soc te ya xlajic ta aquiltic, ya me xti'otic yu'un jti'awal mutetic. Melel jo'on Ajwalilon te jich la calixe”, xi' te Cajwaltique.

2 Reyes 7:2

Te yabat te muc' ajwalil te stsacojbey sc'abe, la sjac'bey sc'op te Eliseo: —Manchuc me ya sjambey sventanaul ch'ulchan te Cajwaltique, ma xju' ya xc'ot ta pasel te bi ya awale —xi'. Pero la sjac' te Eliseo: —Ya me awil ta asit, pero ma ba ya awe' —xi'.

2 Reyes 15:12

Jich c'ot ta pasel a te bi yaloj Cajwaltic ta stojol Jehú, ja' te la yalbey te ya me xnajc'aj ta muc'ul nactijibal ta ajwalil yu'un Israel te snich'nabe, ja' to ta xchancajal alnich'anetic yu'un.

Salmos 77:9

¿Yu'un bal ch'ayemix te yutsil yo'tan te Diose? ¿Mero c'ax ilinem bal te ma ba ya sna'ix yo'bolil jbatique?” xoon yu'un.

Salmos 132:11

Te Cajwaltic ay bila mero jc'axel yaloj ta stojol David, mero jc'axel yaloj te ma xju' ya sujt'es sc'op: