Números 23:13 - Bible in Tzeltal de Oxchuc y Tenejapa

¹³ Ja'uc me to, te Balac la yalbey xan: —La' joinawon xan tel ta jejch', ta bay c'alal ma xju' ya awil ta spisil te lum ta bay scampamentoic, ja' nax me ya awilbey xejt'uc. Tey to x'ac'anbon castigo ta stojolic a —xi' te Balac.

Bible in Tzeltal Bachajón

¹³ La yal te Balac: Awocoluc, la' joquinawon bahel ta yan lugar te banti ya xhu' yac awil xan; ha nax ya xhu' yac awil te mach'a nopol ayic, ma xhu' yac awil spisilic. Tey to me yac abohlobtesbe sc'oblalic a, xchi.

Números 23:13 Referans Kwoze

Salmos 109:17

Te bit'il ja' la smulan te ya sboltesbey sc'oplal te yane, ac'a bolobuc sc'oplal ta jc'axel stuquel. Ma la sc'an bendición, ma me x'ac'botix bendición jiche.

Miqueas 6:5

Lum cu'un, na'a me yo'tic te bitic chapal ta yo'tan te Balac te muc' ajwalil yu'un Moab, soc te bila sujt'ib sc'op la yac' te Balaam snich'an Beor. Na'a me c'alal ayat ta Sitim te c'axat bael ta Gilgal, soc na'a ta lec te la caiy tsalaw ta bayuc —xi' te Cajwaltique.

1 Reyes 20:28

Ja' yorail c'ot jtul j'alwanej yu'un Dios ta stojol te muc' ajwalil yu'un Israel, jich albot: —Jich la yalix te Cajwaltique: “Te siriaetic yalojic te jo'on dioson yu'un witstiquil, te ma diosucon yu'un spamlejtique. Ja' yu'un ya cac'bat ta ac'ab ta spisilic te jich yipal ayique. Jich me ya ana' a te jo'on te Awajwalone”, xi' me te Cajwaltique —xi'.

1 Reyes 20:23

Te capitanetic yu'un soldadoetic yu'un te muc' ajwalil ta Siria, jich la yalbey te muc' ajwalil yu'unique: —Te diosetic yu'unic te israeletic, puro diosetic yu'un witstiquil, ja' yu'un la stsalotic. Pero teme ya jtsac jbajtic soc ta spamlej, seguro ya jtsaltic.

Josué 24:9

Patil te Balac, te snich'an Zipor te ajwalil yu'un te moabetic, tal yac'beyex guerra. Te Balac la sticun ta leel te Balaam te snich'an Beor, swenta yu'un ya yac'bey sc'anbeyex tel castigo ta atojolic.

Números 22:41

Te Balac, ta sab ba sle te Balaam. La yic' moel ta Bamot-baal, ja' to bay c'alal ya xchicnaj ta spisil scampamento te israeletique.

Números 23:12

Te Balaam la sjac': —Melel la jchaptic te ja' nax me ya cal te bila ya yalbon loq'uel ta que te Cajwaltique —xi'.

Números 23:14

Te Balac la yic' moel te Balaam ta spamlejal yu'un Zofim, ta mero sba te wits Pisga. Tey la spasbey juqueb scajtijib ta chiq'uel majt'anil a, soc la smil juju-jcojt' toro soc juju-jcojt' tat chij.

Números 22:6

La', c'anbon castigo ta stojol, yu'un c'ax xan tulanic a te bit'ilotique. Jich wan ya xju' cu'un stsalel a te jichuque, te ya jnutstic loq'uel ta jlumaltic. Ya jna' teme bendición ya ac'anbey, o teme castigo ya ac'anbey, ya nix c'ot ta pasel a”, utaic me —xi'.