Números 22:6 - Bible in Tzeltal de Oxchuc y Tenejapa

⁶ La', c'anbon castigo ta stojol, yu'un c'ax xan tulanic a te bit'ilotique. Jich wan ya xju' cu'un stsalel a te jichuque, te ya jnutstic loq'uel ta jlumaltic. Ya jna' teme bendición ya ac'anbey, o teme castigo ya ac'anbey, ya nix c'ot ta pasel a”, utaic me —xi'.

Bible in Tzeltal Bachajón

⁶ Awocoluc, la' me ta ora, bohlobtesbeya sc'oblal te pueblo ini, yu'un c'ax hich yip a te bin ut'il te ho'one. Hich wan ya xhu' cu'un stsalel soc stenel loq'uel ta q'uinal. Ya jna' te mach'a yac ac'ambe bendición ta stojol ya yich' bendición, o te mach'a yac abohlobtesbe sc'oblal, bohloben sc'oblal ya xc'oht, xchi.

Números 22:6 Referans Kwoze

Números 24:9

C'alal ya smejts'an sba ta xcuxel yo'tanic, jich yilel te bit'il león-choj: ma'yuc mach'a ya xjelaw ta stijel. Jelawen yutsil te mach'a ya sc'anbat bendición, ya me yich' castigo te mach'a ya sc'anbat castigo —xi' te Balaam.

Hechos 16:16

Ta yan buelta te c'alal yacotic ta bael te banti ya jtsob jbatic ta sc'oponel te Diose, la staotic jtul ach'ix te ay pucuj ta yo'tan te ya sna' yalel te bila ya xc'ot ta pasele. Ay cha'oxtul yajwal te la spasic bayal ganar yu'un te bila ya sna' yalele.

Ezequiel 13:6

Te bila ya yalic ta swenta te bila la cac'bey yil ta sc'opique, ma meleluc, soc te bila ya yalic sc'oplal ya xc'ot ta pasele, slotic. Ya yalic te jo'on jc'op te ya yalique, pero ma jo'ucon jticunej. Tojol ya smaliyic te ya xc'ot ta pasel te bila ya yalique.

Nehemías 13:2

Melel ma ba loq'uic bael ta yaq'uel swe'el-yuch'elic te namey israeletique. Melel ja'ic stuquelic la stojic te Balaam te la sc'opon Dios yu'un ya xc'anbotic castigo ta stojolique, manchuc teme Dios la sc'atp'un ta bendición te castigo c'anbot ta stojolique.

1 Reyes 22:13

Te abat c'o yic' tel Micaías, jich la yalbey: —Spisilic te j'alwanejetic yacalic ta yalel te lec ya xc'ot te muc' ajwalile, ma'yuc mach'a ma jichuc ya yal. Ja' yu'un, wocoluc, jich ni me xc'opojat te bit'il yantic, yacuc me awal uuc te lec ya xc'ot te muc' ajwalile —xi'.

1 Reyes 22:8

Te muc' ajwalil yu'un Israel jich la yalbey te Josafat: —Ay jtul xan te ya xju' ya sjojc'obotic ta stojol te Cajwaltique, ja' te Micaías te snich'an Imla. Mero ma jmulanbey sc'op, melel ma'yuc bi ora ya yalbon te bila leque, puro ma lecuc te bila ya yalbone —xi'. Pero jich albot yu'un te Josafat: —Ma xawal jich —xi' sc'oplal.

1 Reyes 22:6

Te muc' ajwalil yu'un Israel la stsob j'alwanejetic te jteb ma sta jbajc' ta jtule. La sjojc'obey ta spisilic: —¿Ya bal xju' ya cac'bey guerra te lum Ramot-ta-Galaad, o ma xju'? —xi'. La sjaq'uic: —Ac'beya guerra, te Cajwaltic ya me yac'bat ta ac'ab —xiic.

1 Samuel 17:43

Te bit'il ma la yich' ta wenta, jich la yalbey: —¿Yu'un bal ts'i'on ta ac'op te tal amajon ta te'? —xi'. Ta swenta te yajcanan, ora jajch' yalbey ixta c'op te David,

Deuteronomio 23:4

Melel te c'alal c'axex tel ta sq'uinalique, te c'alal loq'uexix tel ta sq'uinal Egipto, ma ba la yac'beyex awe'elic, soc ni lajuc yac'beyex awuch'ic ja'. Soc la stojic te Balaam, te snich'an Beor te talem ta lum Petor ta Mesopotamia, swenta yu'un ya sc'anbeyex castigo ta atojolique.

Números 22:17

Jo'on ya cac'at ta buen ich'el ta muc'. Ya me jpas ta spisil te bila ya ac'anbone. La' me, wocoluc ya me xtal ac'anbon castigo ta stojol te lume”, xi' tel sc'op —xiic.

Números 22:12

Jich yu'un te Dios la yalbey te Balaam: —Ma me xbaat, ma me x'ac'anbon te ya cac'bey castigo te lume, melel jo'on cac'ojbey bendición —xi' te Diose.

Génesis 27:29

Spisil ants-winiquetic ac'a yac' sbaic ta abatinel awu'un, soc spisil ta jchajp lum ac'a squejan sbaic ta atojol. Pasa ta mandal te awermanotaque, ac'a squejan sbaic ta atojol. Ma'yuc bendición ta stojol te mach'a ya scontroinate, ja' nax me ay bendición ta stojol te mach'a lec yo'tan awu'une, —xi'.

Génesis 12:3

Ya me cac'bey bendición mach'a jayeb te lec yo'tan awu'un. Te mach'a jayeb ma lecuc yo'tan awu'une, boloben me sc'oplal cu'un ya xc'ot. Ja'at me ta awenta te ya cac' bendición ta stojol spisil ants-winiquetic ta balumilal —xi' sc'oplal yu'un te Diose.

Proverbios 26:2

Jich bit'il ja'mal mut te bayuc ya xbajt'e, soc jich bit'il ulich te ma'yuc spechech, ja' nix jich teme ma'yuc swentail te bolc'optayele, ma'yuc bila ya xc'ot ta pasel yu'un.

Salmos 109:28

Ma'yuc sc'oplal ta co'tan te ya sbolc'optayonic, ja' nax teme ya awac'bon bendicione. Ac'a me q'uexawuquic, ja'uc me yutsil co'tan ya caiy te awabatone.

Josué 24:9

Patil te Balac, te snich'an Zipor te ajwalil yu'un te moabetic, tal yac'beyex guerra. Te Balac la sticun ta leel te Balaam te snich'an Beor, swenta yu'un ya yac'bey sc'anbeyex tel castigo ta atojolic.

Miqueas 6:5

Lum cu'un, na'a me yo'tic te bitic chapal ta yo'tan te Balac te muc' ajwalil yu'un Moab, soc te bila sujt'ib sc'op la yac' te Balaam snich'an Beor. Na'a me c'alal ayat ta Sitim te c'axat bael ta Gilgal, soc na'a ta lec te la caiy tsalaw ta bayuc —xi' te Cajwaltique.

Números 23:13

Ja'uc me to, te Balac la yalbey xan: —La' joinawon xan tel ta jejch', ta bay c'alal ma xju' ya awil ta spisil te lum ta bay scampamentoic, ja' nax me ya awilbey xejt'uc. Tey to x'ac'anbon castigo ta stojolic a —xi' te Balac.

Números 23:27

Jich yu'un te Balac la yal: —La' me, ya quic'at bael ta yan jejch'. Ma niwan bila ya yalix a te Dios teme tey ya ac'anbey castigo —xi'.