Números 22:5 - Bible in Tzeltal de Oxchuc y Tenejapa

⁵ La sticun ta iq'uel te Balaam snich'an Beor, ja' te mach'a ay ta lum Petor ta sts'eel te muc'ja' Eufrates, ta sq'uinal Amav. Te Balac la yalbey mandal te abatetic yu'une: —Baan albeyaic te Balaam: “Ta Egipto ay loq'uem tel jchajp lum te pujq'uemiquix bael ta spamal te q'uinale. Ora yo'tic ayiquix ta jtojoltic.

Bible in Tzeltal Bachajón

⁵ la sticon bahel winiquetic ta stojol Balaam snich'an Beor ta Petor, te ay ta nopol muc'ul-ha' Éufrates, te ha slumal nix, hich la yalbe: Ay jun pueblo te loq'uemic tal ta Egipto te ya snojesic te q'uinal soc ya xnahinic nopol ta banti ayon.

Números 22:5 Referans Kwoze

Deuteronomio 23:4

Melel te c'alal c'axex tel ta sq'uinalique, te c'alal loq'uexix tel ta sq'uinal Egipto, ma ba la yac'beyex awe'elic, soc ni lajuc yac'beyex awuch'ic ja'. Soc la stojic te Balaam, te snich'an Beor te talem ta lum Petor ta Mesopotamia, swenta yu'un ya sc'anbeyex castigo ta atojolique.

Miqueas 6:5

Lum cu'un, na'a me yo'tic te bitic chapal ta yo'tan te Balac te muc' ajwalil yu'un Moab, soc te bila sujt'ib sc'op la yac' te Balaam snich'an Beor. Na'a me c'alal ayat ta Sitim te c'axat bael ta Gilgal, soc na'a ta lec te la caiy tsalaw ta bayuc —xi' te Cajwaltique.

Josué 24:9

Patil te Balac, te snich'an Zipor te ajwalil yu'un te moabetic, tal yac'beyex guerra. Te Balac la sticun ta leel te Balaam te snich'an Beor, swenta yu'un ya yac'bey sc'anbeyex tel castigo ta atojolic.

Judas 1:11

¡Ac'a me yil sbaic stuquelic! Melel snopojbeyic yo'tan te Caine. Sganar nax sna'ojic, jich jowejemiquix jich bit'il te Balaame. Soc jich ya xlajic bit'il te Coré te ac'ot ta lajel yu'un te bit'il la scontroin te Moisese.

Apocalipsis 2:14

Ja'uc me to, ay nax amul jtebuc ta jtojol. Ja' te bit'il awic'oj ta atojolic te mach'atic xch'uunejic te nopjibal yu'un te Balaame, te la yac'bey snop Balac te bit'il la yac' yaluc te israeletic ta sti'el te milbil smajt'an loc'ombaetic te tey ochic ta spasel a te mulweje.

Josué 13:22

Te israeletic la smilic te Balaam, ja' te snich'an Beor te la sna' syoljoltayel te bi ya xc'ot ta pasele, soc ay bayal yantic la smilic.

Números 23:7

Jich yu'un te Balaam la yal loq'uel sc'op j'alwanej: —C'alal to ta witstiquil ta sloq'uib c'aal, ta sq'uinal Aram, la yic'on tel Balac, te muc' ajwalil yu'un Moab. Jich la yalbon: “La' me, c'anbeya te ya x'ac'bot castigo Israel, c'anbeya bayal swocol te lum yu'un Jacob”, xi'.

Salmos 105:24

Dios la yac' esmajuc te lum yu'un, c'ax jich yip c'ot yu'un a te bit'il egipcioetique.

Génesis 13:16

Jich me yipal ats'umbal ya xc'oat cu'un te bit'il ts'ubil lume. Ma xju' ta ajtayel te ts'ubil lum, soc ja' nix jich ma xju' ta ajtayel te ats'umbale.

Éxodo 10:15

La slim sbaic ta lumq'uinal, mero ma chicanuquix a c'ot te lume. La swe'elinic te awalts'unubile, soc spisil te sit te'etic te jilemic xan yu'un te bate. Ma'yuquix bila jil ta spamal Egipto, ni ta aquiltic soc te te'eltique.

Números 31:8

La smilic te Evi, Requem, Zur, Hur soc te Reba, ja' te jo'tul muc' ajwaliletic yu'un te madianetique, soc nix te Balaam te snich'an Beor.

Deuteronomio 23:5

Yan te Cajwaltic te Dios cu'untique ma ba la yich'bey ta wenta te sc'op Balaam. Te bila swenta castigo la sc'atp'un ta bendición, melel c'uxex ta yo'tan stuquel te Cajwaltique.