Números 22:41 - Bible in Tzeltal de Oxchuc y Tenejapa

⁴¹ Te Balac, ta sab ba sle te Balaam. La yic' moel ta Bamot-baal, ja' to bay c'alal ya xchicnaj ta spisil scampamento te israeletique.

Bible in Tzeltal Bachajón

⁴¹ Ta schebal c'ahc'al te Balac la yic' mohel te Balaam ta Bamot-baal, tey la yil cohel a j'ohlil te pueblo.

Números 22:41 Referans Kwoze

Números 23:13

Ja'uc me to, te Balac la yalbey xan: —La' joinawon xan tel ta jejch', ta bay c'alal ma xju' ya awil ta spisil te lum ta bay scampamentoic, ja' nax me ya awilbey xejt'uc. Tey to x'ac'anbon castigo ta stojolic a —xi' te Balac.

Jeremías 48:35

Te Cajwaltic jich ya yal: —“Ya jin te ants-winiquetic ta Moab te ya xmoic ta toyol ch'uunjibal ta swenta yac'beyel milbil majt'anil soc pom te lotil diosetique —xi'.

2 Crónicas 11:15

Te Jeroboam sleojix sacerdoteetic yu'un stuquel te ya x'at'ejic ta toyol ch'uunjibaletic, ja' tey ya yich' ch'uunel a te pucujetic soc te sloc'omba alal toroetic te spasoje.

Deuteronomio 12:2

“Te lumetic te ya xc'o awu'uninbeyic te sq'uinalique, ya me ajinbeyic ta jc'axel spisil te yawil te banti ya xch'uunic te diosetic yu'unique: ta muc'ul witsetic, soc ta ch'in stselej witsetic, soc ta ye'tal te'etic te bayal yabenale.

Números 21:28

Ta Hesbón, ja' te lum yu'un Sehón, loc' tel c'ajq'uetic, pujc' bael, la slajin te lum Ar ta Moab soc te moeletic bael te ay ta swenta te muc'ja' Arnón.

Números 22:40

Tey la yal mandal Balac ta milel wacaxetic soc chijetic. La sticunbey Balaam soc te jtsobwanejetic te sjoinejique.

Números 23:1

Jich yu'un te Balaam la yalbey: —Pasbon juqueb scajtijib ta chiq'uel majt'aniletic li'to, soc chajbanbon juqueb toroetic soc juqueb tat chijetic —xi' te Balaam.

Jeremías 19:5

Ja' nix jich la spasbeyic scajtijib te bay ya xchic' snich'nabic te ya yac'beyic smajt'anin te lotil dios Baal. Ma'yuc bay la calbeyex mandal, soc ni ma'yuc jich tal ta co'tan.